Jeremiah 52:11 - Bible Ni Thothup

¹¹ Me yog ni ngan luf lan mit Zedekiah, mi nin’ e chen ngak nga ni fek nga Babylon. Me par Zedekiah u lan e kalbus u Babylon nge mada’ ko rofen ni yim’.

Jeremiah 52:11 Σταυροειδείς Αναφορές

Jeremiah 21:7

Machane gur, nge tayugang’ rom, nge girdi’ ni fos u tan fare mael, nge uyngol ni yib, nge liliy — e bay gu pagmed ni gimed gubin nge kolmed Nebukadnezzar ni Pilung nge pi’in gimed ba to’ogor ni yad ba’adag ni ngar li’ed gimed ngam m’ad. Ma Nebukadnezzar e ra li’med ngam m’ad. Ni dabi pag ta’ab gimed ara kirban’ fa runguy ya’an bigmed. I Gag SOMOL e gu be non.”

Jeremiah 39:7

Tomuren e binem me luf lan owchen Zedekiah min m’ag ko chen ni ngan fek nga Babylon.

Lamentations 2:6

Tempel ni gin ug meybilgad ngak riy e pirdi’iy nge yochyang u but’; Me taleg e pi rran ni thothup nge Sabbath. Pilung nge prist e ta’reb rogon nra thamiyew gelngin e damumuw rok.

Ezekiel 12:13

Machane bay gu pithig radan e nug rog nge aw ngay. Ma aram e bay gu fek ko fare binaw nu Babylon, ko gin bayi yim’ riy ni dabi guy e re binaw nem nga owchen.

Ezekiel 17:16

Me ga’ar SOMOL ni Th’abi Tolang, “Bod feni bmich ni Gag Got ni gu be par ni gub fos. Ra yim’ e re pilung ney nu Judah u lan yu Babylon ni bochan e ke th’ab fare michmich nge fare tha’ nra m’agew e pilung nu Babylon, ir e tay ni nge mang pilung.

Ezekiel 23:24

Bay ra chamgad ngom ko lel’och, ni kar feked barba’ i salthaw nib ga’ ni bay e chariot rorad nge wagon nma fek e chugum. Yad ra rungrung ko shield nge helmet ngarbad ron’ed gur nga longob. Ma bay gu pi’em nga pa’rad, ma bay ra pufthin niged gur u rogon e tirorad e motochiyel.