John 5:10 - Bible Ni Thothup

¹⁰ ma aram me non fapi cha’ nu Israel ngak fare mo’on ni fa’ani ke chuweg Jesus e liliy rok ke gol ni lungurad, “Daba’ e Sabbath, nib togopluw ko Motochiyel rodad ni ngam fek e chob rom ngam man.”

John 5:10 Σταυροειδείς Αναφορές

Isaiah 58:13

Be ga’ar SOMOL, “Fa’anra um ayuwegned fare rran ni Sabbath ngu’um ted nib thothup, me siy um leam niged e win ni nge yib ngomed e rofen nem; me yib fan u wun’med e birog e rran nib thothup mi gimed tay fan nge siy um milekaggad e rofen nem, mi gimed pag e maruwel, me siy ku mu weliyed e thin nib m’ay fan,

Jeremiah 17:21

Mog ngorad ni fa’anra ba t’uf rorad e yafos rorad, ma thingar dabra feked ban’en nib tomal ko rofen ni Sabbath; ma thingar dabra feked ban’en nga langgin fapi garog nu Jerusalem

Jeremiah 17:27

Machane thingar ra folgad rog ngar tedfan e Sabbath ni bod borran nib thothup. Thangri dabra feked ban’en nib tomal ngalan e pi garog nu Jerusalem e rofen nem, ma fa’an yad ra rin’, ma bay gu urfiy e pi garog nu Jerusalem nem. Bayi urfiy e nifiy e pi tafen e pilung u Jerusalem nga but’, ni dariy be’ nrayag ni nge thang.”

Matthew 12:10

Ma bay be’ nib mo’on u rom nib marwoth baraba’ i pa’. Ma bay boch e girdi’ riy ni ur fineyed ni gomanga yigi yib tapgin nge yag ni rogned ban’en nib kireb nike rin’ Jesus; ma aram miyad fith ngak ni lungurad, “Ba togopluw ko Motochiyel rodad ni ngan golnag e liliy ko chirofen ni Sabbath fa?”

Mark 2:24

Me ga’ar e pi Farise ngak Jesus, “A mu guy, rib togopluw ko Motochiyel rodad ni nge rin’ pi gachalpem e pin’en ni be’er ni yad be rin’ ko rofen ni Sabbath!”

Mark 3:4

Me fithrad ni ga’ar, “Mang e ma pagdad e Motochiyel rodad ngad rin’ed ko chirofen ni Sabbath? Ngan ayuweg e girdi’ fa ngan gafgow nagrad? Ngan ayuweg e pogofan ku be’ fa ngan thang?” Miyad par ndakur nonod.

Luke 13:14

Ma cha’ nib tolang ni ir e ma tay murung’agen tafen e mu’ulung e damumuw ni fan e ke golnag Jesus e m’ar ko chirofen nem ni Sabbath; ma aram me non ngak e girdi’ ni ga’ar, “Nel’ e rran ni bay ni ir e ngad maruwelgad riy; ere mired e girdi’ u lan e pi rran ney ngan gol nagmed ko m’ar, machane gathi rofen ni Sabbath.”

Luke 23:56

Ma aram miyad sul nga taferad ngar ngongliyed rogon e florida nge gapgep ni ngar liyfed downgin Jesus ngay. Me rofen ni Sabbath miyad toffan ni bod rogon nike yog e Motochiyel.

Luke 6:2

Me ga’ar boch e Farise, “Mangfan ni gimed be rin’ e tin keyog e Motochiyel rodad ndabiyag ni ngan rin’ ko chirofen ni Sabbath?”

John 1:19

Ba’aray e n’en ni yog John ko ngiyal’ ni ba’aram ni l’oeg piyu Israel ni yad bay u lan yu Jerusalem e pi prist nge pi Levite ni ngar fithed John ni nge lungurad, “I gur mini’?”

John 5:11

Me fulweg ni ga’ar, “Fare mo’on ni ir e ke golnigeg ko liliy e ir e ga’ar ngog, Mfek e chob rom ngam man.”

John 5:15

Ma aram me yan fare mo’on me yog ngak pi tolang ko Jew ni Jesus fa’anem nike golnag ko m’ar rok.

John 5:16

Ireray tapgin me tabab yu Israel i gafgownag Jesus, ni bochan e chuweg e liliy rok fa’anem ko chirofen ni Sabbath.

John 7:23

Fa’an yira maad’ad ngak bochi tir nib pagel ko chirofen ni Sabbath ni bochan e nge dab nth’ab e Motochiyel rok Moses, me ere mang ni kam damumuwgad ngog ni bochan e kug chuweg e liliy rok be’ nib mo’on ko chirofen ni Sabbath?

John 9:16

Me ga’ar boch i yad fapi Farise, “Re mo’on nike rin’ e ren’ey e gathi yib rok Got, ya der fol ko motochiyel ko Sabbath.” Machane boch i yad e lungurad, “Ra di’in me yag ni ngongliy be’ e maang’ang ni ireray rogon ni fa’anra ir be’ nib tadenen?” Ma aram miyad ruw raba’.