Jeremiah 52:13 - Bible Ni Thothup

¹³ Me urfiy fare Tempel, nge tafen e pilung, nge pi naun rok urngin e pi tolang u Jerusalem;

Jeremiah 52:13 Σταυροειδείς Αναφορές

1 Kings 9:8

Ma bayi par e re Tempel ney nib puth, ma urngin e girdi’ ni bay urbad u charen ngranod e yad ra gin ngay me lungurad, ‘Mang nike yodoro’nag SOMOL e re nam ney nge re Tempel ney?’

2 Kings 25:9

Me urfiy e Tempel, nge tafen e pilung, nge naun rok urngin e pi tolang nu Jerusalem,

2 Kronicles 36:19

Me urfiy nga but’ fare Tempel nge fare binaw, nib mu’un e pi naun ni tafen e pilung ngay nge chubgil riy, me buthug nga but’ fare yoror ko fare binaw.

Psalms 79:1

A Got, ke yib boch e nam ni mael ngak e nam rom. Kar ta’ay niged fare Tempel rom nib thothup ma kar paged yu Jerusalem nike mogothgoth.

Jeremiah 19:13

Pi naun nu Jerusalem, nge pi naun ntafen e pi pilung nu Judah, nge urngin e naun ni ku un urfiy e incense u daken e chigiy riy ni maligach ngak e pi t’uf ma ku ir e un ngal’weg e wayin riy ni maligach ngak yugu boch e got, e bayi par nike ta’ay ni bod rogon yu Tofeth.”

Jeremiah 21:10

Ku gu mu’ i turguy u lanin’ug ndab kug digey e re binaw ney, ya nggu kirebnag. Bay ni pi’ nga pa’ e pilung nu Babylon, nge urfiy nga but’. I Gag SOMOL e gu be non.”

Jeremiah 21:14

Me gag e bay gu gechig nagem ko n’en ni ka mu ngongliy. Bay gu urfiy e naun ntafen e pilung rom, ma re nifiy nem e ra urfiy urngin ban’en u to’oben i yan. I Gag SOMOL e gu be non.”

Jeremiah 22:14

Gafgow e cha’ ni ga’ar, “Bay gu toy ba naun ngog nib ga’ ni thal ni lang riy e gagang’ e singgil riy.” Ma aram me fal’eg rogon e winda ko naun rok, ni plang ni cedar e fanay ngay, me achey ko row.

Jeremiah 32:29

miyad tay e nifiy ngay. Bay ra orfegned nga but, nib mu’un e naun ngay ni aram faram e gin ni k’aring e girdi’ e damumuw ngog riy ni fa’an u ra urfiyed e incense ngak Baal u daken e naun ma yibe pu’og e wayin ni ngan pi’ ni maligach ngak boch e got.

Jeremiah 34:22

Bay gu pi’ e thin, ma bay ra sulod ko re binaw ney. Bay rachamgad ngay ngar koled miyad urfiy nga but’. Bay gu tay e yochi binaw nu Judah ni bod bang i ted ni dariy be’ nma par riy. I Gag SOMOL e kugog e pi thin ney.”

Jeremiah 38:23

Mug ga’ar ngak, “Urngin e ppin rom nge bitir rom e bay ni fekrad i yan ngak piyu Babylon, me gur e dabiyag ni ga ra mil rorad. Bayi fekem fare pilung nu Babylon ni kam mang kalbus rok, ma re binaw ney e bay ni urfiy.”

Jeremiah 6:5

Bay da chamgad nnep’; ngad buthged e yoror ko re binaw ney ni fan ko mael.”

Jeremiah 7:14

Ere n’en ni gu rin’ u Shiloh e bay gu rin’ ko re Tempel rog ney ni ir e ke pagan’med ngay. N’en ni gu rin’ u Shiloh e ir e bay gu rin’ ko gin’ey ni gag e gu pi’ ngomed nge ngak pi chitamangimed kakrom.

Lamentations 2:5

I Somol e bod ba to’ogor, ni kirebnag yu Israel; Ni digey e yungin kan yororiy ni fan ko mael nge tafen e pilung nge mogothgoth. Ma gafgowan’ ni fek nga daken e girdi’ nu Judah e de tal.

Lamentations 2:6

Tempel ni gin ug meybilgad ngak riy e pirdi’iy nge yochyang u but’; Me taleg e pi rran ni thothup nge Sabbath. Pilung nge prist e ta’reb rogon nra thamiyew gelngin e damumuw rok.

Lamentations 2:7

I Somol e n’ag e altar nge Tempel rok nib thothup; Me pag e to’ogor nge buthug e rungrung riy. Miyad tolulnag e gel ni kar ted ko gin’en ni ud meybilgad riy u fithik’ e felfelan’.

Lamentations 2:8

I SOMOL e turguy ni fare yoror nu Zion e thangri aw nga but’; I pag e fol nga daken ni nga ri mich ni nge mogothgoth nib polo’. Pi wulyang nge rungrung riy e chiney e go’ bay u but’ nike mogothgoth.

Ezekiel 16:41

Bay ra urfiyed e pi naun rom nga but’ me mu’ulung e pi’in ppin ngar guyed e gechig ni yibe tay ngom. Bay gu gagiyeg nagem ngam pag e falchuway’ ni ga be tay ngom mug taleg e pi tow’ath ni ga ma pi’ ngak pi ilingem.

Ezekiel 24:21

ni nggu pi’ e re thin ney ngomed yu Israel: Kam ufanthin gad nga feni gel fare Tempel. Gimed ba’adag ni ngu’um yaliyed ma gimed be sul ngay, machane SOMOL e bayi m’aynag fan. Ma pi a romed nib bitir ko tabnaw, ni pi’in ni kar magach gad u Jerusalem e bay ni thang e fan rorad u tan e mael.

Amos 2:5

Ere bay gu pi’ e nifiy nga daken e nam nu Judah nge urfiy e pi naun ni bay u Jerusalem ni kan ngongliy rogon ni fan ko mael.”

Amos 6:11

Nap’an nra non SOMOL ma pi naun nib ga’ nge tin ba’achig e bay ni bilig nge yochyang u but’.

Mikah 3:12

Ere yu Zion e bay ni gi’ e but’ riy ni bod bangi ted ni yibe gi’ ni nga ni yung e woldug ngay ni bochan e kireb romed, ma yu Jerusalem e bayi par ni go’ ke puth e naun riy, ma gin nib tolang ni bay e Tempel riy e bayi par ni ba chuwo’ i gargaer.

Zekariah 11:1

Lebanon, mu bing e pi mab rom, ya nge longuy e nifiy e pi gek’iy rom ni cedar!

Matthew 24:2

Me ga’ar Jesus, “Bfel’ ni ngam fal’eged i yaliy e pi naun ney. Ba’aray bbugithin ni nggog ngomed: dariy ta’reb e malang u roy ni yira pag u tagil’, ya gubin ni bay nin’ nga but’.”