Jeremiah 9:8 - Bible Ni Thothup

⁸ Bolowothrad e bod gan e gat’ing ni yira yim’ riy; gubin ngiyal’ ni yad ma lufith l’ugunrad. Yad gubin ni yad ma non nib simnguy ko en ni yad bbuguliyoror, ma bin rriyul’ e yad be tay e wup ni ngar awgad ngay.

Jeremiah 9:8 Σταυροειδείς Αναφορές

2 Samuel 3:27

Ma nap’an ni taw Abner nga Hebron, me pining Joab i Abner nga orel ko fare garog, ni gowa nge non ngak ni go’oyow, ma aram me ruchuy e yar ko yal rok u rom. Ma aram e kan thang e pogofan rok Abner ni bochan e ki thang e pogofan rok Asahel nib mo’on ni walagen Joab.

Psalms 12:2

Yad gubin ni yad be ban nigedyad; yad be pi’rad ngalang ko thin.

Psalms 12:3

SOMOL, mu taleg e pi balwoth nem ni sasalap! Mu ning e pi langef ni ufanthin nem nma ga’ar,

Psalms 120:3

Gimed e pi taban, mang e bayi rin’ Got ngomed? Urogon ni nge gechig nagmed?

Psalms 28:3

Dab mu unegeg ko pi’in kireb ngam gechig nigeg, ni pi’in yad ma ngongoliy e kireb nib sumunguy e thin rorad, machane ba sug lanin’rad ko fananikan.

Psalms 35:20

Darir ma welthingad nib munguy; yad ma tunguy gubin mit e thin ni sasalap ni murung’agen e pi’in bt’uf e gapas rorad.

Psalms 55:21

Thin rok e ba munguy ko che’, ma gumircha’en e ba sug ko fananikay; thin rok e bod feni sumnguy e gapgep, machane ma th’abey ni bod yungi saydon nib m’uth.

Psalms 57:4

Ke liyegeg e pi to’ogor, ni yad bod e layon nib talonguy e girdi’. Nguwelrad e bod bogi sarey nge gan e gat’ing; ma bolowtherad e bod yungi saydon nib m’uth.

Psalms 62:5

Kemus ni Got e gu be toer ngak; ni ir ke l’agan’ug ngak.

Psalms 64:8

Bayi thangrad ni bochan e pi thin nem; gubin e pi’in nra guyrad miyad chichingeg lolgurad.

Proverbs 25:18

Dum’thin nga daken be’ e ri ba ubchiya’ ni bod ba saydon ni talin e maad’ad, fa baley i gul, fa ba gan e gat’ing nib m’uth.

Jeremiah 5:26

“Girdi’ nib kireb e yad be par u fithik’ e girdi’ rog; yad be pach yad be son ni bod e girdi’ nma pag e nug ni nge kol e arche’ ngay, machane wup ni yad be tay e girdi’ e ngar koled ngay.

Jeremiah 5:9

Ere mang ni dab gu gechig nagrad ko pin’ey nggu togopluw nga ba nam ni aray rogon’?

Jeremiah 9:3

Gubin ngiyal’ ma ka ra fal’eged rograd ni ngar sasalapiyed l’ugunrad, gathi tin rriyul’ ya tin sasalap e be gagiyegnag daken e nam. I SOMOL e be ga’ar, “Girdi’ rog e yad be ngongliy e kireb nib ul ul reb nga reb ma dariy e ngarogned ni gag e Got rorad.”

Jeremiah 9:4

Gubin e girdi’ ni dabisiy ni ngar kol ayuwgad ko pi fager rorad, ma dariy be’ nrayag ni pagan’ ngak pi girdi’en; ya gubin pibe’ rok ni yad ba sasalap, ma gubin e girdi’ nma tunguy e thin nga daken e fager rok nge kirebnag murung’agen.

Jeremiah 9:5

Yad gubin ni yad ma dum’puman ko fager rorad, dariy be’ nma yog e tin rriyul’. Ka ra filed nga balothrad ni ngi i ban; ma dab ra pithiged pa’rad ko denen ni yad be ngongliy. Ra bagyad ma ke par ni go’ ma’ngach e be tay, ma aram rogon e ngongol nike ul ul reb e sasalap nga reb. I SOMOL e be yog ni girdi’ rok e ka ra pi’ed keru’rad ngak.

Mikah 6:12

Pi’in yo’or ban’en rorad u lan binaw e yad be bannag e pi’in gafgow u puluwon e chugum. Ya gimed urngin ni gimed ma lifith l’ugunmed.