Jeremiah 7:11 - Bible Ni Thothup

¹¹ Gimed be finey ma Tempel rog e aram e gin tagil’ e mith ko pi’in ma moro’ro’ u fithik’ e yargel? Kug guy e n’en ni gimed be rin’.

Jeremiah 7:11 Σταυροειδείς Αναφορές

2 Kronicles 6:33

ma ga motoyil ko meybil rorad. U tharmiy ko gin ga ma par riy, e ngam motoyil riy ngorad ma ga pi’ ngorad e n’en ni yad be ning ngom’, ya nge yag ni nangem urngin e girdi’ nu fayleng ngar folgad rom, ni bod rogon ni be rin’ e girdi’ rom nu Israel. Ma aram e yad ra nang nre Tempel ney ni ku gu toy e irera’ e gin ngu’un liyor ngom riy.

Isaiah 1:12

Mini’ e keyog ngomed ni ngam feked urngin e pin’ey i yib ngog ko ngiyal’ ni gimed be yib nga p’eowcheg? Mini’ e keyog ngomed ni ngu’um mot’ed lan e Tempel rog?

Isaiah 56:7

“Bay gu fekmed i yan nga Zion, ko fare burey rog nib thothup, mu gu pi’ e felfelan’ ngomed u lan e naun rog ni yima meybil riy, me fel’ u wun’ug e maligach ni gimed be pi’ u daken e altar rog. Tempel rog e bay ni pining fithingan ni naun ko meybil ni fen e girdi’ u gubin e nam.”

Jeremiah 2:34

Mad rom e ke mada’ e racha’en e pi’in gafgow nge pi’in ndawor ra bucheged ban’en riy, ma gathi racha’en e girdi’ nma sabthiy e naun. “Yugu ara’ rogon e pin’ey ni gubin,

Jeremiah 23:24

Dariy bang nrayag ni nge mith be’ ngay nge dab gguy. Mogned, da mu nanged ni gu bay u gubin yang u tharmiy ngu but’?

Jeremiah 29:23

Irera’ e n’en nra buch rorow ni bochan e bbuch e rorow ko denen ni ubchiya’, ur pired e pi’in gathi mabgol rorow, nge sasalap l’ugun ni ur tew nga fithingan SOMOL. Biney e rib togopluw ko tin lanyan’ SOMOL; ma manang ko mang e ur rin’ew ya ir e guy row. I SOMOL e be non.”

Jeremiah 7:10

Gimed be rin’ e tin dabug, nge mu’ mi gimed yib mu sak’iy gad nga p’eowcheg u lan, e Tempel rog, nge lungumed, ‘Dabki buch ban’en rodad! Kad thapgad!’

Ezekiel 35:13

Kug rung’ag fiti lungun nib togopluw ngog.”

Daniel 9:18

Got, mu telim ngomad; mu sap ngomad ngam guy e gafgow ni kug pired nga fithik’ nge gafgow nike tay fare binaw ni kan tunguy fithingam ngay. Gamad be meybil ngom ya ga ma runguy e girdi’, ma gathi bochan e kug rin’ed e tin nib mat’aw.

Matthew 21:13

me ga’ar ngorad, “Bay ni kan yoloy u lan e babyor nib thothup nike ga’ar Got, Naun rog e bay nog nib naun ntafen e meybil. Machane gimed be tay ni bangi n’en nma mith e moro’ro’ riy!”

Mark 11:17

Me fil ko girdi’ ni ga’ar, “Bay ni kan yoloy u lan e babyor nib thothup nike ga’ar Got, ‘Naun rog e bay nog nib naun ntafen e meybil rok e girdi’ ko gubin e nam.’ Machane kam thiliyeged kam ted nike mang bangi n’en nma mith e moro’ro’ riy!”

John 2:16

me ga’ar ngak fapi cha’ ni yad be folchuway’ ko bulogol, “Mfeked e pi bulogol nir ngam chuweged u roy! Dab mu ted tafen e Chitamag nib market!”

Hebrews 4:13

Dariy ban’en nrayag ni ngan mithag rok Got. Ya urngin ban’en ni kem’ay i sunumeg rok e be par u p’eowchen ndariy e upong u daken; mi ir e ri gadad ra weliy e pin’en ni ud rin’ed ngak.