John 6:20 - Bible Ni Thothup

²⁰ Me ga’ar Jesus ngorad, “Dab mu tamdaggad, ya gag!”

John 6:20 Σταυροειδείς Αναφορές

Psalms 35:3

Mu tining e sarey rom nge tow ni fen e mael nga daken e pi’in yad be tulufeg. Mmicheg ni ga ra ayuwegneg.

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Isaiah 44:8

Gimed e girdi’ rog, dab mu rusgad! Gimed manang ni kakrom ke mada’ ko chiney e u gu yi’iynag urngin e pin’en ni bayib, ma gimed e mich rog! Gur bay yugu reb e got ngabang? Gur bay yugu reb e got ngabang nib gel ndawor gu rung’ag murung’agen?”

Mark 16:6

Me ga’ar ngorad, “Dab mu tamdaggad. Kambad ni ngam guyed Jesus nu Nazareth, ni fa’anem nrichibiy ko kuruth. Machane daki moy u roy; ya ke fos ko yam’! A mu guyed, ba’aray e gin nra ted ngay.

Mark 6:50

Ya fa’anra guyed ni yad gubin miyad tamdag ngak. Ka chingiyal’ nem me non Jesus ngorad ni ga’ar, “Mu pagan’gad, ya gag, dab kum tamdaggad!”

John 6:19

Fapi cha’ ni gachalpen e kar mamangad ni gonap’an e dalip fa aningeg e mayel miyad guy Jesus ni be yib u daken e ran nike chugur ko bowoch, me yib e tamdag ngorad nib gel nib gel.

John 6:21

Miyad adag ni ngar feked Jesus ngalan fare bowoch; ma ka chingiyal’ nem me taw fare bowoch ko binaw ko fa gin’em ni ur nameged i yan.