John 5:21 - Bible Ni Thothup

²¹ Ya en ni Chitamangiy e ma faseg e yam’, ere ku errogon e en ni Fak nma pi’ e yafos ngak e pi’in ba’adag ni nge pi’ e yafos ngorad.

John 5:21 Σταυροειδείς Αναφορές

1 Kings 17:21

Me yan Elijah i palpal nga daken fachi pagel ni dalip yay nge meybil ni ga’ar, “SOMOL ni Got rog, mfulweg e pogofan rok e re tir ney!”

2 Kings 5:7

Fa’ani be’eg fare pilung nu Israel fa gi babyor me ri gin ngay me guchthuy e mad rok me ga’ar, “Uw rogon nike yog e pilung nu Syria ni nggu golnag e re m’ar ney? Gur be leamnag ni gag Got ni bay gelngig nra gu pi’ e pogofan ara gu fek e pogofan? Rib gagiyel ni be guy rogon ni nge yib tapgin ni nge kireb thilmow!”

John 11:25

Me yog Jesus ngak ni ga’ar, “I gag owchen e fos ko yam’ nge yafos. Yigu ra ke yim’ be’ ni gub mich u wan’ mra fos;

John 17:2

Ya kam pi’ gelngin ni nge gagiyegnag urngin e girdi’, ni bochan e nge yag ni pi’ e yafos ndariy n’umngin nap’an ngak e pi’in kam pi’rad ngak.

John 6:63

En nma pi’ e yafos e aram fare Kan ni Thothup; ma bin kakrom i gimed e dariy ban’en ni bfel’ ni yib rok. Fapi thin ni kug weliy ngomed e yib rok fare Kan Nthothup ma re thin nem e ma pi’ e yafos.

Acts 26:8

Mang ni gimed be finey, piyu Israel ndabiyag ni nge mich u wun’med nra faseg Got e yam’?

Roma 8:11

Fa’anra be par fare Kan ni Thothup rok Got u fithik’med, ni ir e faseg Jesus ko yam’, me ere en ni ir e faseg Kristus ko yam’ e ku ra pi’ e yafos ko dowef romed nra yim’, nra pi’ u daken fare Kan ni Thothup rok ni bay u fithik’med.

1 Korinth 15:45

Ya be ga’ar e babyor nib thothup, “Bin som’on e girdi’ e Adam ni Got e sunumeg me tay nib fos”; ma bin tomur e Adam e ir fare Kan nma pi’ e yafos.

Deuteronomy 32:39

“‘I Gag, ma kemus ni go’ Gag e Got; dakuriy yugu reb e got ngabang. Gu ma thang e pogofan ma gu ma pi’ e pogofan, gu ma maad’ad nigey ma gu ma faseg e maad’ad, ma dariy be’ nrayag ni nge togopluw ko tin gu ma rin’.