Jeremiah 52:17 - Bible Ni Thothup

¹⁷ Me t’ar e girdi’ nu Babylon fapi duga’ ni bronze nge ay e pin’en ni bay u Tempel, nge fare teng ko ran nni ngongliy ko bronze, miyad fek urngin fapi wasey ni bronze nga Babylon.

Jeremiah 52:17 Σταυροειδείς Αναφορές

1 Kings 7:50

pi kap, nge fen e mthang nifiy, yu raba’ i dabiy, yu raba’ i pilet ni fen e incense, nge yu raba’ i ban’en ni yima fek e acheffin u langgin; nge bogi inch ni fen e mab ko fa Gin Th’abi Thothup nge fapi mab nga wean ko fare Tempel. Urngin e pin’ey e ni ngongliy ko gol.

2 Kings 20:17

bayi taw nga bangiyal’ ni gubin ban’en nu lan fare naun rom ni tafen e pilung, ni gubin ban’en ni cha’riy e pi ga’ rom kakrom ke mada’ ko bin daba’ e rran e bay ni fek nge m’ay nga Babylonia. Dariy ban’en nra magey.

2 Kronicles 36:18

Fare pilung nu Babylon e leag e chugom u Tempel, machaf u Tempel, nge tin nib fla’ab fare pilung riy nge pi tolang ko salthaw rok, nge fek gubin ban’en nga Babylon.

Jeremiah 52:20

Ma pin’en nni ngongliy ko bronze, ni Solomon ni Pilung e yog ni nga ni ngongliy ni fan ko Tempel, ni aram fa gali duga’, nge ay e pin’en ni bay u Tempel, nge fare teng ko ran nib ga’, nge fa ragag nge l’agruw i garbaw ni ir e ke gif fare teng nga daken ya ke pag feni tomal ndabiyag i thabthabelnag.

Lamentations 1:10

Pi to’ogor e kar iringed urngin e machaf rok. Ni guyrad nranod ngalan e Tempel, Ni gin ni yog SOMOL ndabi yan e Gentile ngay.

Ezekiel 40:49

Bay yu thal i tawo’ ni sor ngalang ko gin yima yan riy nga senggil, ni guyey nge aningeg e fit radan ma rliw’ e fit n’umngin. Ma bay l’agruw i rumog, nra reb ma bay u barba’ e gin yima yan riy nga naun.

Daniel 1:2

Me gagiyegnag SOMOL Nebukadnezzar nge kol Jehoyakim ni Pilung me fek boch e machaf u Tempel. Me fek boch e kalbus nge un ngak nga tempel ko pi got rok u lan yu Babylon, me tay fapi machaf ni fek ngalan e pi senggil ni yima chubgil riy u lan fare tempel ko pi got rok.