John 7:27 - Bible Ni Thothup

²⁷ Machane ngiyal’ nra yib fare Messiah riy, e dariy be’ nra nang e gin ni yib riy! Ma gadad gubin ni gadad manang e gin ni yib e re mo’on ney riy.”

John 7:27 Σταυροειδείς Αναφορές

Isaiah 11:1

Pi’in owchen David ni uranod nga luwan nguur pilunggad e yad bod ba ke gek’iy ni kan toy; machane rogon ba noef ni thay ko ley nike magey u fithik’ e but’, e aram rogon ba pilung ni bay yib u fithik’ e pi’in owchen David.

Isaiah 53:8

Nib ni kol min turguy ni ngan li’ ngem’ mu’un fek i yan ni ngan li’, ma dariy be’ ni rusnag ko n’en ni bay nrin’ ngak. Ni thang e fan rok ni bochan e denen rok e girdi’ rodad.

Jeremiah 23:5

Be ga’ar SOMOL, “Bayi taw nga bingyal’ mu gu duwgiliy be’ nib mat’aw nreb i owchen David ni nge mang pilung. Re pilung nem e bayi gagiyeg u fithik’ e gonop mi i rin’ e n’en nib yal’uw ma ba mat’aw u daken e re nam ney ni ga’ngin.

Jeremiah 30:21

Cha’ ni nge gagiyeg nagrad e be’ ko re nam rorad nem, ma fare mo’on ni fak e pilung rorad e kabagyad. Ra yib ngog ko ngiyal’ ni gu ra pining, ya bu uw rogon be’ ni nge yib ni dawor ni pining? Bay ra manged girdi’eg, ma bay gu mang Got rorad. I Gag SOMOL e kugog e pi thin ney.”

Mikah 5:2

Be ga’ar SOMOL, “Bethlehem Efrathah, i gur reb fapi binaw nth’abi achig u lan yu Judah. Machane be’ u wur e bay gu fek nggu tay ni nge gagiyegnag yu Israel, ni be’ ni bay e tha’ ko tabnaw rok i yan nga tomur ko tin kakrom e rran.”

Mark 6:3

Gathi ir fare daiksang ni fak Maria, ma walagen James, nge Joses, nge Judas, nge Simon? Ma gathi ma par pi walagen ni ppin u roy?” Ma aram mra dabuyed ni ngar motoyilgad ngak.

Luke 4:22

Ma gubin e girdi’ ni immoy u rom e rogned e sorok ngak, miyad gin ko pi thin nem ni bfel’ nike weliy ngorad. Me lungurad, “Gathi ireray fa’anem ni fak Josef?”

John 6:42

Ma aram me lungurad, “Gathi re mo’on ney e fa’anem i Jesus ni fak Josef? Gadad manang e chitamngin nge chitiningin. Ere uw rogon ma keyog e chiney ni yib u tharmiy nga but’?”

John 7:15

Me ri gin e pi tolang ko Jew ngak, miyad yog ni lungurad, “I di’in me nang e re mo’on ney e pin’ey ni ireray urngin ndawori un nga sukul bi’id?”

John 9:29

Gamad manang ni welthin Got ngak Moses; ma re mo’on nem e mus ko gin ni yib riy ma da gu nanged!”

Acts 8:33

Ni tamra’nag ma da ni pi’ mat’wun ngak. Dariy be’ nrayag ni nge weliy murung’agen e pi’in owchen, ya n’umngin nap’an ni nge par u fayleng e ke taw nga nap’an ni nge mus.”