Jeremiah 6:30 - Bible Ni Thothup

³⁰ Bay nog ni yad chubngen ni kan’ag, ya Gag SOMOL e kug n’agrad.”

Jeremiah 6:30 Σταυροειδείς Αναφορές

2 Kings 17:20

Me fek SOMOL owchen rok urngin piyu Israel, me gechig nagrad me pi’rad nga pa’ e pi to’ogor ni buchan’ nma’ngach nge yan i taw ko ngiyal’ nike tharbegrad u p’eowchen.

Psalms 119:119

Ga ma tay urngin e pi’in kireb ni bod e dow, aram fan nib t’uf rog e fanow rom.

Psalms 53:5

Machane aram e bayib e marus ngorad nib gel, ndawor rrusgad bayay ni aram gelngin, ya bayi wereg Got yilen e pi to’ogor ko girdi’ rok. I Got e ke n’agrad, ma aram e yu Israel e ri bay ra gelgad ngorad.

Proverbs 25:4

Ra nchuweg e tin ba alit u fithik’ e silber ma en nib salap ko dumow ban’en e rayag ni nge fal’eg ban’en ni bfel’ ya’an riy.

Isaiah 1:22

Jerusalem, um par ba ngiyal’ ni ga bod e silber, machane chiney e dakuriy ban’en ni ga bfel’ ngay; um par ni ga bod e wayin ni bfel’, machane chiney e kambod e ran.

Isaiah 1:25

Bay gu rin’ ban’en ngomed. Bay gu machalbog nagmed ni bod rogon ni yima urfiy e wasey nge ranran nge chuw e chabung u fithik’, ni aram rogon ni bay gu chuweg e tin ba alit romed.

Jeremiah 14:19

SOMOL, mog, kari mu n’ag e girdi’ nu Judah? Kam dabuy daken e girdi’ nu Zion? Mangfan ni ka mu maad’ad ngomad nib almarin ndabkiyag ni ggolgad? Gamad be gay e gapas, machane dariy ban’en ni bfel’ nike yib i m’ug; gu fineyed ni bay ggolgad, machane gafgow nib gel e marus riy e ke yib.

Jeremiah 23:33

Me ga’ar SOMOL ngog, “Jeremiah, nap’an nra fith reb e girdi’ rog ara reb e profet ara reb e prist ngom ni ga’ar, ‘Mang e tomal rok SOMOL?’ ma ngam ga’ar ngak, ‘Gur e thi rok SOMOL, ma bayi n’agem.’

Jeremiah 7:1

Me l’ogeg SOMOL nggu wan ko fare garog ko Tempel ko gin ma yan e girdi’ nu Judah riy ngalan e yoror ngar meybilgad ni yad be liyor ngak Got. Me yog ngog ni nggu wan gu sak’iy ngaram nggu weliy ko girdi’ e tin nge yog SOMOL ni Gubin ma Rayag Rok ngorad, ni ir fare Got nu Israel, ni nge ga’ar, “Mu thiliyeged pangimed nge pin’en ni gimed be rin’, mu gu pagmed ngu’um pired u roy.

Jeremiah 7:29

“Gimed e girdi’ nu Jerusalem, mu yor gad mi gimed th’ab piyan lolugmed ngam n’iged. Mon’ed tangin e gum’eyag u daken p’ebgul e yochi burey, ya gag SOMOL, e ku gu damumuw ma ku gu n’ag e girdi’ rog.

Lamentations 5:22

Fa ka mu n’agmad ni dariy n’umngin nap’an? Mog dariy folan e damumuw rom?

Hosea 9:17

Fare Got ni gu ma pigpig ngak e bayi n’ag girdi’en, ya darir motoyilgad ngak. Bay ur malethaygad ko pi nam i yan.

Zekariah 11:8

Dakiyag ni gu k’adan’ug rok dalip i tagafal saf, ni dubrad dakenag, mug chuwegrad ni yad gubin u lan ta’ab pul.

Matthew 5:13

“Gimed bod e sol ni fan ngak urngin e girdi’ nu fayleng. Machane fa’anra chuw e buday ko sol, ma dakuriy kanawo’en me yag nni ngongliy ngki sul nge buday bayay. Dakuriy fan; ma aram min n’ag nga daken e but’ ngi i yan e girdi’ u daken.

Roma 11:1

Ere nggu fith ni nge lungug: I n’ag Got girdi’en fa danga’? Rib muduwgil ndanga’! Er rogon gag ni gu be’ u Israel, ni gag reb i owchen Abraham, ni gag girdi’en e ganong ku Benjamin.