John 18:1 - Bible Ni Thothup

¹ Ma nap’an ni mu’ Jesus ko meybil me un pi gachalpen ngak ngar th’abed fare lul’ ni Kidron fithingan nga baraba’. Ma bay ba chuwo’ i gek’iy u rom nni yung ni yima l’angag fithik’, me yan Jesus nge pi gachalpen ngay.

John 18:1 Σταυροειδείς Αναφορές

Genesis 2:15

Me fek SOMOL ni Got fare mo’on nge tay ngalan fa gi milay’ nu Eden ni ir e ngi i ayuweg ma be matnagiy.

Genesis 3:23

Ma aram me l’oeg SOMOL ni Got fagali’nem nga wuru’ fa gi woldug nu Eden me tay row ngar muruwliy fare but’ ni ir e ni ngongliy row ngay.

2 Samuel 15:23

Ma nap’an ni yan e tirok David e girdi’ me pag e girdi’ lamrad ngalang ngar yorgad. Me yan David ni Pilung i th’ab e lul’ ni Kidron nge yan ni be sor nga daken e ted, miki rin’ e pi’in yad be un ngak ni aram rogon.

1 Kings 15:13

Miki chuweg Maakah ni titaw rok ko fare liw ni chitiningin e pilung, ni bochan e ke ngongliy ba liyos nib sonogor ni ya’an Asherah ni fare got ni bpin. Re liyos nem e th’ab Asa nga but’ nge urfiy u lan fare Loway ni Kidron.

1 Kings 2:37

Fa’anra chey nim man nga ba’anem fachpa’ i lul’ ni Kidron, ma ga ra yim’ mak gur e yira tay e kireb riy nga dakenam.”

2 Kings 23:12

Me buthug Josiah ni Pilung fapi altar ni bay u daken e chigiy ko thal ni lang e naun rok Ahaz, ni pi’in ni kar pilunggad u m’on rok Josiah e ra ngongliyed, miki buthug fapi altar ni ngongliy Manasseh ni Pilung u lan fa gal yoror ko Tempel; me pirdi’iy fapi altar nge par ni nochyang me yan i n’ag ngalan e loway nu Kidron.

2 Kings 23:4

Me yog Josiah ngak Hilkiah ni ir fare prist nib th’abi tolang, nge ngak e prist ni yad ma ayuweg ko maruwel, nge pi’in yad be matanagiy langan e mab ko tempel ni ngar chuweged u lan e Tempel urngin ban’en ni yima fanay ko tayfan ngak Baal, nge ngak Asherah ni fare got ni bpin, nge pi t’uf. Me urfiy fare pilung urngin e pin’em u wuru’ e binaw nib chugur ko Loway nu Kidron, me yog ni ngan fek e awat riy nga Bethel.

2 Kings 23:6

Me chuweg u lan e tempel fare ley i gek’iy ni kan tay ni fan ngak Asherah ni fare got ni bpin, me fek nga wuru’ e binaw ko fare loway nu Kidron me urfiy u rom, me pirdi’iy e awatan nge bangbang me yan i wereg ko gin ni yima gum’eyag riy.

2 Kronicles 15:16

Me chuweg Asa ni Pilung i Maakah ni titaw rok ko liw rok ni chitiningin e pilung, ni bochan e ke ngongliy ba liyos nib golong ni ya’an fare got ni bpin i Asherah. Me th’ab Asa fare got nga but’ nge theth’ab nge urfiy u lan fare loway ni Kidron fithingan.

2 Kronicles 29:16

Me yan e prist ngalan fare Tempel ni ngar be’ech niged, miyad fek e tin ba alit nga wuru’ e Tempel ngalan e yoror. Mu rom e fek e pi Levite riy nga wuru’ e binaw ngar feked ngalan e loway ni Kidron fithingan.

2 Kronicles 30:14

Miyad fek gubin e altar ni un fanay u Jerusalem ngu’un pi e maligach u daken nge incense ni yibe urfiy ngron’ed ngalan fare loway ni fithingan e Kidron.

Nehemiah 2:15

Ma aram e guwan e re nep nem u charen e loway ni gu be lekag fare yoror; mu gu cheal nggu sul u langan fa binem e Garog ni Loway, nggu wan ngalan binaw.

Jeremiah 31:40

Ma fare loway ni ga’ngin ni yima yin’ e yam’ ngay nge dow, nge urngin yang e ted ni bay nga talang ko lul’ ni Kidron nge yan i mada’ ko fare garog ni Garog ko Os fithingan ko ngek e bayi par nib thothup ni fan ngog. Ma re binaw nem e gathi bay kun buthug e naun riy ara ni kirebnag bayay.”

Levitikus 2:6

Ma nge bilbilig nge yochyang me pu’og e gapgep nga daken ko ngiyal’ ni nge pi’, ni aram e ke ognag.

Matthew 26:30

Miyad yin’ ba tang ni yad be pining e sorok ngak Got riy nge mu’ miyad yan ko burey nu Olive.

Matthew 26:36

Me un Jesus ngak pi gachalpen ngranod ngabangi binaw nike lunguy yu Gethsemane, me ga’ar ngorad, “Mpired u roy nga but’ mu gu wan aram nggu meybil.”

Mark 14:26

Miyad yin’ ba tang ni yad be pining e sorok ngak Got riy, nge mu’ miyad yan ko burey nu Olive.

Mark 14:32

Marbad ngabangi binaw nike lunguy yu Gethsemane, me ga’ar Jesus ngak pi gachalpen, “Mpired u roy nga but’ nggu wan gu meybil.”

Mark 14:42

Mu sak’iygad, ngdarod. Mu sapgad, ba’aray fa’anem ni nge yagnigeg!”

John 14:31

machane girdi’ nu fayleng e thingar ra nanged nib t’uf rog e en ni Chitamangiy; aram fan ni kug rin’ urngin ban’en ni bod rogon nike yog ngog. “Mu sak’iygad ngad chuwgad u roy.”

John 18:26

Ma reb fapi sib rok fare Prist ni Th’abi Ga’, ni be’ rok fare mo’on ni luf Peter yuwan tel e non ni ga’ar, “Gathi gur e gguyem ni gimew ko fa gin’en ni bay fare chuwo’ i gek’iy riy nni yung?”

Acts 21:11

Me yib ngomad, me fek e leed rok Paul, me m’ag ay nge pa’ ngay, me ga’ar, “N’en nike yog fare Kan Nthothup e ray nike ga’ar, ‘Cha’ ni fen e gi leed ney e ireray rogon ni piyu Israel e ngar m’aged u Jerusalem, miyad pi’ nga pa’ e pi’in gathi yad piyu Israel.’ ”