John 11:54 - Bible Ni Thothup

⁵⁴ Aram fan ndakiyag ni ngi i milekag Jesus u lan yu Judea nder mith, me chuw nge yan ngabangi ban’en nib chugur ngabangi ted ni desert u bbinaw ni Efraim fithingan, ni ir e ra pired pi gachalpen riy.

John 11:54 Σταυροειδείς Αναφορές

2 Samuel 13:23

Ma l’agruw e duw nga tomuren ni yibe puy bunu’en e saf rok Absalom u Baal Hazor, nib chugur ko fachi binaw nu Efraim, me pining urngin fapi pumo’on ni fak e en ni pilung ni ngarbad ngaram.

2 Kronicles 13:19

Me tuluf Abijah fa raba’ i salthaw rok Jeroboam nge kol boch e pi binaw rok ni nge tafnay: yu Bethel, Jeshanah, Efron, nge yuchi binaw nib chugur ko pi binaw ney.

John 10:40

Miki sul Jesus bayay nge yan i th’ab e lul’ ni Jordan nga baraba’ nge yan ko fa gin’en ni i tawfe John riy, me par u rom.

John 18:20

Me fulweg Jesus ni ga’ar, “Urngin ngiyal’ ni gu ma machib ngak urngin e girdi’ u fithik’ e girdi’ ni yo’or; ma urngin e machib ni gu ma tay e gu ma tay u lan tafen e mu’ulung i yan ngu lan e Tempel ko gin nma mu’ulung urngin e girdi’ nu Israel ngay. Dawor gu weliy, ban’en nib mith.

John 7:1

Tomuren e biney mi i milekag Jesus u lan yu Galile i yan; me dabuy ni nge milekag i yan u lan yu Judea, ni bochan e pi tolang ko Jew ni yad bay u rom ni yad be finey ni manga ra li’ed Jesus ngem’.

John 7:10

Fa’ani yan pi walagen Jesus ni pumo’on ko fare madnom, ma aram me ki yan Jesus ko fare madnom; nde yan u fithik’ e girdi’, ya yan nib mith.

John 7:13

Machane dariy be’ ni weliy murung’agen u fithik’ e girdi’, ni bochan e yad be tamdag ngak e pi tolang ko Jew.

John 7:4

Dariy be’ nma mithag e n’en ni be rin’ ni fa’anra ba’adag ni nge gilbuguwan. I gur e ga be ngongliy e pin’ey, ere mu guy rogon nge nang e girdi’ nu fayleng ni polo’ murung’agem!” (