John 6:9 - Bible Ni Thothup

⁹ “Bay ba pagel u roy ni bay lal yal’ i flowa ni barley rok nge l’agruw i nig. Machane dabi gaman e pi girdi’ ney riy ni aray urngirad.”

John 6:9 Σταυροειδείς Αναφορές

1 Kings 4:28

Ma ku ra reb fapi tolang ko am ma ku ra pi’ e barley nge pan ni fan ko pi os nma girengiy e pi chariot nge fan ko gamanman ni yibe maruwel ngorad ko gin’en ni kanog ngorad ni ngar feked ngay.

2 Kings 7:1

Me ga’ar Elisa, “Mu telim ko thin keyog SOMOL! Ngiyal’ney gabul ma rayag ni ngam chuw’iy u market u Samaria ragag e pawn e wheat ni th’abi fel’ ara reliw’ e pawn e barley ni kemus ni ta’ab yang e silber puluwon.”

Psalms 147:14

Ir e ma tay e mathilin binaw rom nib gapas. ma chum’er nigem ko tin th’abi fel’ e wheat.

Psalms 78:19

Ur nonod nib togopluw ngak Got, ni be lungurad, “Rayag rok Got ni nge yagnag e ggan u daken e ted ni desert?

Psalms 78:41

Ur sikeng niged Got u bayay nge bayay, ngu’ur amith niged lanyan’ fare Got nib Thothup rok yu Israel.

Psalms 81:16

Machane gu ra durwi’iymed to tin th’abi fel’ e wheat; nge honey ni yib ko war ngar mu fosgad ngay.”

Ezekiel 27:17

Judah ngu Israel e ra pi’ed puluwon e chugum rom ni wheat, honey, gapgip ko olive, nge spices.

Matthew 14:17

Miyad fulweg ngak ni lungurad, “Kemus ni lal yal’ e flowa nge l’agruw i nig e ba’aray romad.”

Matthew 16:9

Mogned, ka dawor mu nanged fan? Dakum nanged fa ngiyal’nem ni fa’an gu t’et’ar fa lal yal’ i flowa nge kay fa lal i biyu’ i pumo’on? Uw urngin e dug ni mu suguyed ko tin ni aw?

Mark 6:38

Ma aram me fithrad Jesus ni ga’ar, “In yal’ e flowa ni bay romed? Mu guyed ngam nanged.” Ma nap’an nra nanged urngin me lungurad ngak, “Lal yal’ nge l’agruw e nig.”

Mark 8:19

fa ngiyal’nem ni gu t’et’ar fa lal yal’ i flowa ni nge kay fa lal i biyu’ i girdi’, ma in dug e tin ni mu kunukunuyed ndaki m’ay i kay?” Me lungurad ngak, “Ragag nge l’agruw.”

Luke 9:13

Machane me ga’ar Jesus ngorad, “Gimed e mpi’ed ban’en ngar ked.” Miyad fulweg ni lungurad, “Kemus ni lal yal’ e flowa nge l’agruw e nig ni ba’aray romad. Ga ba’adag ni gamad ra yan gu chuw’iyed e ggan rok e pi girdi’ ney ni aray urngin?”

John 11:21

Me ga’ar Martha ngak Jesus, “Somol, fa’an mang e um moy u roy, ma dawori yim’ walageg!

John 11:32

Ma fa’ani taw Maria ko gin ni bay Jesus riy me guy, me yan i paraw u to’oben i ay Jesus nga but’. Me ga’ar, “Somol, fa’an mang e um moy u roy, ma dawori yim’ walageg!”

John 21:10

Ma aram me ga’ar Jesus ngorad, “Mfeked boch fapi nig ngaray ni ka fini mkoled.”

John 21:13

Me yan Jesus ko fare nifiy, me fek e flowa nge pi’ ngorad; ma ku aram rogon e n’en ni rin’ ko fapi nig.

John 21:9

Ma nap’an nra afgad nga talang miyad guy ba nifiy ni charcoal e l’ud riy ni bay e nig nge ggan u mit fare nifiy.

John 6:11

Me fek Jesus fapi flowa, me pining e magaer riy ngak Got, me pi’ ngan f’oth rok e girdi’ ni kar pired nga but’. Ma ku aram rogon e n’en ni rin’ ko fa gali nig, ma yad gubin ni yigo’o ra ked ngar fosgad ngay.

John 6:7

Me fulweg Filip ni ga’ar, “Urngin e pi girdi’ ney ni fa’anra nge bagayad me kay bochu’uw, ma flowa ni yira chuw’iy e ra pag l’agruw mir’ay e salpiy ni wasey ni silber puluwon.”

2 Korinth 8:9

Ya gimed manang rogon ni runguydad e Somol rodad i Jesus Kristus ni ba’aray rogon: aram rogon feni fla’ab, me pag ir nge gafgow ni fan ngomed, ni fan e nge yagnag e fla’ab ngomed u daken e gafgow nike tay.

Deuteronomy 32:14

Pi garbaw nge kaming rorad e u ra pi’ed e milik nib yo’or; tirorad e saf nge kaming nge garbaw e th’abi fel’ ni immoy, ma ku er i tay e wheat nge wayin rorad.

Deuteronomy 8:8

ni ba nam ni be tugul e woldug ni wheat riy nge barley, nge grape, nge fig, nge pomegranate, nge olive, ma ku bay e honey riy.

Revelation 6:6

Mu gu rung’ag ban’en ni gowa laman be’ ni be yib u fithik’ fa aningeg i n’em ni yad ba fos ni be ga’ar, “Salpiy nma thognag be’ u reb e rran e puluwon ta’reb e quart e wheat ni yima ngongliy e flowa riy ara dalip e quart e barley. Machane dab mu kirebnag e gapgep ko olive nge wayin!”