Jeremiah 6:26 - Bible Ni Thothup

²⁶ I SOMOL e be ga’ar, “Gimed e girdi’ rog, e ngam mon’ed e mad ni tutuw, mi gimed pig u fithik’ e awat. Mu dololoy’gad ni bod be’ ni be yornag be’ nib mo’on ni fak ni ka ri ma’agirag rok, ya en nike yib ni nge kireb nagmed e bayi cham ngomed nib tomgin.

Jeremiah 6:26 Σταυροειδείς Αναφορές

Genesis 21:16

me yan rok nga orel ni gonap’an 100 e yard me yan i par nga but’. Me ga’ar u wan’, “Dabiyag ni gu yaliy e re tir ney nge yim’.” Nap’an ni kabay u rom nib par nga but’ me tabab fare tir ko meyor.

BABYOR NI JOB 15:21

Bayi rung’ag lungun e morus ni be gogo’ ngalan tel, me og e moro’ro’ ngak ko ngiyal’ ni be leamnag ndariy ban’en nra buch rok.

BABYOR NI JOB 2:8

Me fek Job bochiyang u ba th’ib ni but’ nike pil ngi i ker downgin ngay me yan i par nga fithik’ e awat ko gin yima yan nn’ag e awat ngay.

Isaiah 22:12

I SOMOL ni Th’abi Tolang ma Gubin ma Rayag Rok e i piningmed ni ngam yorgad mi gimed dololoy’, migmed puy piyan lolugmed ngam chuwgad ko mad ni tutuw.

Isaiah 22:4

Chiney e ngan chuw rog nggu par ni go’ gag nggu yornag gubin pi girdi’eg ni go’ karm’ad. Dab muguy rogon ni ngam fal’eg lanin’ug.

Isaiah 3:24

Florida ni yad ma thiy ngay e thil nge kirebnag bon dowrad, pi le’ed rorad ni fafalel’ e thil nge mang yuyal’ i tal, piyan lolugrad ni bfel’ e thil ngar pired ni kar madro’gad, mad rorad ni fafalel’ e bayi thil nge par ni mad ni mogmogchoth e yad be yin’; tamra’ e bayi yin’ luwan e ufan pidorang rorad.

Isaiah 30:13

Gimed ba kireb. Gimed bod bangi rungrung ni simen ma ba tolang nike yan e tha’al riy ke mada’ nga but’; bay mu muchbu’gad nga but’ nib tomgin.

Isaiah 32:11

Um pired nib mom urngin ban’en ngomed nder magafan’med; machane chiney e ngam t’on gad ko marus! Mu lufed e mad romed ngam m’aged e mad nike kaday ma ke mogchoth nga lukngumed.

Jeremiah 12:12

Ke yib e girdi’ daken gubin e yungi ted ni desert nib tolang ngalang ni ngar mogothgothgad. Ku gu pi’ e mael ni nge gathay ga’ngin fare nam; dariy be’ riy ni be par u fithik’ e gapas.

Jeremiah 13:17

Fa’anra dab mmotoyil gad, ma bay gu yor nib mith ni bochan fanmed tolngan’; bay gu yor u fithik’ e m’ingan’, nge map’ lu’ag ni bochan e girdi’ rok SOMOL ni ka ni fekrad nga bang ni kalbus.

Jeremiah 14:17

I SOMOL e ta’chiylen ngog ni nggog ko girdi’ murung’agen e kireban’ rog ni ngug ga’ar: “Nge par lan owcheg ni be ser e lu’ riy ni rran nge nep’, mu gu par ndab gu tal ko meyor; ya girdi’ rog e rib elmerin e cham ni ka ni tay ngorad, rib gel e maad’ad ni ka ni tay ngorad.

Jeremiah 15:8

Ku gu yo’ornag e ppin nike yim’ e pumo’on rorad nike yo’or ko yan’ ni bay u dap’el’ay. Pi’in ni pagel ni pifakmed nike taw nga fel’ngirad e ku gu thang e pogofan rorad, ku gu gagiyegnag pi chitiningirad ka ra gafgowgad. Gugad paag ngorad nib tomgin ke yib e gafgow nib gel ngorad ma kar pired nga fithik’ e marus.

Jeremiah 18:22

Mu pi’ ba ulung i girdi’ ni kireb ngorad nga yugur gin gad ma kan giliw nagrad; mu gagiyeg nagrad ngar yorgad ni ka ra paged lamrad ngalang ni bochan e marus. Kar kered ba low ni nggu mul nga langgin, ma ka ra ngongliyed e wup ni nggu aw ngay.

Jeremiah 30:5

“Ku gu rung’ag lungun e marus, ni lungun e marus ma gathi gapas.

Jeremiah 4:11

Bay i taw nga bangiyal’ nap’an yira yog ko girdi’ nu Jerusalem ni bay bang i nifeng nib mo’oruf gowalngin ni be yib u lan e ted ni desert i yib ngorad. Gathi bang i nifeng nib waer ni kemus ni chabung e nge changagnag

Jeremiah 4:20

Ke malay reb e riya’ nga daken reb; ke mogothgoth fare nam ni polo’. Yugun dada’ ma kan buthug e pi tent romad; kateng riy e kan gochothuy ke yochyang.

