John 6:12 - Bible Ni Thothup

¹² Ma nap’an ni kar fosgad ni yad gubin, me ga’ar ngak pi gachalpen, “Mu kunuyed e yu yang nike aw ko ggan; nge siy da adbeyed bochu’uw.”

John 6:12 Σταυροειδείς Αναφορές

Nehemiah 8:10

Ere msulod nga tabinaw ngam murgad. Mu f’othded boch e ggan nge wayin romed rok e pi’in nde gaman rorad. Bin daba’ e rran e ba thothup ni fan ngak e SOMOL rorad, ere dabi kireban’med. Felfelan’ nma pi’ SOMOL ngomed e bay i pi’ gelngimed.”

Nehemiah 9:25

Girdi’ rom e ra koled e pi binaw ni ka ni yororiy ni fan ko mael, nge binaw nib yong’ol, nge naun nib sug ko machaf, nge luwed nike m’ay i ker, nge gek’iy ni olive, nge gek’iy ni yima kay wom’ngin, nge yungi woldug ni grapes. Mu ur ked urngin e tin yad ba’adag ni ngar ked ngar pired ni kar sugsuggad; mi i felfelan’rad ko urngin e pin’en ni bfel’ ni mu pi’ ngorad.

Proverbs 18:9

En nib gamead e ta’reb feni kireb ko en nib mogothgoth.

Luke 1:53

Ke pi’ e tin ni bfel’ ban’en ngak e pi’in yad be yim’ ko bilig, ma ke pag e pi’in pire’ ban’en rorad karanod ndariy ban’en u pa’rad.

Luke 15:13

Ma in e rran nga tomuren me pi’ e cha’ nib bitir rok fa gal i nem ni fak e birok’ e f’oth nchuway’, me fek e salpiy riy me pag e tabinaw rorad nge yan. Me yan ngabangi nam nib mal’af, me par u rom ngi i adbey e salpiy rok ko ngongol nib kireb.

Luke 16:1

Me ga’ar Jesus ngak gachalpen, “Immoy be’ ni pire’ ban’en rok ni pag fan e urngin rok ngak be’ nge mang fa’anem e i ayuweg ma be gagiyegnag. Minog ngak ni fa’anem e be adbey e salpiy rok.

Luke 9:17

Ma yad urngin nra ked ngar fosgad ngay; me kunukunuy pi gachalpen Jesus e tin ni aw nde m’ay i kay me gaman ragag nge l’agruw e dug riy.

John 2:2

ma ku errogon Jesus nge pi’in gachalpen ni ki yib e pong ngorad ni ngranod ngar uned ko re madnom ko mabgol nem.