Jeremiah 52:4 - Bible Ni Thothup

⁴ ma aram me yib Nebukadnezzar nge fa raba’ i salthaw rok ngar cham gad nga Jerusalem ko rofen ni ragag ko pul ni ragag ko bin mereb e duw nap’an nike gagiyeg Zedekiah. Miyad n’uf e pi tent rorad u wuru’ e re binaw nem, miyad ngongliy e yoror ni nge aywegrad ko mael nge liyeg fare binaw.

Jeremiah 52:4 Σταυροειδείς Αναφορές

Isaiah 29:3

Got e bayi longbiy fare binaw nge cham ngay nge kol.

Jeremiah 21:2

“Wenig ngom mu non ngak SOMOL ni pa’mad, ni bochan Nebukadnezzar ni Pilung nu Babylon nge salthaw rok ni ka ra m’aged e mael ko binaw romad. Sana bayi fal’eg SOMOL reb fapi maang’ang ni fan ngomad, nge yag ni pagmad Nebukadnezzar.”

Jeremiah 32:24

“Girdi’ nu Babylon e ka ra ubungyed e but’ nga wuru’ fare yoror nib liyeg fare binaw ni ngar oggad riy ngar koled. Mael, nge uyngol, nge m’ar e bayi gagiyegnag fare binaw nge aw ngalan pa’rad. Ke m’ug ni gubin e tin mog e ke riyul’.

Jeremiah 34:1

I non SOMOL ngog u nap’an ni be cham Nebukadnezzar ni Pilung nu Babylon nge salthaw rok, nge yu raba’ i salthaw u gubin e nam ni ku yad be pi’ e ayuw ngak, nge gubin mit e girdi’ u lan gil’ilungun nga Jerusalem nge yochi binaw nib chuchugur ngaram.

Jeremiah 39:1

U lan e bin ragag e pul ko bin mereb e duw nike pilung Zedekiah u Judah, me yib Nebukadnezzar ni Pilung nu Babylon nge ga’ngin fa raba’ i salthaw rok ngar chamgad nga Jerusalem.

Jeremiah 4:17

ma bay rabad ra longbiyed yu Jerusalem ni bod e pi pumo’on ni yad ma matanagiy bang i flang, ni bochan e girdi’ riy e kar togopluwgad ngak SOMOL. I SOMOL e be non.

Jeremiah 52:7

mi ni kuruf bang ko rungrung ko re binaw nem. Yug aram rogon nike yin’ yu Babylon fare binaw nga longob, me mil oren fapi salthaw nnep’. Ra milgad u bang ni ba chugur ko kanawo’ ni yan ko milay’ rok e en pilung, ngranod riy nga barba’ fare garog ni bay u thilin fa gal rungrung, miyad mil i yan ko loway nu Jordan.

Ezekiel 21:22

Ma aram me yan i magey reb e gan e gat’ing u lan e ba’ ni mat’aw i pa’ ni fen yu Jerusalem! Nike yog ngak ni nge yan nge fal’eg rogon e bilgarog, me tolul ni ngan mael, ni ngan gad e bil garog ko pi garog, min fu’og e but’ ngalang, min ker e lra’.

Ezekiel 21:27

Nge puth! Nge puth! Bay gu pag fare binaw nge mogothgoth. Machane dabi buch e ran’ey nge mada’ ko ngiyal’ nike yib e cha’ ni ku gu mel’eg ni nge gechignag fare binaw. Ni ir e bay gu pi’ nga pa’.

Ezekiel 26:8

Pi’in yad ma par u lan e yochi binaw u dap’el’ay e bay ram’ad u fithik’ e mael. Pi to’ogor e bay ra kired e lra’ ngar ubunguyed e but’ riy, miyad ngongliy e rungrung nib gel ni nge mang rungrung rorad.

Ezekiel 33:21

Lan e bin ragag nge l’agruw e duw nga tomuren ni kan fekmad ni kalbus nga wuru’ e nam ko rofen ni lal ko pul ni ragag, me yib be’ nib mo’on nike thay u Jerusalem i weliy ngog nike waer e binaw nu Jerusalem.

Ezekiel 40:1

Bin ragag e rran ko be’ech e duw, ni aram e bin rliw’ nge lal e duw nga tomuren nni fekmad ni kalbus nga wuru’ e nam ma ragag nge aningeg e duw nga tomuren ni kan kol yu Jerusalem. Rofan nem mu gu thamiy gelngin SOMOL ni bay, ma aram me chibiyeg nge fekeg i yan.

Levitikus 26:25

Bay gu pag e mael nge yib ngomed ni nge gechig nagmed ya kam th’abed fare m’ag u thildad, ma fa’an gimed ra mukun ngalan e pi binaw romed ni fan e nge dabi buch ban’en romed, ma bay gu pi’ e m’ar ndariy falayyin nge yib nga fithik’med, ma bay mpired nike math e liyeb ngomed mi gimed m’ing ngak e to’ogor romed.

Zekariah 8:19

“Fare pag abich ni yima tay ko bin ni aningeg, lal, medlip, nge bin ragag e pul e nge par ni bogi madnom ko felfelan’ nge paslagan’ rok e girdi’ nu Judah. Thangri t’uf romed e tin rriyul’ nge gapas.”

Luke 19:43

Ya bayi taw nga boch e rran me yib e to’ogor rom ngar cholngobiyed gur ko yoror ni but’ nge malang, mu ur bad i yib ngom u gubin yang.

Luke 21:20

“Fa’anra mu guyed yu Jerusalem nike longobiy yu raba’ i salthaw, ma aram e kam nanged ndab ki n’uw nap’an min kirebnag.