Jeremiah 6:13 - Bible Ni Thothup

¹³ Gubin e girdi’, ni pi’in fel’ rogon nge pi’in gafgow, ni yad ma guy rogon ni nge yag e salpiy ngorad u fithik’ e sasalap; mus ko profet nge prist ni yad ma bannag e girdi’.

Jeremiah 6:13 Σταυροειδείς Αναφορές

Isaiah 28:7

Mus ko pi profet nge pi prist ni yad be balyang ko rrum yad be yan ni yad be thigthig. Kari pire’ e wayin nge rrum ni ka ra unumed be tun ayrad ni ka ra balyanggad. Pi profet e kaygi gel e chingnag rorad ndabiyag ni ngar nanged fan e pin’en ni be piliyeg Got e changar rorad yad be guy, ma pi prist e kaygi gel e chingnag rorad ndabkiyag ni ngar turguyed e n’en ni ngan rin’ ko yu pa’ i oloboch ni ka ni fek i yib ngorad.

Isaiah 57:17

Gu damumuw ngorad ni bochan e denen rorad, ma go’ yad e ngi i fel’ ngorad, ma aram mu ggechig nagrad nggu n’agrad. Machane rib gelan’rad ki yad be yan u kanawo’ rorad ni kireb.

Jeremiah 14:18

Nap’an ni gu ra yan nga daken e pi flang ma gu be guy e ldow ko pumo’on ni kan li’rad ko mael; ma nap’an e gu ra yan ngalan e yochi binaw, mu gguy e girdi’ ni yad be yim’ ni mak’iy. Pi profet nge pi prist e ka yad be ngongliy e maruwel rorad, machane dar nanged e n’en ni yad be rin’.”

Jeremiah 17:11

Be’ ni be fek e salpiy u fithik’ e sasalap e bod rogon ba arche ni bilig e tamango ni gathi ir e tay. Ra yan i taw nga falngin e yafos rok me mul e faab rok u pa’, ma tomuren e ir be’ ni dariy rogon kemus ni be’ nib balyang.

Jeremiah 2:26

“Bod rogon ba moro’ro’ ni yira kol’, ere gimed e girdi’ nu Israel e bay mu tamra’gad; ni gimed gubin, ni pilung romed nge pi tolang romed, nge pi prist romed nge pi profet.

Jeremiah 2:29

Mang e gimed be gun’gun’nag? Mangfan ni gimed be togopluw ngog?

Jeremiah 2:8

Pi prist e dar fithed ni nge lungurad, ‘Bu uw SOMOL?’ Pi prist rog e dar nanged gag. Ma pi’in ma gagiyeg e kar togopluwgad ngog; ma pi profet e ur welthingad u fithingan Baal mu ur ted fan bogi liyos nib m’ay fan.”

Jeremiah 22:17

Machane gur e kemus ni tin ni bfel’ ngom e ga ma guy; um thang e fan ko girdi’ ni dariy ban’en nike bucheg mu’um gafgownag e girdi’ rom nib almirin. I SOMOL e be non.

Jeremiah 23:10

Re nam ney e ke sug ko girdi’ nde yul’yul’ ngak SOMOL; tin kireb e yad be rin’ ma mat’awrad ni bay e ka ra muruwliyed e tin nib kireb ngay. But’ ko nam e ke kireban’ ya ke bucheg SOMOL wa’athan, ma yungi n’en nma kay e gamanman e pan riy e ke yim’ e pan riy.

Jeremiah 23:11

Be ga’ar SOMOL, “Pi profet nge pi prist e dakuriy fan Got u wun’rad; kug pir’egrad ni mus ngalan e Tempel ni yad be ngongliy e kireb riy.

Jeremiah 27:15

I SOMOL ma keyog ni gathi ir e ke l’oegrad ni ngarbad ma yad be ban niged gimed u fithingan. Ere bayi tulufmed ngam chuwgad, ma bay ni thang e fan romed, ni gimed nge pi profet ni yad be ban niged gimed.”

Jeremiah 32:32

ni bochan urngin e kireb nike ngongliy e girdi’ nu Judah nge yu Jerusalem, nib mu’un e pilung nge pi’in yad ma gafaliyrad, nge prist nge profet ngay.

