John 7:32 - Bible Ni Thothup

³² Me rung’ag fapi Farise e pi thin ney ni be kathkathnag fapi girdi’ ni aram urngirad ni murung’agen Jesus, ma aram me l’oeg fapi Farise nge pi’in nib tolang ko prist boch e girdi’en e matanag ni ngranod ra koled Jesus ngar feked.

John 7:32 Σταυροειδείς Αναφορές

Matthew 12:14

Me chuw fapi Farise ngranod, miyad puruy’nag e n’en nra rin’ me yib tapgin ni ngar li’ed Jesus ngem’.

Matthew 23:13

“Kam gafgowgad e pi tamchib ko Motochiyel nge gimed e pi Farise! Ya gimed e pi’in gimed be dake moding niged gimed! Kam ninged mban e gagiyeg nu tharmiy nga owchen e girdi’, machane ku er rogomed ndab mmarod ngalan, ma ku dab mpaged e girdi’ ngranod ngalan, ni pi’in yad be guy rogon ni ngranod ngalan!

Matthew 26:58

Me un Peter u daken nge mada’ ngalan e yoror ko naun rok fare Prist ni Th’abi Ga’. Me yan ngalan e yoror me yani par nga but’ ngak fa pi girdi’en e matnag, ni nge guy ko mang e bay nrin’.

John 11:46

Machane boch i yad e ra sulod ngak fapi Farise ngrogned ngorad e n’en nike ngongliy Jesus.

John 12:19

Ma fapi Farise e urogned u fithik’rad ni be lungurad, “Dakuriy ban’en nrayag ni ngad rin’ed! A mu guyed, ke thum e girdi’ nu fayleng yad be lek!”

John 18:3

Ma aram me yan Judas ko gin’em nike un ba ulung i salthaw ngak nge boch i matanagen e Tempel ni pi’rad e pi tolang ko prist nge pi Farise, ranod ni kar feked talin e cham, nge magal, nge nifiy.

John 7:30

Ma aram miyad guy rogon ni ngar koled ngar feked, machane dariy be’ ni yag ni nge rin’, ya dawori taw ko ngiyal’ nike duwgiliy Got ni ngan kol.

Acts 5:26

Ma aram me yan fa’anem ni ir e bay matnagen e Tempel u tan pa’ ni yad e tirok’ e girdi’ ngranod ra fulweged fapi apostel. Machane dar gel niged yad ngorad, ni bochan e yad be rus nrichey me malang nagrad e girdi’.

1 Samuel 19:20

me l’oeg boch e pumo’on ngranod ni ngar koled David ngar feked i yan ngak. Miyad guy ba ulung i profet ni yad be weliy e yi’iy, ni Samuel e bay nga m’on rorad. Ma aram me yib i ying gelngin Got ngak fapi pumo’on nike l’ograd Saul, ma ku er rogon yad nra tababgad i weliy e yi’iy.