Jeremiah 9:17 - Bible Ni Thothup

¹⁷ SOMOL ni Gubin ma Rayag Rok e be ga’ar, “Mu leam niged e n’en ke buch! Mu pininged girdi’en e dololoy’ ngarbad, ni pi’in ni ppin ni yad ma yin’ tangin e tayam’.”

Jeremiah 9:17 Σταυροειδείς Αναφορές

2 Kronicles 35:25

Me tunguy Jeremiah ni profet ba dololoy’ ni fen Josiah ni Pilung. Ke mang ba yalen u Israel e ren’ey ni pi’in ma tang ni pumo’on nge ppin e ngu u ron’ed e re tang ney u nap’an ni yad be mowawnag. Re tang ney e yira pir’eg u fithik’ fapi dololoy’ ni ka ni kunuy kan yoloy nga babyor.

BABYOR NI JOB 3:8

Mog ngak e pi’in yad ma pig ngar bucheged wa’athan e re rran nem, ni pi’in yad manang rogon ni ngar nonod ngak e Leviathan.

Eklesiastes 12:5

Ma bay um rus ko yungi n’en nib tolang, ma ga ra yan ma ga be rus nigem nrichey ngam dol’. Me par lolugem nike manna’; ma kam me’waer ko yan, ma dakuriy ban’en ni ga be ar’arnag. Bay darod ko gin tomur ni nga da toffangad riy, ma bay un dololoy’ u kanawo’.

Jeremiah 7:29

“Gimed e girdi’ nu Jerusalem, mu yor gad mi gimed th’ab piyan lolugmed ngam n’iged. Mon’ed tangin e gum’eyag u daken p’ebgul e yochi burey, ya gag SOMOL, e ku gu damumuw ma ku gu n’ag e girdi’ rog.

Lamentations 2:5

I Somol e bod ba to’ogor, ni kirebnag yu Israel; Ni digey e yungin kan yororiy ni fan ko mael nge tafen e pilung nge mogothgoth. Ma gafgowan’ ni fek nga daken e girdi’ nu Judah e de tal.

Ezekiel 27:2

“Fak e girdi’, mu daloloy’nag yu Tyre,

Ezekiel 32:16

Re thin ney nni gineangrad ngay e bayi mang ba daloloy’. Pi’in nib ppin ko pi nam e bay ron’ed ni ba dololoy’ ni fen yu Egypt nge gubin e girdi’ ni bay riy. I Gag SOMOL ni Th’abi Tolang e gu be non.”

Amos 5:1

Mu telmed, piyu Israel, ko re tangin e gum’eyag ni ba’aray ni gu be yin’ ni fan ngomed:

Mikah 2:4

Nap’an nra taw ko ngiyal’nem, ma ba’aray ba tang ni bay i yin’ e girdi’ ni murung’agen e gafgow nike yib ngomed. Bayi ga’ar e re tang nem: Ke mul urngin u pa’dad! I SOMOL e ke fek e binaw rodad u pa’dad. Ke pi’ ngak e pi’in kar koled gadad kad manged kalbus rorad.”

Matthew 9:23

Ma aram me yan Jesus ngalan e naun rok fa’anem nib tolang. Ma fa’ani guy girdi’en e musik ni fan ko mo’od nge gum’eyag, nge girdi’ nike mada’ lamrad ngalang,

Mark 5:38

Marbad nga tafen Jairus ni ir reb e pilung u tafen e mu’ulung, me guy Jesus e girdi’ me rung’ag lamrad nike mada’ ngalang ni yad be yor ma yad be dololoy’.