John 8:6 - Bible Ni Thothup

⁶ Rogned e re bugithin ney ni yad be guy rogon ni nge aw Jesus ko wup rodad, ya nge yag nrogned bbugithin ni nge togopluw ngak. Machane me lumel Jesus nga but’ nge yol nga daken e but’ ni bugul i pa’ e yol ngay.

John 8:6 Σταυροειδείς Αναφορές

Genesis 49:9

Judah e ba layon ni bfel’ yangren. Ma li’ e n’en ni nge li’ me sul ko gin nma mith riy. Judah e bod ba layon, ma k’iyag ir nge mol nga but’, ma dariy be’ nra finey ni nge rin’ ban’en ngak.

Psalms 39:1

Mug ga’ar, “Bay gu kol’ayuw ko n’en ni gu be rin’ ma dab gu pag bolowtheg nge k’aring e denen ngog; Bay gu par ni dab gog ban’en, u charen e girdi’ nib kireb.”

Proverbs 26:17

Kabfel’ ni ngam tel yuwantel ba kus nib damumuw ko bin ngam un nga ba tugthin ni dariy rogom ngay.

Eklesiastes 3:7

nge ngal’an ni ngan guchthuy nge ngal’an ni nga nip’; ngal’an ni ngan th’ab gulungey nge ngal’an ni ngan welthin.

Jeremiah 17:13

SOMOL, I gur e lagan’ rok yu Israel; urngin e pi’in yad ra n’igem e yad ra tamra’. Yad ra m’ay nga bang ni bod fithngey nni yoloy nga daken e fiyath, ni bochan e ka ra furyed gur, ni gur SOMOL, ni fare alublub nib machalbog.

Daniel 5:5

Ma yugu ra gin gad ma ke yib i m’ug ba pa’ef me tabab ko yol nga daken e rungrung u tafen e pilung ni ka ni achey ko wech, ko gin be aw ra’en e magal ngay ni bfel’ rogon. Me guy e en ni pilung e re pa’ef nem ni be yol.

Amos 5:10

Gimed e girdi’ ni gimed be fanenikay e en be togopluw ko tin de mat’aw ma be weliy e tin rriyul’ u tafen e puf oloboch.

Amos 5:13

Ere, bin ni bfel’ ni ngan rin’ e ngan th’ab gulngay ko ngiyal’ney nike gel e kireb.

Numbers 14:22

e aram feni riyul’ ndariy bagayad e pi girdi’ ney nra par nib fos nge yan ngalan e re nam nem. Kar guyed rama’eg nib mluplup’ ni be gal ni aram gag ni gu bay, nge pi maang’ang ni kug ngongliy u Egypt ngu daken e ted, machane yugu yad be togopluw ngog ma daburad ni ngar folgad rog.

Matthew 10:16

“Mu telmed ngog! Nggu l’oegmed ngam marod ni bod e saf ni nge yan nga fithik’ ba ran’ i wolf. Thingar mu ayuwgad ni bod rogon e porchoyog mi gimed munguy ni bod rogon e bulogol.

Matthew 15:23

Machane de yog Jesus ta’ab bugithin ngak. Me yib pi gachalpen ngak ni yad be wenig ngak ni be lungurad, “Mog ngak e re pin nir nge yan; ya yugu be lekdad nike mada’ laman ngalang!”

Matthew 16:1

Me yib boch e Farise nge Sadduse ngak Jesus, ni yad ba’adag ni ngar ninged e kanawo’ ngak ko thin, ma aram miyad wenig ngak ni nge ngongliy reb e maang’ang ngar guyed, ni nge mang pow riy ni n’en ni be rin’ e mm’agan’ Got ngay.

Matthew 19:3

Me yib boch e Farise ngak miyad guy rogon ni ngar ninged e kanawo’ ngak ko thin, miyad fith ngak ni lungurad, “Mog, bmat’aw ko Motochiyel rodad nra chuweg be’ leengin ndemturug e n’en ke bucheg?”

Matthew 22:18

Machane kenang Jesus fare liyeb rorad nib kireb, ma aram me ga’ar, “Gimed e pi tadake moding nir! Mang ni gimed be guy rogon ni nggu aw ko wup romed?

Matthew 22:35

ma bay bagayad ni ir e tamchib ko Motochiyel ni guy rogon ni nge ning e kanawo’ ngak Jesus nga bbugithin ni fith ngak,

Matthew 26:63

Machane me par Jesus nike th’ab gulungan. Miki non fare Prist ni Th’abi Ga’ ngak bayay ni ga’ar, “Chiney e nggog ngom u daken fithingan fare Got ni be par nib fos ni nggu tem nga p’eowchen ngamog e tin riyul’: mog ngomad ko gur fare Messiah ni Fak Got gur fa danga’.”

Mark 10:2

Me yib boch e Farise ngak, miyad guy rogon ni ngar ninged e kanawo’ ngak ko thin. Me lungurad ngak, “Mog, bmat’aw ko Motochiyel rodad nra chuweg be’ leengin?”

Mark 12:15

Me nang Jesus e ban rorad, me fulweg ngorad ni ga’ar, “Mang ni gimed be guy rogon ni nggu aw ko ban romed? Mfeked ba salpiy nib silber i yib ngog ngug guy.”

Mark 3:2

Ma bay boch e girdi’ u rom ni ur fineyed ni gomanga yigi yib tapgin nge yag ni rogned ban’en nib kireb nike rin’ Jesus; ma aram miyad yip’ e damit ngak ngar guyed ko ra golnag be’ ko liliy ko rofen nem ni Sabbath fa danga’.

Mark 8:11

Me yib boch e Farise miyad tabab ngak Jesus ko tugthin; ya yad ba’adag ni ngar ninged e kanawo’ ngak ko thin, ma aram miyad wenig ngak Jesus ni nge ngongliy reb e maang’ang ni nge mang pow riy ni n’en ni be rin’ e mm’agan’ Got ngay.

Luke 10:25

Me yib be’ ni ir reb e tamchib ko Motochiyel ngak Jesus me guy rogon ni nge ning e kanawo’ ngak Jesus ko thin. Me fith ni ga’ar, “Tamchib, mang e thingar gu rin’ me yag ngog e yafos ndariy n’umngin nap’an?”

Luke 11:16

Ma boch e girdi’ e ra fineyed ni ngar ninged e kanawo’ ngak ko thin, ma aram miyad wenig ngak ni nge ngongliy reb e maang’ang ni ir e nge mang pow riy nib m’agan’ Got ko pin’en ni be ngongliy.

John 8:2

Ri kakadbul u reb e rran riy me sul nga Tempel. Me mu’ulung fapi girdi’ ni aram urngirad nga to’oben, me par nga but’ nge tabab i machib nagrad.

1 Korinth 10:9

Ere thingar dab da sikeng niged rogon e k’adan’ rok Somol ni bod rogon e n’en ni rin’ boch i yad — me li’rad e porchoyog ngarm’ad.