Jeremiah 6:8 - Bible Ni Thothup

⁸ Gimed e girdi’ nu Jerusalem, mu paged e pi oloboch ney nge mang ba ginaeng ngomed ya ra dangay mu gu ra n’agmed; bay gu pilyeg lan binaw romed nge ngal’ ni bang i ted ni desert, ni bang i n’en ndariy be’ nra par riy.

Jeremiah 6:8 Σταυροειδείς Αναφορές

Psalms 2:10

Gimed e pi pilung, mmotoyilgad ko re thin ni ba’aray nib ginaeng ngomed, gimed pi tagagiyeg ko fayleng, thingar mu nanged e pi thin ni ba’aray:

Psalms 50:17

Ka mu siyeged e fonow rog; ka mu n’iged e tin kug ta’chiylen.

Psalms 94:12

SOMOL, ba felan’ e pi’in ga ma pow’iyrad, cha’ ni ga be machibnag ko motochiyel rom!

Proverbs 19:20

Fa’anra um motoyil ko fanow me fel’ u wan’um e tin ga be fil, mra reb e rran ma ga ra gonop.

Proverbs 4:13

Mu tay uwun’um e n’en kamfil ni gubin ngiyal’. Tin kamfil e aram e yafos rom — mu chathowliy ni bfel’ rogon.

Jeremiah 17:23

Pi chitamangirad e da ur motoyilgad ngog fa ra tiyan’rad ko tin gog. Ya ra pig gad nge gel lanin’rad; ni da kur folgad rog ara rafiled ban’en rog.

Jeremiah 2:15

Ka ra tolulgad ngak ni bod bogi layon; ka ra ted fare nam rok nike daken e ted ni desert, pi yochi binaw rok e ka ni kirebnag ma dakuriy be’ ni be par riy.

Jeremiah 31:19

Gu pi’ed keru’mad ngom, machane de n’uw nap’an me pigan’mad ni nggu sulod ngom. U tomuren ni ka mu gechig nagmad, e gup’ed owchemad nga but’ u fithik’ e kireban’. Ya ku gu tamra’gad, nike m’ay famad, ya gu denengad ko ngiyal’ ni gamad bbitir.’

Jeremiah 32:33

Ka ra pi’ed keru’rad ngog; yug aram rogon ni da gu tal i machib nagrad, dariy e ngar motoyilgad ngar nanged.

Jeremiah 4:14

Jerusalem, mu luknag e kireb u gumircha’em, ya nge yag ni mu thap. Bu uw n’umngin nap’an ni ngu’um par ni ga be leamnag e tin kireb ban’en?

Jeremiah 7:20

Ere gag, SOMOL ni Th’abi Tolang, e bay gu pu’og e damumuw rog nib gel nga daken e re Tempel ney. Bay gu pu’og nga daken e girdi’ nge gamanman nta’reb rogon, ma ku er i tay e gek’iy nge woldug. Damumuw rog e bayi bod ba nifiy ndariy be’ nrayag ni nge thang.

Jeremiah 7:28

Mu weliy ngorad ni girdi’ ko nam rorad e darir folgad rog i gag SOMOL ni Got rorad, ara fel’ u wun’rad ni ngan fonow nagrad. Yul’yul’ e ke yim’. Dakurir weliyed murung’agen e yul’yul’.”

Jeremiah 7:34

Re gi but’ nem e bayi ngal’ ni bangi ted dar tugul ban’en riy, mu lan e pi binaw nu Judah ngu lan e yu pa’ i kanawo’ nu Jerusalem e bay gu gagiyegnag nge dabki yan laman e girdi’ riy ni yad be felfelan’, ma ku er i tay laman e ppin nge pumo’on ni kafni mabgol ni yibe madnomnag e mabgol rorad.

Jeremiah 9:11

I SOMOL e be ga’ar, “Bay gu gagiyegnag yu Jerusalem nge par nike puth e naun riy, nge yan i par ni bangi ban’en nike tafnay e gamanman ni jackal; pi binaw nu Judah e bayi par nike bod e ted ni desert, ni dakriy be’ riy.”

Ezekiel 23:18

Me dag downgin u fithik’ e girdi’ ni yo’or ma go’ nnang nib gathar. Ri chuwan’ug rok ni bod ni chuwan’ug rok e bin ilal i walagen.

Hosea 2:5

ma der tamra’ ni be pi’ ir ni chuway’. I ga’ar, “Bay ug lek pi’ilngeg, ni yad be pi’ ganag nge ran, nge bunu’en e saf nge mad ni wech, nge gapgep ko olive nge wayin rog.”

Hosea 9:12

Machane fa’an yad ra fakay e bitir, ma bay gu chuweg rorad ni dariy baygad nra fos. Nap’an ni gu ra n’ag e pi girdi’ ney, ma bayi buch bogi ban’en rorad nrib kireb.”

Levitikus 26:34

Ma aram e bayi falen’ fare gi but’ ya bay yag ni nge toffan nib yo’or e duw, ya da um paged nge toffan; bayi par ndakuriy be’ riy nge toffan ko ngiyal’ ni gimed ba kalbus u lan e nam rok e pi to’ogor romed.

Zefaniah 3:7

Ere gu leamnag ni aram e bay yib madgug u wan’ e girdi’ rog me m’ag u wan’rad e fanow rog, me siy ra paged talin e n’en ni kug fil ngorad. Machane de n’uw nap’an miyad ngongol nib gel e kireb riy ni bod kafram.

Deuteronomy 32:29

De pat ngan’rad ko mang ni kar waergad, der nanged fan ko mangfan nike yodorom.