Jeremiah 6:9 - Bible Ni Thothup

⁹ I ga’ar SOMOL ni Gubin ma Rayag Rok ngog, “Israel e bay ni gliwnag ni bod rogon bangi milay’ ni grape ni urngin wom’ngin ma kan t’ar. Ere thingar mu ayweged e yafos rok gubin e pi’in rayag ni mu ayweged ko ngiyal ni kabay nap’an riy.”

Jeremiah 6:9 Σταυροειδείς Αναφορές

Jeremiah 11:23

Ku gu duwgiliy e ngiyal’ ni nggu fek e riya’ i yib nga daken e girdi’ nu Anathoth, ma nap’an nra taw ko ngiyal’n’em, ma dariy ta’bagyad nra magay nib fos.”

Jeremiah 16:16

SOMOL e ga’ar, “Ku gu mol’og ni nge yib e pi tafita’ ni yad ba yo’or ni ngar koled e pi girdi’ ney. Ma bay gu l’oeg girdi’en e mun gamanman ni yad ba yo’or ngar gawegedyad ngan kolrad u daken gubin e pi burey nge yochi burey nge lan e yiy ngu fithik’ e war.

Jeremiah 49:9

Nap’an nra kunuy e girdi’ e grape, miyad pag in u papa’ngin, ma nap’an nra yib e mororo’ nnep’ miyad fek e tin yad ba’adag riy.

Jeremiah 8:3

Ma girdi’ ko re nam ni kireb ney ni magach nde yim’, ni yad be par ko yungi n’en ni kug weregrad riy, e ku yad ba’adag ni ngarm’ad ko bin ni ngar pired ni yad bfos. I Gag SOMOL ni Gubin ma Rayag Rok e gu be non.”

Revelation 14:18

Miki yib yugu reb e engel u altar, ni ir e bmil fan fare nifiy ngak. Me non ni ba ga’ laman ngak fare engel ni bay fare gi kama nib m’uth u pa’ ni ga’ar, “Kama rom e ngam t’ar wom’ngin e woldug ngay ni grape nu fayleng, ya wom’ngin ni grape e ke lol!”