Jeremiah 7:29 - Bible Ni Thothup

²⁹ “Gimed e girdi’ nu Jerusalem, mu yor gad mi gimed th’ab piyan lolugmed ngam n’iged. Mon’ed tangin e gum’eyag u daken p’ebgul e yochi burey, ya gag SOMOL, e ku gu damumuw ma ku gu n’ag e girdi’ rog.

Jeremiah 7:29 Σταυροειδείς Αναφορές

2 Kings 17:20

Me fek SOMOL owchen rok urngin piyu Israel, me gechig nagrad me pi’rad nga pa’ e pi to’ogor ni buchan’ nma’ngach nge yan i taw ko ngiyal’ nike tharbegrad u p’eowchen.

BABYOR NI JOB 1:20

Me sak’iy Job nge guchthuy e mad rok ni kari kireban’. Me suruy e piy u chugen nge m’ay me paraw nga but’.

Isaiah 22:12

I SOMOL ni Th’abi Tolang ma Gubin ma Rayag Rok e i piningmed ni ngam yorgad mi gimed dololoy’, migmed puy piyan lolugmed ngam chuwgad ko mad ni tutuw.

Jeremiah 12:7

I SOMOL e be ga’ar, “Ku gu n’ag yu Israel; kug furuy fare nam ni gu mel’eg. Fapi girdi’ nib t’uf rog e ku gu pagrad nga tan gelngin e pi to’ogor rorad.

Jeremiah 14:19

SOMOL, mog, kari mu n’ag e girdi’ nu Judah? Kam dabuy daken e girdi’ nu Zion? Mangfan ni ka mu maad’ad ngomad nib almarin ndabkiyag ni ggolgad? Gamad be gay e gapas, machane dariy ban’en ni bfel’ nike yib i m’ug; gu fineyed ni bay ggolgad, machane gafgow nib gel e marus riy e ke yib.

Jeremiah 16:6

Pi’in yo’or ban’en rorad nge pi’in dariy ban’en rorad e yad ra yim’ u daken e re but’ ney, machane dariy be’ nra k’eyagrad fa yor nagrad. Ma dariy be’ nra th’ab downgin fa puy piyan lolgen ni nge dag nike kirban’.

Jeremiah 3:2

Mu changar ngalang nga p’ebgul e burey. Kabay bang ni dawor mu ngongol riy ni bod be’ nma chuway’ ngak? U mu sonnag pi ilingem u charen e kanawo’ ni bod ba Arab ni be son u daken e ted ni nge og ngak be’. Karim ta’aynag e binaw ko chuway’ ni ga be tay ngom.

Jeremiah 3:21

Ba lam ni yibe rung’ag nga daken p’ebugul e burey: ni laman e girdi’ nu Israel ni yad be yor ma yad be wenig ni bochan e ku’ur pired u fithik’ e denen ni ka ra paged talin SOMOL ni Got rorad.

Jeremiah 47:5

Gafgow ni ga’ e keyib nga daken e girdi’ nu Gaza, ma girdi’ nu Ashkelon e ka ra th’abed gulungrad. Uw n’umngin nap’an ni nge par yu Filistia ni be mowaw?

Jeremiah 48:37

Yad gubin ni kar puyed lolugrad ma kar th’abed sobarad. Yad gubin ni kar rasayed pa’rad ma yad gubin ni kar chuwgad ko mad ni tutuw.

Jeremiah 6:30

Bay nog ni yad chubngen ni kan’ag, ya Gag SOMOL e kug n’agrad.”

Jeremiah 9:10

Me gag Jeremiah e gu be ga’ar, “Bayi gafgowan’ug ko fapi burey, mu gu yornag e yungi tagil’ e abich ko gamanman; ya ke yim’ e pan riy, dakuriy be’ ni be milekag riy. Dakunir rung’ag laman e garbaw riy; arche’ nge gamanman ni malboch e kar milgad kar chuwgad riy.”

Jeremiah 9:16

Mu gu weregrad ko pi nam i yan, ni bogi nam ni yad nge pi chitamangirad ni kakrom e dawor rrung’aged murung’agen; ma bay gu pi’ yu raba’ i salthaw ngi i cham ngorad nge yan i mada’ ko ngiyal’ ni kug thirifrad u but’.”

Lamentations 5:22

Fa ka mu n’agmad ni dariy n’umngin nap’an? Mog dariy folan e damumuw rom?

Ezekiel 19:1

I SOMOL e yog ngog ni nga gon’ e re daloloy’ ney ni fen l’agruw i fak e pilung nu Israel:

Ezekiel 28:12

Ni ga’ar, “Fak e girdi’, nge kireban’um ko n’en ni nge buch ni be sonnag e pilung nu Tyre. Mog ngak ni gag SOMOL ni Th’abi Tolang e gu be ga’ar: Immoy bingyal’ ni gur e un guy rom e tin bfel’ ban’en. Ni rogon fanam picho’ay nge fanam gonop!

Amos 5:1

Mu telmed, piyu Israel, ko re tangin e gum’eyag ni ba’aray ni gu be yin’ ni fan ngomed:

Mikah 1:16

Gimed e girdi’ nu Judah, mu th’abed piyan lolugmed ngam yor niged pifakmed nib t’uf romed. Mmudro’ niged gimed ni bod e arche’ ni vulture, ya bay ni fek pifakmed nga wuru’ e nam ni kalbus.

Matthew 12:39

Me yog Jesus ni ga’ar, “Kari kireb e girdi’ e bin daba’ e rran ma ke m’ayfan Got u wun’rad! Ere gimed be wenig ngog ni nggu dag e maang’ang ngomed? Dab gu dag! Ta’are maang’ang ni bay ni pi’ ngomed e fare maang’ang ni rin’ Got ngak Jonah ni profet.

Matthew 16:4

Miki ga’ar Jesus, “Kari kireb e girdi’ ma dakir un Got u wun’rad e bin daba’ e rran! Gimed be wenignag ngog ni nggu dag reb e maang’ang ngomed? Dabiyag! Ta’are maang’ang ni bay ndag ngomed e fare maang’ang ni rin’ Got ngak Jonah.” Ma aram me pagrad nge yan.

Matthew 23:36

Riyul’ ni gu be yog ngomed, ni gechig ni bochan e pin’ey e bay yib ngak e girdi’ ko bin daba’ e rran!

Matthew 3:7

Ma fa’ani guy John e Farise nge Sadduse ni pire’ ni karbad ngak ni nge tawfe nagrad, me ga’ar ngorad, “Gimed e pi porchoyog nir — mini’ e keyog ngomed nrayag ni ngam thaygad ko damumuw rok Got ni bayi taw?

Acts 2:40

Me wenig Peter ngorad ma bo’or yu bugithin ni yog ngorad ni be tay ir ngorad ni be ga’ar, “Mu lufed gimed ko gechig ni bay yib ngak e girdi’ nib kireb ko biney e mfen!”

Deuteronomy 32:5

Machane gimed e damur yul’yul’gad, dariy rogomed ni ngam manged girdi’en, ya gimed girdi’en ba nam nib sug ko denen nge sabanban.