Jeremiah 42:1

Gubin e tolang ko salthaw nib mu’un Johanan nib mo’on ni fak Kareah nge Azariah nib mo’on fak Hoshayah, e rabad e girdi’ u gubin e dodow

Jeremiah 5:31

Pi profet e go’ ban e yad ma tay, ma prist e yad be gagiyeg u rogon nike yog e profet, ma girdi’ e dariy ban’en niyad be yog riy. Machane mang e yad ra rin’ ko ngiyal’ nike taw gubin ban’en ko tungun?”

Jeremiah 8:10

Ere bay gu pi’ e yungi flang rorad ngak boch e girdi’ nge milfan ngorad mu gu pi’ pi le’engirad ngak yug boch e pumo’on. Gubin e girdi’ ni tin fel’ rogon nge tin gafgow ni yad be guy rogon ni nge yag e salpiy ngorad u fithik’ e sasalap. Ni mus ko profet nge prist ma yad be bannag e girdi’.

Lamentations 4:13

Machane me buch ni aram rogon, ni bochan e i denen e pi profet nge pi prist ni aram tapgin e yam’ ngak bokun e girdi’ ni dariy ban’en nra bucheged.

Ezekiel 22:12

Boch e girdi’ romed e be fek puluwon ni nge thang e pogofan. Ma boch i yad e be pi’ e salpiy ni ku ran fulweg, me yin’ e pasent ngay nib pag oren nike mangita’ ngorad kefel’ rograd riy. Ma kar paged talig.” I SOMOL ni Th’abi Tolang e be non.

Ezekiel 33:31

Ere girdi’ rog e bay ra mu’ulunggad ngom ni ngar rung’aged e thin ni ngam weliy ngorad, machane gathi bay rrin’ed e tin kam weliy ngorad ni ngar rin’ed. Ya ka yad ba’adag ni ngu’ur lifithed l’ugunrad ngar thag niged e salpiy.

Mikah 3:11

Pi’in yad be gagiyegnag e girdi’ u lan binaw e yad be fek puluwon e sasaliyeb ni yad be tay, ma pi prist e yad be pithig fan e Motochiyel u wan’ e girdi’ ni bay puluwon, ma pi profet e yad be weliy e yi’iy ni ku bay puluwon ma yad be yog ni bay SOMOL rorad. Bayi n’en me lungurad, “Gathi ba’ SOMOL rodad? Ere dariy ban’en nra buch rodad.”

Mikah 3:5

Girdi’ e ke ban nagrad e pi profet ni yad be micheg e gapas ngak e pi’in yad be pi’ e salpiy ngorad, ma yad be yog ni bay yib e mael ngak e pi’in ndarir pi’ed e salpiy ngorad. Pi profet ney e be ga’ar SOMOL ngorad,

Luke 16:14

Me rung’ag e pi Farise urngin e pi thin ney, mu ur moninggad ngak Jesus, ya ba t’uf e salpiy rorad.

1 Timothy 3:3

me ir be’ nder ma balyang ko rrum ma der ma cham, machane be’ nib munguy ma ba’adag e gapas; ma thangri dabi chogownag e salpiy;

2 Peter 2:1

Pi profet ni go’ bogi ban’en e m’ug u fithik’ e pi’in kakrom, ma ku aram rogon ni bay yib i m’ug e tamchib ni go’ bogi ban’en u fithik’med. Bay ra feked i yib ngomed e machib nra kireb nigey, ni machib nde riyul’, ma bay ra mithaged murung’agen e re Masta ni ir e ke biyuliyrad, ma aram miyad girngiy e riya’ nib tomgin nga dakenrad.

2 Peter 2:3

Pi tamchib nem ni go’ bogi ban’en e yad ba chogow ni salpiy, ma bay yo’or e salpiy rorad ni puluwrad ko machib ni yad be yog ngomed, ni machib ni yad e sum rorad. Machane En ni nge pufthin nagrad e ke fal’eg rogon ke par, ma En ni nge kireb nagrad e be par ni be od!