John 4:20 - Bible Ni Thothup

²⁰ Pi chitamag nu Samaria ni kakrom e ur meybilgad ngak Got u daken e re burey ney, machane gimed piyu Israel e ke lungumed e yu Jerusalem e eram e gin’en ni ir e ngu’ud meybilgad riy ngak Got.”

John 4:20 Σταυροειδείς Αναφορές

1 Kings 9:3

Me ga’ar SOMOL ngak, “Ku gu rung’ag e meybil rom. Re Tempel ney ni kam toy e ku gu tay nike mang Tempel rog ni ngu’un meybil ngog riy ndariy n’umngin nap’an. Bay ug matanagiy ma gu be yoror riy ni gubin ngiyal’.

1 Kronicles 21:26

Me ubung ba altar rok SOMOL u rom nge pi’ e maligach ni mo’oruf nge maligach nma gapaseg thilin Got nge girdi’ riy. Me meybil me fulweg SOMOL taban e meybil rok ko nifiy ni pi’ u lang nge urfiy fapi maligach u daken e altar.

1 Kronicles 22:1

Ma aram me ga’ar David, “Irera’ e gin bayi par fare Tempel rok SOMOL ni Got riy. Ma irera’ e re altar ni ngi i pi’ e girdi’ nu Israel e maligach ni mo’oruf riy.”

2 Kronicles 6:6

Machane chiney e ku gu mel’eg yu Jerusalem ni aram e gin ngu’un liyor ngog riy, me gur David e ngu’um gagiyegnag e girdi’ rog.’”

2 Kronicles 7:12

me yib i m’ug SOMOL ngak nnep’. Me ga’ar ngak, “Kug rung’ag e meybil rom, ma kefel’ u wun’ug e re Tempel ney ni nge par ni gil’ e maligach ni ngu’un pi’ ngog.

2 Kronicles 7:16

ni bochan e ku gu mel’eg ma ku gu thothupnag ni irera’ e gin’en ngu’un liyor ngog riy ndariy n’umngin nap’an. Bay ug matanagiy ma gu be yoror riy ni gubin ngiyal’.

Psalms 132:13

I SOMOL e ke mel’eg yu Zion; ba’adag ni nge ngongliy e tabinaw rok u rom, ya ga’ar:

Psalms 78:68

Me mang birok Judah e mel’eg nge fare burey ni Zion nrib t’uf rok.

Isaiah 66:1

Be ga’ar SOMOL, “Tharmiy e tagil’ig, ma fayleng e gu ma gifeg e rifrif u eg ngay. Ere be mang e mit i naun e ngam toyed ni nggu par ngay?

Luke 9:53

Machane girdi’ ko re binaw nem e daburad ni ngar ayuweged Jesus, ya ke yan i gagiyel ni nge yan nga Jerusalem.

John 4:12

Chitamangidad i Jakob e pi’ e re luwed ney ngomad; ni ir nge pifak ni pumo’on, nge gamanman rok e yad gubin ni ur unumed e ran riy. Ma damur finey ni ga ba ga’ ngak Jakob fa?”

Deuteronomy 11:29

Nap’an nra fekmed SOMOL i yan ngalan fare nam ni ngam tafned, ma ngam weliyed e re fel’wa’athan ney u daken e Burey ni Gerizim, ma fare buchwa’athan e ngam weliyed u daken e Burey ni Ebal. (

Deuteronomy 27:12

“Nap’an ni gimed ra th’ab e Jordan nga ba’anem, ma ba’aray e pi ganong ni yad ra sak’iy nga daken e burey ni Gerizim u nap’an ni yibe yiblay e fel’wa’athan nga daken e girdi’ ni gubin: Simeon, Levi, Judah, Issakar, Josef, nge Benjamin.