John 2:11 - Bible Ni Thothup

¹¹ Ma aram e ke ngongliy Jesus e bin som’on e maang’ang ni ngongliy u lan e binaw nu Kana ni bay u lan e nug nu Galile; Ireram e gin ni dag riy gelngin ni yag ngak u tharmiy, ma aram me mich Jesus u wan’ pi gachalpen.

John 2:11 Σταυροειδείς Αναφορές

1 Kings 17:24

Me fulweg fare pin ni ga’ar, “Chiney e kug nang ni gur be’ ni girdi’ rok Got, ma riyul’ nma non SOMOL u l’ugunam!”

Psalms 72:19

Fithingan nib gilbuguwan e ngu’un pining e sorok ngay ndariy n’umngin nap’an! Maluplup rok e mang e yigi suguy e fayleng. Amen! Amen!

Psalms 96:3

Mu weliyed ngak e pi nam murung’agen gelngin, mi gimed weliy ngak urngin e pi nam e pi maang’ang nike ngongliy.

Exodus 14:31

Ra guyed gelngin SOMOL nib gel ni ir e maruwel ngay nib togopluw ngak piyu Egypt, me yib madgun SOMOL u wan’ piyu Israel; mu ur pired nike pagan’rad ngak SOMOL nge tapigpig rok ni aram Moses.

Exodus 4:9

Ma fa’an ga ra dag e gali pow ney ngorad nde mich u wun’rad e tin kamog, ma dab rrung’aged e tin kamog, ma thingar mu fek boch e ran u lan e lul’ Nile ngam pu’og nga daken e but’ nib mlik’. Ma pi ran nem e bayi pig nge ngal’ ni racha’.”

Eklesiastes 9:7

Man ngam abich ma ga be felfelan’, mu unum nunum wayin u fithik’ e felfelan’, bfel’ u wan’ Got.

Isaiah 40:5

Ma aram e bayib i m’ug feni muluplup’ SOMOL, ma urngin e girdi’ nu fayleng ni bayi guy. I SOMOL e ke micheg e pi thin ney.”

Malaki 2:2

Thingar mu liyor gad ngog ko ngongol romed. Fa’anra dab motoyilgad ko n’en ni gu be yog, ma aram e bay gu bucheg wa’athmed. Bay gu gagiyegnag nge dabki fel’ rogomed ko pin’en ni bfel’ ni be yag ngomed. Kug mu’ i gagiyegnag ni nge kireb, ya damur ted ngan’med e tin kugog ni ngam rin’ed.

John 1:14

Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.

John 1:17

I Got e pi’ fare Motochiyel rok ngodad u daken Moses; machane t’ufeg nge yul’yul’ e pi’ ngodad u daken Jesus Kristus.

John 1:43

Me yan i reb e rran riy me turguy Jesus u wan’ ni nge yan nga Galile. Me pir’eg Filip me ga’ar ngak, “Mu un ngog ngdarow!” (

John 1:50

Me ga’ar Jesus, “Ka fini mich u wun’um ni bochan e kugog ngom ni gguyem ko fa ngiyal’ ni um moy u tan fare ke gek’iy ni fig? Ka bo’or boch ban’en ni ka ba ga’ ni bay mu guy ko biney!”

John 10:41

Me yib e girdi’ ngak ni pire’. Miyad yog ni lungurad, “I John e da i ngongliy e pi maang’ang, machane urngin e tin ni weliy ni murung’agen e re mo’on ney e yigo’o ba riyul’.”

John 11:15

machane bochmed ma aram fan ni kug felan’ ngay nda ug moy rok, ya nge yag ni gu mich u wun’med. Ere ngdarod ngak.”

John 11:47

Ma aram me yan fapi Farise nge pi tolang ko prist ngar puruy’gad girdi’en e mu’ulung rorad me lungurad, “Mang e ngad rin’ed? Ya ke yo’or e maang’ang nike ngongliy e re mo’on nem!

John 12:18

Aram fan ni yan e girdi’ ni aram urngirad ni ngar mada’ niged Jesus — ni bochan e kar rung’aged e re maang’ang nem nike ngongliy.

John 12:37

Yugu aram rogon nike ngongliy urngin e pi maang’ang ney u p’eowcherad, machane de mich Jesus u wun’rad,

John 12:41

I yog Isaiah ni profet e re bugithin ney ni bochan e guy e fla’ab rok Jesus, me weliy murung’agen.

John 14:13

Ma gu ra rin’ e pin’en ni gimed ra ning nga fithingag; ya ngan tayfan e en ni Chitamangiy u daken e en ni Fak.

John 16:27

ya en ni Chitamangiy e gimed ba t’uf rok. Gimed ba t’uf rok ni bochan e gub t’uf romed ma ke mich u wun’med ni gub rok.

John 16:30

Kug nanged e chiney ni urngin ban’en ma ga manang; ndakuriy fan ni nge fith be’ ban’en ngom. Ya ireray e ren’en nike micheg u wun’mad ni mub rok Got.”

