John 17:8 - Bible Ni Thothup

⁸ Ya kug weliy ngorad e thin ni mog ngog ni nggog ngorad kar folgad riy, ma kar nanged nriyul’ ni gub rom, ma ke mich u wun’rad ni gur e ka mol’oegeg ku gub.

John 17:8 Σταυροειδείς Αναφορές

Proverbs 1:23

Mu telmed ngog ko ngiyal’ ni gu ra puwan’ ngomed, ya ra gu pi’ e fonow ni bfel’ ngomed, mu gu pi’ ngomed e tin gu manang.

Proverbs 1:3

Pi thin ney e rayag ni fil ngom rogon ni ngu’um ngongol u fithik’ e tamilangan’, nge rogon ni ngu’um par ni gab yul’yul’, ma ga ba yal’uw ni ga ba gol.

Proverbs 2:1

Fakag, mu fil e n’en ni gube machibnag ngom ma dabmu pag talin e n’en ni gube yog ngom ni ngam rin’.

Proverbs 4:10

Fakag, mmotoyil ngog. Ngam fanay e n’en ni gu be yog ngom, me yag nim par nib n’uw nap’am.

Proverbs 8:10

Mu m’oneged u wun’med e fonow rog ko silber; ma llowan’ e nge m’on u wun’med ko gol ni th’abi fel’.

Matthew 13:11

Me fulweg Jesus ngorad ni ga’ar, “Gimed e kan weliy ngomed kam nanged fan e tin nda nnang ni murung’agen e gagiyeg nu tharmiy, machane yad e dawor.

John 12:49

Er rogon, ya dawor gu weliy ban’en ni gag e gu leamnag, machane en ni Chitamangiy ni ir e ke l’oegeg ku gub e ir e keyog ngog e tin nthingar gu weliy.

John 14:10

Filip, der mich u wun’um ni gu bay u fithik’ e en ni Chitamangiy ma en ni Chitamangiy e bay u fithik’ag?” Me ga’ar Jesus ngak pi gachalpen, “Fapi thin ni kugog ngomed e gathi gag e ke yib rog. En ni Chitamangiy ni be par u fithik’ag e be ngongliy e maruwel rok.

John 15:15

Aram e dab kugog ni gimed e tapigpig rog, ya be’ nib tapigpig e de nang e n’en ni be ngongliy e en ni masta rok. Machane nggog ni gimed e tafager rog, ni bochan e kug weliy ngomed urngin e tin kug rung’ag rok e Chitamag.

John 16:27

ya en ni Chitamangiy e gimed ba t’uf rok. Gimed ba t’uf rok ni bochan e gub t’uf romed ma ke mich u wun’med ni gub rok.

John 16:30

Kug nanged e chiney ni urngin ban’en ma ga manang; ndakuriy fan ni nge fith be’ ban’en ngom. Ya ireray e ren’en nike micheg u wun’mad ni mub rok Got.”

John 17:14

Kugog ngorad e thin rom ni mpi’ ngog ma ke fanenikayrad e girdi’ nu fayleng, ya gathi yad girdi’en e fayleng, ni bod gag ni gathi gag e girdi’ nu fayleng.

John 17:18

Ku gol’oegrad ni ngranod nga fithik’ e girdi’ nu fayleng ni bod rogon ni kam l’oegeg ku gub nga fithik’ e girdi’ nu fayleng.

John 17:21

Chitamag! Gu be wenignag ngom ni ngam ayuwegrad ngar pired ni yad gubin ni kar ta’rebgad. Mu ayuwegrad ngar pired u fithik’dow ni bod rogon ni ga bay u fithik’ag ma gu bay u fithik’am. Mu ayuwegrad ngar ta’rebgad, nge yag ni mich u wan’ e girdi’ nu fayleng ni gur e kam l’oegeg ku gub.

John 17:23

ni gu bay u fithik’rad ma ga bay u fithik’ag nge yag ni ngar pired ni kar ta’rebgad, nge yag ni nang e girdi’ nu fayleng ni gur e kam l’oegeg ku gub ma yad ba t’uf rom ni bod rogon ni gub t’uf rom.

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

John 3:17

Ya Got e de pi’ Fak nge yib ngaray nga fayleng ni nge turguy e gechig ko girdi’, machane ir e nge thapeg e girdi’ ngak Got.

John 3:33

En nra mich u wan’ e thin nike fek i yib e aram e ke micheg nib riyul’ Got.

John 6:68

Me fulweg Simon Peter ni ga’ar, “Somol, i mini’ e gamad ra yan ngak? Ya gur e bay fapi thin rom ni ir e ma pi’ e yafos ndariy n’umngin nap’an ngak e girdi’.

John 8:42

Me yog Jesus ngorad ni ga’ar, “Fa’an mang e ri Got e chitamangimed, ma gu ra t’uf romed; ya gub rok Got ma chiney e gu bay u roy. Ni gathi gub ni gag e leam rog, ya ir e ke l’oegeg ku gub.

1 Korinth 11:23

Ya tin kug weliy ngomed e yag ngog rok Somol ni fa’ani lungug: ye Somol Jesus, ko re neap’ nni yagnag, e fek e flowa,

1 Korinth 15:1

Pi walageg ni girdi’en Kristus, gub adag ni nggu puguran ngomed fare Thin Ni Bfel’ ni ir e gu machibnag ngomed, ni ir e mu folgad riy, me ir e ke par e michan’ romed u daken nib muduwgil.

Deuteronomy 18:18

Bay gu pi’ ngorad ba profet ni bod gur ni bayi sum u fithik’ e tirorad e girdi’; bay gog ngak e thin ni nge weliy ngorad, ma bayi weliy ngorad urngin e tin kugog ni ngar rin’ed.

1 Thessalonika 2:13

Ma ku ba’aray reb i fan ni gubin ngiyal’, ma gamad be pining e magaer ngak Got, bochan e gu feked e thin rok Got i yib ngomed mi gimed rung’ag nge mu’ mi gimed fol riy, ma da mu leam niged ni thin rok e girdi’, ya mu leam niged ni thin rok Got, ni er e bin ni ir, ya ri ir e thin rok. Ya Got e be maruwel u fithik’med e pi’in ke mich Got u wun’med.

1 Thessalonika 4:1

Pi walagmad ni girdi’en Kristus, kabay aray ta’a ban’en, kam filed romad rogon ni ngu’um pired nib m’agan’ Got ko n’en ni gimed be rin’ ma bmuduwgil ni aray rogon ni gimed be par. Ere chiney e gamad be wenig ngomed ma gamad be ta’mad ngomed u fithingan Somol ni Jesus ni ngam athamgilgad boch.

1 John 4:14

Ma kad guyed ma ka dogned ngak yugu boch e girdi’ ni en ni Chitamangiy e l’oeg Fak nge yib ni ir e en ni nge thapeg e girdi’ nu fayleng ngak Got.

Revelation 1:1

U lan e re ke babyor ney e kan yoloy fa pin’em ngay ni fini dag Jesus Kristus nga ni guy. Pin’ey e pi’ Got ngak John ni nge dag ngak e pi tapigpig rok Got e n’en nthingari m’ug ndab ki n’uw nap’an. Kristus e l’oeg e engel rok nge yan i dag me weliy e pin’ey ngak John, ni ir e tapigpig rok Kristus.