John 4:38 - Bible Ni Thothup

³⁸ Ere kug l’oegmed ni ngam t’ared e woldug u daken bangi milay’ ni gathi gimed e mmuruwliyed; ya yugu boch e girdi’ e ra muruwliyed, ma gimed e kefel’ rogomed ko maruwel nra ted.”

John 4:38 Σταυροειδείς Αναφορές

2 Kronicles 36:15

I SOMOL ni Got rok e pi chitamngirad e de tal ni i l’oeg e pi profet ngu’ur ginanged girdi’en, ni bochan e ba’adag ni nge dabi thangrad nge fare Tempel ni dabi kirebnag.

Jeremiah 44:4

Dag tal i pi’ ngomed e pi profet ni tapigpig rog, ngi i yog ngomed ni dab mu rin’ed e ran’ey ni rib kireb ni gub fananikay.

Matthew 4:23

Me yan Jesus nga gubin yang u Galile, ni be machibnag u lan tafen e mu’ulung rorad e Thin Ni Bfel’ ni murung’agen e gagiyeg rok Got, ma be golnag e girdi’ u urngin mit e liliy nge m’ar.

John 1:7

ni ir e yib ni nge weliy murung’agen fare tamilang ngak e girdi’, ya nge gubin e girdi’ miyad rung’ag fare thin me mich u wun’rad.

John 17:18

Ku gol’oegrad ni ngranod nga fithik’ e girdi’ nu fayleng ni bod rogon ni kam l’oegeg ku gub nga fithik’ e girdi’ nu fayleng.

John 4:37

Ya fare bugithin ni yima yog e ba riyul’ ni fa’ani ga’ar, “Be’ e yung, me t’ar be’ wom’ngin.

John 4:39

Ma bo’or e girdi’ nu Samaria u lan e re binaw nem ni mich Jesus u wun’rad, ya keyog fare pin nike ga’ar, “Ke weliy ngog urngin ban’en ni ug rin’.”

Acts 2:41

Ma bo’or i yad e mich u wan’ e thin nike weliy ngorad, ma aram min tawfe nagrad; gonap’an e dalip i biyu’ e girdi’ ni mun ko re ulung rorad nem e chirofen nem.

Acts 4:32

Me yan i par ni pi’in ke mich Jesus u wun’rad e ke ta’reban’rad. Ma dariy bagayad ni be yog ni tin bay rok ban’en e go ir e fen, machane urngin ban’en ni bay rorad e ur ayuweged yad ngay ni yad gubin.

Acts 4:4

Machane bo’or e girdi’ ni rung’ag e thin nrognew me mich u wun’rad; ma aram me yan urngin e pi girdi’ nem nge yan i mada’ ko lal i biyu’.

Acts 5:14

Machane i yo’or e girdi’ ni i mun ko re ulung nem — ni yu ulung i pumo’on nge ppin ni pi’in ke mich Somol u wun’rad.

Acts 6:7

Ma aram mi i wear e thin rok Got i yan. Ma be yo’or pi gachalpen Jesus i yan, ma bo’or e prist ni pig lanin’rad nge mich Jesus u wun’rad.

2 Korinth 10:15

Ere dagur ufgad ko maruwel ni boch e girdi’ e kar muruwliyed ke pag e re fol ni ba’aram nike tay Got ni nggu musgad riy. Machane gamad be finey ni manga yigi ilal e michan’ romed ngak Kristus, me yag ni gu ngongliyed e maruwel ni ba ga’ u fithik’med i yan, ni gubin ngiyal’ nrogon ni be finey Got ni nggu rin’ed.