John 2:1

L’agruw e rran nga tomuren min tay ba madnom ko mabgol u lan e binaw nu Kana, ni bay u lan e nug nu Galile. Ma immoy e chitiningin Jesus u rom,

John 2:23

Nap’an ni bay Jesus u lan e binaw nu Jerusalem ko madnom ni Paluk’af, ma bo’or e girdi’ ni mich Jesus u wun’rad nnap’an nra guyed e pi maang’ang ni ngongliy.

John 3:2

Me reb e neap’ me yib ngak Jesus me ga’ar ngak, “Tamchib, gamad manang ni gur ba tamchib nike l’ugem Got ka mub. Ya dariy be’ nrayag ni nge ngongliy fapi maang’ang ni ga be ngongliy ni fa’an gomanga de moy Got rok.”

John 4:3

Ma fa’ani rung’ag Jesus e thin ni be yog e girdi’, me chuw u Judea nge sul nga Galile;

John 4:46

Ma aram me sul Jesus nga Kana ni bay u lan yu Galile, ni ireram fa gin’em ni piliyeg e ran riy nge ngal’ ni wayin. Ma bay be’ nib tolang ko am u rom ni bay bochi cha’ ni fak u lan yu Kapernaum nib m’ar.

John 4:54

Ireray e bin migid e maang’ang ni ngongliy Jesus nnap’an ni yib u Judea nga Galile.

John 5:23

ya nge gubin e girdi’ me liyor ngak e en ni Fak Got ni bod rogon ni yad ma liyor ngak e en ni Chitamangiy. Ma en nder liyor ngak e en ni Fak Got e der liyor ngak e en ni Chitamangiy ni ir e l’oeg nge yib.

John 6:14

Ma girdi’ ni yad bay u rom e ra guyed e re maang’ang nem nike ngongliy Jesus, me lungurad, “Riyul’ ni ireray fare profet ni fa’ani ir e nge yib ngaray nga fayleng!”

John 6:2

Me yib e girdi’ ni pire’ ni pire’ ngu’ur leked, ya kar guyed e maang’ang ni be ngongliy ni be golnag e pi’in yad bm’ar.

John 6:26

Me fulweg Jesus ngorad ni ga’ar, “Nggog e tin riyul’ ngomed: gimed be changarnigeg ni bochan e mu ked fapi flowa nge bigimed me ri fos, ma gathi bochan e kam guyed e maang’ang ni kug ngongliy.

John 6:30

Miyad fulweg ngak ni lungurad, “Mang maang’ang e ga ra ngongliy ngug guyed ma ga mich u wun’mad? Mang e ngam rin’?

John 7:31

Machane bo’or e girdi’ u fithik’ fapi girdi’ ni aram urngin ni mich Jesus u wun’rad, me lungurad, “Fa’anra yib fare Messiah, ma gur rayag ni nge ngongliy e maang’ang ni kab pire’ ko tin nike ngongliy e re mo’on ney?”

John 9:16

Me ga’ar boch i yad fapi Farise, “Re mo’on nike rin’ e ren’ey e gathi yib rok Got, ya der fol ko motochiyel ko Sabbath.” Machane boch i yad e lungurad, “Ra di’in me yag ni ngongliy be’ e maang’ang ni ireray rogon ni fa’anra ir be’ nib tadenen?” Ma aram miyad ruw raba’.

2 Korinth 3:18

Ma gadad ndawor ni upunguy ban’en nga owchedad e be gal ram’en Somol rodad nike af rok ngodad, ni gadad gubin ma be ga’ ram’en rodad i yan ma gadad be pig i yan nga ya’an e ren’en ni be gal ram’en rodad, ni fare Kan Nthothup rok Somol e be muruwliy e ren’ey.

2 Korinth 4:17

Re gafgow ney ni gadad be tay nib gafgow nib achig ma dabi n’uw nap’an me m’ay e bayi fek i yib ngodad ba fla’ab ni ba ga’ ni dabi m’ay bi’id, nri kab gel feni ga’ ko re gafgow ney.

2 Korinth 4:6

Fare Got ni ir e yog ni ga’ar, “Nge m’ug e tamilang u fithik’ e lumor!” e ku ireram e re Got ni ir e ke tamilangnag an’mad kug nanged e fla’ab rok ni be gal ram’en u owchen Kristus.

Deuteronomy 5:24

me lungurad, ‘I SOMOL ni Got rodad e ke dag ngodad feni gel nge feni sorok nap’an nda rung’aged laman nike non u fithik’ fare nifiy! Daba’ e kadguyed nrayag ni ngki par be’ ni kabfos, ni yug aram rogon nike non Got ngak.

1 John 5:13

Kug yoloy e re bugithin ney ni ngeb ngomed ni bochan e ngam nanged nike yag e yafos ndariy n’umngin nap’an ngomed — ni gimed e pi’in ke michan’med nga fithingan e en ni Fak Got.