John 5:30 - Bible Ni Thothup

³⁰ “Dariy ban’en ni gu ra rin’ ni gag e leam rog; gu ma pufthinnag e girdi’ ni bod rogon nike yog Got ngog, ere tin ni gu ma turguy e bmat’aw, ya gathi tin ni gub adag e ir e gu be guy rogon ni nggu rin’, ya kemus ni tin ni ba’adag e en ni l’oegeg ku gub.

John 5:30 Σταυροειδείς Αναφορές

Genesis 18:25

Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”

Psalms 96:13

nap’an ni bayi yib SOMOL ni nge gagiyegnag e fayleng. Bayi gagiyegnag girdi’en e fayleng nib mat’aw rogon, ma dabi laniyan’.

Isaiah 28:6

Bayi pi’ e leam nib yal’uw ngak e pi’in bay ra pired ni yad e tapuf oloboch, me pi’ e athamgil nga laniyan’ e pi’in ngar sabthiyed e cham ko fapi garog ko binaw.

Zefaniah 3:15

I SOMOL e ke taleg e gechig romed; ir e ke chuweg e pi to’ogor romed ni gubin. I SOMOL, ni fare pilung nu Israel e be par romed; ere dakuriy tapgin ni ngam rusgad e chiney.

Matthew 26:39

Me yan bochu’uw nga orel, me yan i paraw nga but’, me meybil ni ga’ar, “Chitamag, fa’anra yag ma ga fek e re kap ney ngam chuweg rog! Machane gathi tin ni gu ba’adag e ngam rin’ ya tin ni gab adag.”

John 14:10

Filip, der mich u wun’um ni gu bay u fithik’ e en ni Chitamangiy ma en ni Chitamangiy e bay u fithik’ag?” Me ga’ar Jesus ngak pi gachalpen, “Fapi thin ni kugog ngomed e gathi gag e ke yib rog. En ni Chitamangiy ni be par u fithik’ag e be ngongliy e maruwel rok.

John 17:4

Kug gilnag buguwam u fayleng; ma kug mu’nag e maruwel ni mpi’ ngog ni nggu rin’.

John 18:11

Me ga’ar Jesus ngak Peter, “Mu sulweg e saydon rom nga tafen! Ga be finey ndab ku gu unum e n’en ni bay ko fare kap ni aram e gafgow nike pi’ e Chitamag ngog?”

John 4:34

Me ga’ar Jesus ngorad, “Ggan rog e nggu fol ko tin ni be finey e en ni l’oegeg ku gub, ma nggu mu’nag e maruwel nike pi’ ngog ni nggu muruwliy.

John 5:19

Ma aram me fulweg Jesus ngorad ni ga’ar, “Nggog e tin riyul’ ngomed: en ni Fak Got e dariy ban’en ni be rin’ ni ir e tafinay rok; kemus ni tin ni be guy ni be rin’ e Chitamngin e ir e be rin’. Ya n’en ni be rin’ e en ni Chitamangiy e ku er e n’en ni be rin’ e en ni Fak.

John 6:38

Ya ku gub u tharmiy nga but’ ni nggu rin’ e tin ni be finey e en nike l’oegeg ku gub, machane gathi nggu rin’ e tin ni gu be finey.

John 8:28

Ma aram me yog Jesus ngorad ni ga’ar, “Ngiyal’ ni bay mu tininged e en ni Fak e Girdi’ ngalang e bay mu nanged ni ‘Gag E En Ni Gag’; ma aram e bay mu nanged ndariy ban’en ni kug rin’ ni gag e leam rog, machane kemus ni gu be yog e tin nike yog e en ni Chitamangiy ngog ni nggog.

John 8:42

Me yog Jesus ngorad ni ga’ar, “Fa’an mang e ri Got e chitamangimed, ma gu ra t’uf romed; ya gub rok Got ma chiney e gu bay u roy. Ni gathi gub ni gag e leam rog, ya ir e ke l’oegeg ku gub.

John 8:50

Gathi gu be gay rogon ni ngan tayfag, ya bay be’ ni ir e be gayiy rogon ni ngan tayfag, ma ba fol ngog.

Roma 15:3

Ya Kristus e de yan nga laniyan’, machane yan i aw ni bod nike yog e babyor nib thothup ni be ga’ar, “Thin nib morug ni kani rugoy ngom e gag e ke aw ngog.”

Roma 2:2

Gadad manang nib mat’aw Got ni fa’anra turguy e gechig rok e pi’in yad be ngongliy e pin’ey.

Roma 2:5

Machane kam gelnag lanin’um kam par. Aram e fin ga be ga’nag e gechig rom ko Chirofen ni bayi m’ug e damumuw rok Got nge gechig nike turguy nib mat’aw.