John 5:14 - Bible Ni Thothup

¹⁴ Ma fa’ani ta’aboch me pir’eg Jesus fare mo’on u lan e Tempel me ga’ar ngak, “Mu sap, chiney e kam gol ko liliy rom. Mpag e denen ni ga be rin’, ya ri yib ban’en ngom ni kab gel e gafgow riy.”

John 5:14 Σταυροειδείς Αναφορές

2 Kronicles 28:22

Nap’an nri gel e gafgow nike yib ngak Ahaz ma aram mri mun daken e denen nib togopluw ngak SOMOL ni i rin’.

Nehemiah 9:28

Fa’ani sul e gapas ngorad miyad tabab ko denen bayay, ma ka ga pag e pi to’ogor rorad bayay ngar gelgad ngorad. Ma nap’an e yad pi’ keru’rad rorad ngar weniggad ngom ni ngam ayuwegrad, ma ga rung’ag lamrad nga tharmiy ma ga lagrad bayay ni bochan e runguy rom nib ga’.

Psalms 118:18

Ke gechig nigeg nib elmerin, machane dawori pageg ni nggum’.

Psalms 18:22

Gu ma tay u gil’ gubin e motochiyel rok; ma dagur togopluw ko tin ke ta’chiylen.

Psalms 27:6

Pi to’ogor rog ni karon’edgag nga longob e bay gu uf ni kug gel ngorad. Bay ug pi’ e maligach ngak SOMOL u lan e Tempel rok ni kug pi’ lamag ngalang u fithik’ e felfelan’; bay gu tang, bay gu pining e sorok ngak SOMOL!

Psalms 9:13

SOMOL, mu runguyeg! Mu guy e gafgow ni be k’aring e pi to’ogor rog ngog! SOMOL, mu lagneg u pa’ e yam’,

Isaiah 38:20

SOMOL kam gol nigeg. Bay gu chubeged e musik ni harp magmad tangnag e sorok ngom, u lan e Tempel rom u n’umngin nap’an e yafos romad.

Isaiah 38:22

Miki fith Hezekiah ni Pilung ni ga’ar, “Mang e pow riy nrayag ni nggu wan nga talang ko naun rok SOMOL?”

Levitikus 13:20

Ma fare prist e nge guy fa’anem, ma fa’anra ke chur lanmit nga’ar ma ke thil ra’en e piy u lanmit ke wech, ma fare prist e nge yog ni fa’anem e ke ta’ay. Aram e ba m’ar ko dowef ni ubchiya’ ni sum u luwan fare lot.

Levitikus 26:27

“Ma nga tomuren e pin’ey ma fa’anra ki gimed be par ni gimed ba gelan’ ndab mu folgad rog,

Levitikus 7:12

Fa’anra pi’ be’ ba maligach ni fen e ogmagaer ngak Got, ma thingar ki chagiy ngay reb e gamanman ni maligach, nge ba flowa ni dariy e is riy: ni demturug ko lof nib dib’ag nni ngongliy ko flour ni kan athkuy e gapgep ni olive ngay ara kek nib gilgith ni kan achay e gapgep ni olive ngay ara kek nni ngongliy ko flour ni kan athkuy ko gapgep ni olive.

Matthew 12:45

Me sul nge yan i pining medlip e mo’onyan’ ni kab gel e kireb rorad ngak ngarbad ra pired ko fare naun. Ma aram me yan i par fa’anem ni kari gel e kireb u pangin ko som’on. Ireray e n’en ni bayi rin’ e pi’in nib kireb e bin daba’ e rran.”

Mark 2:5

Me guy Jesus gelngin e pagan’ rorad ngak, me ga’ar ngak fare mugutgut, “Fakag, ke m’ayfan e denen rom.”

John 5:13

Machane fare mo’on ni kan chuweg e liliy rok ke gol e de nang ko mini’ fa’anem nike golnag, ya ke chuw Jesus ke yan, ya pire’ e girdi’ ni bay ko gin’em.

John 5:5

Ma bay be’ nib mo’on ko gin’em ni guyey nge meruk e duw nap’an e m’ar rok.

John 8:11

Me fulweg ni ga’ar, “Dariy.” Me ga’ar Jesus, “Ere ku errogon gag ni dab gu gechig nigem. Mman, ma dab kum denen bayay.”]

1 Peter 4:3

Ya ke n’uw nap’an ni um pired ni gimed be rin’ e tin ni ba’adag e pi’in ndar nanged Got. Ya rogon pangimed ni immoy e um puwlaggad, ma um rin’ed e tin gimed be yim’ ni bochan nde mat’aw u wan’ Got, ma gimed be balyang ko rrum, ma gimed be un ko madnom ni yibe wagey riy, ma gimed be un ko mur ni yibe unum e rrum riy, ma gimed be tayfan ma gimed be meybil ko liyos nma meybil boch e girdi’ ngay, ni ban’en nrib kireb ni ngan rin’.