John 4:22 - Bible Ni Thothup

²² Gimed yu Samaria e ri da mu nanged e en ni gimed be meybil ngak; ma gamad e Jew e gamad manang e en ni gamad be meybil ngak, ya kanawo’en min thap ngak Got e yib rok e pi Jew.

John 4:22 Σταυροειδείς Αναφορές

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

Ezra 4:2

Ma aram mranod ra guyed Zerubbabel nge pi’in lolgen e yuke girdi’ ngar ga’argad ngorad, “Mu paged gamad nggu ’uned ngomed i toy fare Tempel. Ta’ab Got e gadad ma liyor ngak, ma gamad ma maligach ngak ni kanp’an Esarhaddon ni Emperor nu Assyria ni pi’ mad ni nggu pired u roy.”

Psalms 147:19

Ma pi’ e thin rok ngak e girdi’ rok, ni pi fanow nge motochiyel rok ngak yu Israel.

Psalms 68:20

Got rodad e ba Got nma thapegey; ir e SOMOL, ni Somol rodad, nma lagdad ko yam’.

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Isaiah 2:3

ma girdi’ ko pi nam nem e bayi lungurad, “Ngdarod ko fare burey rok SOMOL, ko Tempel rok fare Got nu Israel. Ya ngad filed e n’en ni ba’adag ni ngad rin’ed; mu u darod ko yu pa’ i kanawo’ nike turguy. Ya thin rok SOMOL e yib u Jerusalem; u Zion e non riy ko girdi’ rok.”

Isaiah 46:13

Rofen ni nga ni gel e kug chugurnag, daki mal’af. Gel ni bay gu tay e dabi sowath. Bay gu chuweg yu Jerusalem u pa’ e to’ogor rok, mu rom e bay gu gagiyegnag yu Israel riy ngan tay farad.”

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Luke 24:47

mu fithingan e ngan machibnag riy e thin rok Got ni murung’agen ni ngan kolngan’uy nga ni pi’ keruuy ko denen, me n’ag Got fan, ni thingar ni machibnag ngak urngin e pi nam, ni ngan tabab ngay u lan yu Jerusalem.

Acts 17:23

Ya kug wan u lan binaw romed ma kug guy e yungi n’en ni gimed be meybil riy, ma ku kug pir’eg ba altar ni kan yoloy e re bugithin ni ba’aray nga daken nike ga’ar, ‘Ngak ba got nda nnang!’ Re got nem nda mu nanged ma gimed be meybil ngak e ireram fare Got ni nggu weliy murung’agen e chiney ngomed.

Acts 17:30

I Got e ke n’ag fan u wan’ e yu ngiyal’ ni ba’aram nde nang e girdi’ murung’agen riy, machane chiney e be yog ngak e girdi’ u gubin yang ni ngar pi’ed keru’rad ko kireb ni yad be rin’.

Acts 3:26

Ma aram me duwgiliy Got ni gimed e som’on ni nge l’oeg e Tapigpig rok nge yib ngomed, nge ayuwegmed ni aram e nge ngongliymed ni gimed gubin ngam pi’ed keru’med ko kireb ni gimed be rin’.”

Roma 11:18

Aram fan nthingar dab mu darifannag e pi’in yad bod fapi papa’ngin fare ke gek’iy ni kan t’ar kan n’ag. Ra di’in me tolangan’um? Ya gur e kemus ni gab pa’ngin; ma gathi gur e ga be chibiy lik’ngin, ya lik’ngin e ir e be chibiyem.

Hebrews 7:14

Rib tamilangan’uy riy nni gargeleg ni ir reb i girdi’en fare ganong rok Judah; mi Moses e de weliy murung’agen e re ganong ney ko fa ngiyal’ ni weliy murung’agen e pi prist riy.