John 8:40 - Bible Ni Thothup

⁴⁰ Machane kemus ni n’en ni kug rin’ e kugog ngomed e tin riyul’ ni kug rung’ag rok Got. Machane kigimed be guy rogon ni ngam thanged e fan rog. I Abraham e de rin’ ban’en ni bod e tin ni kam rin’ed!

John 8:40 Σταυροειδείς Αναφορές

Psalms 37:12

En nib kireb e ma makath nib togopluw ngak e en ni bfel’, ni be gatfiy lan mit ngak u fithik’ e fanenikan.

Psalms 37:32

En nib kireb e ma yip’ owchen ngak e en ni bfel’, ni be guy rogon ni nge thang e fan rok;

John 7:1

Tomuren e biney mi i milekag Jesus u lan yu Galile i yan; me dabuy ni nge milekag i yan u lan yu Judea, ni bochan e pi tolang ko Jew ni yad bay u rom ni yad be finey ni manga ra li’ed Jesus ngem’.

John 8:26

Bo’or ban’en nrayag ni gog u murung’agmed mu gu turguy e gechig romed. Machane en nike l’oegeg ku gub e ba riyul’, ma kemus ni tin kug rung’ag rok e gu be weliy ngak e girdi’ nu fayleng.”

John 8:56

Chitamangimad i Abraham e i felfelan’ ni bayi guy e birog e rran, me guy me felfelan’.”

Roma 4:12

Ma ku ir e chitamngin e pi’in kan maad’ad nagrad, ni gathi bochan e kan maad’ad nagrad, machane bochan e yad be ngongol nrogon ngongolen e pi’in ke mich Got u wun’rad ni ta’reb rogon ko ngongol ni i rin’ e chitamangidad i Abraham ko ngiyal’ ni mich Got u wan’, ma dawor ni maad’adnag.

Galatia 4:16

Ere kug di’in e chiney u lanin’med? Kug mang to’ogor romed ni bochan e gu be weliy e tin riyul’ ngomed?

Galatia 4:29

Re ngiyal’ i n’em e fare tir ni pumo’on nni gargeleg nrogon e gargel ni yima tay e gafgownag e bin ba’aram nni gargeleg ni bochan gelngin fare Kan Nthothup; me ere ku errogon e chiney.

Revelation 12:17

Me ri damumuw fare dragon ngak fare pin, ma aram me yan ni nge cham ngak e pi’in yad bay ni owchen fare pin, ni urngin e pi’in yad be fol ko pi motochiyel rok Got ma yad ba yul’yul’ ko fare thin nib riyul’ ni yib i yog Jesus ngan nang.

Revelation 12:4

Me girngiy ba guruy u dalip e guruy ko t’uf u lanelang nga p’ebuk’ nge yin’ nga daken e fayleng. Me sak’iy ngam’on rok fare pin, ni bochan e nga yigi gargel fare pin me longuy fak.