Jeremiah 4:8

Ere mon’ed e mad ni tutuw, mi gimed yor mi gimed dololoy’ ni bochan e damumuw rok SOMOL nib tinoway e dawri chuw u daken yu Judah.

Jeremiah 6:14

Yad be ngongol ni gowa maad’ad nike tay e girdi’ rog e kemus ni magur u dowrad. Yad be ga’ar, ‘Gubin ban’en ni bfel’ rogon,’ ni yug aram rogon ni dariy ban’en ni kabfel’ rogon.

Jeremiah 8:19

Mmotoyil! Gu be rung’ag laman e girdi’ rog ni be yor u ga’ngin yang, “Gur dakimoy SOMOL u lan yu Zion? Gur pilung nu Zion e dekimo’ u rom?” I SOMOL ni pilung rorad e fulweg ni ga’ar, “Mangfan ni gimed be k’aring e damumuw ngog ko pi liyos romed ni gimed be tay fan nge siro’ ni gimed be tay ko pi got romed nu bang ni dariy fan?”

Jeremiah 8:21

Ke maad’ad lanin’ug ni bochan e girdi’ rog ni ka ra gafgow gad; gu be yor; kari gafgow an’ug.

Jeremiah 9:1

Gu be finey ni gomang e lolgeg e ba luwed ko ran, ma lan owcheg e ba athang’el ko lu’, ya nge yag ni gu yor ni rran nge nep’ ni bochan e girdi’ rog ni kan thang e pogofan rorad.

Jeremiah 9:10

Me gag Jeremiah e gu be ga’ar, “Bayi gafgowan’ug ko fapi burey, mu gu yornag e yungi tagil’ e abich ko gamanman; ya ke yim’ e pan riy, dakuriy be’ ni be milekag riy. Dakunir rung’ag laman e garbaw riy; arche’ nge gamanman ni malboch e kar milgad kar chuwgad riy.”

Lamentations 1:16

“Aramfan ni lan owcheg e kesug ko lu’ ni be map’. Dariy be’ nrayag ni fal’eg lanin’ug; fa i pi’ e athamgil ngog. An to’ogor e ke gel ngog; ma pi girdi’ rog e dakriy ban’en ni magey rorad.

Lamentations 1:2

N’umngin e nep’ ni i yor; ngi i ser e lu’ u owchen nga but’. Dariy bagyad e pi’in ni ur fagergad ni magey ni nge fal’eg lanyan’. Pi’in yad e yad e karyag niged, go’ kar togopluwgad ngak e chiney.

Lamentations 2:11

Ke thow owcheg ko meyor; ni kari kireb lanin’ug. Kethay parwog ko meyor ni bochan e gafgow ko girdi’ rog. Bitir nge madway e yad be paraw nike ma’ gelingrad u lan e yupa’ i kanawo’ u lan fare binaw.

Lamentations 3:16

I gichgichiy owcheg u fithik’ e but’ nge m’ing nguweleg u daken e malang.

Lamentations 3:48

Be map’ ni lul’ e lu’ nu owcheg ko gafgow rok e girdi’ rog.

Lamentations 4:10

Riya’ ni yib ko girdi’ rog e girengiy e marus ni almirin i yib; pi matin nib t’uf pifakrad rorad e ra lithed pifakrad ngar longyed.

Lamentations 4:3

Mus ko chitiningin e wolf ma matathuth nag pifak. machane girdi’ rog e kar boded e arche’ ni ostrich, ni yad ba kan ngak pifakrad.

Lamentations 4:6

Gechig nta’ ko girdi’ rog e ba almarin ko pi’in girdi’en yu Sodom, ni fare binaw ni gad Got pa’ ngay nge pil nib tomgin.

Amos 8:10

Bay gu pingeg e pi madnom romed nge ngal’ ni tayam’, mu gu pingeg e tang ni gimed ma yin’ u fithik’ e felfelan’ nge ngal’ ni meyor nge gafgowan’. Bay gu gagiyeg nagmed ngam puyed lolugmed u daken e lo’ mi gimed yin’ e mad ni tutuw. Bay mboded e gallibthir ni yow be mowaw nag fakrow ni kari ma’agrag rorow. Rofen nem ni polo’ e ra par nib mo’oy.

Jonah 3:6

Nap’an ni rung’ag e en ni pilung nu Nineveh e re bugithin nem, me sak’iy u tagil’ ngalang, me luf madan e pilung u daken, me yin’ e mad ni tutuw me yan i par nga fithik’ e awat.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

Luke 7:12

Ma nap’an ni yigi mada’ nga langan e garog ko fare binaw, me guy e girdi’ ni karbad ni ngranod ko gum’eyag. Ma re pagel ni ba’aram nike yim’ e bochi cha’ ni kari maagirag rok be’ ni bpin ni ku ke yim’ e pumo’on rok, ma bo’or e girdi’ ni kar uned ngak u lan e binaw i yib.

James 4:9

Me kireban’med, mi gimed dololoy’, mi gimed yor; mu thiliyeged e minmin romed ko meyor, mi gimed thiliyeg e felfelan’ romed ko taganan’!

James 5:1

Ere mu telmed ngog e pi’in ni pire’ ban’en romed! Mu yorgad mi gimed dololoy’ ni bochan e gafgow ni bay yib ngomed!