John 4:45 - Bible Ni Thothup

⁴⁵ Ma nap’an ni taw nga Galile me felfelan’ e girdi’ ngak nike yib ngorad, ya ranod ko madnom ni Paluk’af nga Jerusalem mra guyed urngin e tin ni rin’ ko ngiyal’ ni ba’aram ni un madnom riy.

John 4:45 Σταυροειδείς Αναφορές

Luke 13:1

Re ngiyal’ i n’em e immoy boch e girdi’ ko gin’em nrogned ngak Jesus murung’agen fapi girdi’ nu Galile ni thang Pilate e pogofan rorad ko ngiyal’ ni yad be pi’ e maligach riy ngak Got.

Luke 8:40

Fa’ani sul Jesus nga baraba’ fare lipath me felfelan’ e girdi’ ni pire’ nike mu’ulung ya ke sul ngorad, ya yad gubin ni kar pired ni yad be sonnag.

Luke 9:53

Machane girdi’ ko re binaw nem e daburad ni ngar ayuweged Jesus, ya ke yan i gagiyel ni nge yan nga Jerusalem.

John 2:23

Nap’an ni bay Jesus u lan e binaw nu Jerusalem ko madnom ni Paluk’af, ma bo’or e girdi’ ni mich Jesus u wun’rad nnap’an nra guyed e pi maang’ang ni ngongliy.

John 3:2

Me reb e neap’ me yib ngak Jesus me ga’ar ngak, “Tamchib, gamad manang ni gur ba tamchib nike l’ugem Got ka mub. Ya dariy be’ nrayag ni nge ngongliy fapi maang’ang ni ga be ngongliy ni fa’an gomanga de moy Got rok.”

John 4:54

Ireray e bin migid e maang’ang ni ngongliy Jesus nnap’an ni yib u Judea nga Galile.

Deuteronomy 16:16

“Urngin e pumo’on u lan e nam romed ma ngarbad ko fa ta’gin’en ni tagil’ e liyor, ngar liyorgad ngak SOMOL ni dalip yay u reb e duw ko Madnom ni Paluk’af, Madnom ko T’ar Wom’ngin e Woldug, nge Madnom ko Nochi Naun. Ra reb e pumo’on ma nge fek ba tow’ath i yib