John 6:5 - Bible Ni Thothup

⁵ Me changar Jesus, me guy e girdi’ ni pire’ ni pire’ ni karbad i yib ngak, ma aram me ga’ar ngak Filip, “U uw e gadad ra chuw’iy e ggan riy nra gaman urngin e pi girdi’ ney riy?” (

John 6:5 Σταυροειδείς Αναφορές

Numbers 11:13

U uw e nggu fek e ufin riy ni yad ra gaman riy ni ara’ urngirad? Kar gafgow niged gag ya yad be yor ngog ni nggu pi’ e ufin ngorad.

Matthew 15:33

Me fith pi gachalpen ngak ni lungurad, “U taman yang u daken e re ted ney e gamad ra pir’eg e ggan riy nra gaman e pi girdi’ ney riy ni aray urngin?”

Mark 6:32

Miyad af ngalan e bowoch ni go’ yad ngar leked bangi yan’ ndariy be’ riy.

Luke 9:10

Me sul fapi apostel miyad yog ngak Jesus urngin ban’en ni kar rin’ed. Me fekrad ngar uned ngak miyad yan ni go’ yad nga reb e binaw nu Bethsaida fithingan.

John 1:43

Me yan i reb e rran riy me turguy Jesus u wan’ ni nge yan nga Galile. Me pir’eg Filip me ga’ar ngak, “Mu un ngog ngdarow!” (

John 1:44

I Filip e be’ u Bethsaida, ni aram e re binaw nma par Andrew nge Peter riy.)

John 1:45

Ma aram me pir’eg Filip Nathanael me yog ngak ni ga’ar, “Kug pir’egew fa’anem ni yoloy Moses murung’agen ngalan fare ke babyor ko Motochiyel, ni ku ir fa en ni ki yoloy fapi profet murung’agen. I ir Jesus, ni fak Josef nu Nazareth.”

John 1:46

Me fith Nathanael ni ga’ar, “Rayag ni nge yib ban’en ni bfel’ u Nazareth?” Me fulweg Filip ngak ni ga’ar, “Mu un ngog ngam guy.”

John 1:48

Me fith Nathanael ngak ni ga’ar, “Ke di’in ma kam nangeg?” Me fulweg Jesus ni ga’ar, “Gguyem ko ngiyal’ ni fa’an ga bay u tan fare ke gek’iy ni fig ko ngiyal’ ni ba’aram ndawori piningem Filip.”

John 4:35

“Bay bbugithin ni gimed ma yog nma lungumed, ‘Ka aningeg e pul me taw ko ngiyal’ nike el e woldug riy ni aram e ngan t’ar wom’ngin e woldug.’ Ma nggog ngomed ni ngam fal’eged i yaliy e yungi woldug: ya woldug ni bay riy e ke el nike taw nga nap’an ni ngan t’ar!