Jeremiah 51:56 - Bible Ni Thothup

⁵⁶ Karbad ni ngar kireb niged yu Babylon; kan kol e pi salthaw riy, ma pi gan e gat’ing rorad e ke m’ingm’ing. I Gag ba Got ni gu ma gechignag e kireb, ma bay gu rin’ nga Babylon e tin nib merag ni ngan rin’ ngay.

Jeremiah 51:56 Σταυροειδείς Αναφορές

Genesis 49:24

Machane gat’ing rok e ba mayluy, Ma ruw raba’ i pa’ nni ngongliy nib gel U gelngin fare Got rok Jakob ni Gubin Ma Rayag rok. Ni aram fare Tagafaliy e saf, ma Ir e Yoror rok yu Israel.

Psalms 137:8

Babylon, bay ni kireb nigem! Ra felfelan’ e en ni ir e bayi fulweg labgen ngom ni bochan e tin kam rin’ ngomad,

Psalms 37:15

machane saydon rorad e ir e bay nli’rad ngay, min t’et’ar e gat’ing rorad.

Psalms 46:9

Be taleg e pi mael ni yibe tay u fayleng i yan; be t’ar e gat’ing, ma be kirebnag epi sarey nge dilak, ma be urfiy e pi shield!

Psalms 76:3

U rom e t’ar e pi gan e gat’ing rok e pi to’ogor riy, nge shield nge saydon rorad, gubin talin e cham rorad.

Isaiah 21:2

Ke pilyeg e changar rog ku gguy ba gafgow nib ga’ nra be’ ma be yagnag be’ nge mathang pogofan ni yibe tay. Salthaw nu Elam, mu chamgad! Salthaw nu Media, mu thabey niged fapi binaw! Got e bayi museg e gafgow ni k’aring yu Babylon.

Isaiah 34:8

Irera’ e ngiyal ni bay ayuweg SOMOL yu Zion nge falbeyen e pi to’ogor rok.

Isaiah 35:4

Nganog ko pi’in ke mulan’rad ni ngan ga’ar, “Mu pired ni gimed ba gel ma dab mu rusgad! Got e bayib i ayuwegmed, me gechignag e pi to’ogor romed.”

Isaiah 59:18

Bayi gechignag e pi to’ogor rok u rogon e n’en ni ka ra ngongliyed, ni mus ngak e pi’in nib palog e gin yad ma par riy.

Jeremiah 49:35

I ga’ar, “Bay gu thang e pogofan rok urngin e pi’in yad ba cheag ko mun gat’ing ni yad e ur gel naged yu Elam.

Jeremiah 50:10

Babylon e bay ni fek e chugom riy u fithik’ e yargal, ni pi’in yad be mod yargal ngay e bay ra feked gubin e tin yad ba’adag. I Gag SOMOL e kugog e pi thin ney.”

Jeremiah 50:36

Yam’ e nge tay e pi profet riy ni yad ba sasalap l’ugun — ri yad bbalyang! Yam’ e nge tay e salthaw riy — karm’ad ko marus!

Jeremiah 51:24

Be ga’ar SOMOL, “Bay mu guyed gag ni nggu sulweg taban’ ngak yu Babylon nge girdi’ riy gubin fapi kireb nrin’ed nga Jerusalem.

Jeremiah 51:30

Salthaw nu Babylon e kar talgad ko mael kar pired u lan e yoror. Ke me’waer lanin’rad kem’ay farad. Kan buthug e pi garog ko binaw nga but’, ma kanip’ e nifiy ko naun.

Jeremiah 51:48

Gubin e ban’en u daken e fayleng ngu lanelang e bay ra tolul niged e felfelan’ ko ngiyal nra aw yu Babylon nga pa’ e girdi’ ko lel’och ni karbad ni ngar kireb niged.

Jeremiah 51:53

Fa’an mang e rayag ni yan yu Babylon nga lanelang nge toy e tagil’ nib gel u rom, ma kug ra l’oeg e girdi’ ni ngar kireb niged. I Gag SOMOL e kugog e pi thin ney.”

Jeremiah 51:6

Mmilgad ngam chuwgad u Babylon! Mmil niged e pogofan romed! Dab mmad’ ni bochan e denen nu Babylon. I Gag e chiney e nggu fulweg taban e kireb nga Babylon ni nggu gechignag ni rogon nib m’ag ni nge aw ngak.

Lamentations 3:64

“SOMOL, mu gechig nagrad ko tin karrin’ed.

Ezekiel 39:3

Ma aram e bay ggad e gat’ing nge mul u ba’ ni gil’ay i pa’ nge pi gan e gat’ing u ba’ ni mat’aw i pa’.

Ezekiel 39:9

Fapi girdi’ ni yad be par u lan e pi binaw nu Israel e bay ranod ra kunyed e talin e cham ni kann’ag ni nge mang l’ud rorad. Bay u ra urfiyed yung i shield, gat’ing, gan e gat’ing, sarey, nge gul, nib gaman e l’ud riy u lan medlip e duw.

Amos 2:15

Girdi’en e gat’ing e yad ra sul nga tomur, ma pi’in yad mmachreg ko mil e dabiyag ni ngar thay gad, ma pumo’on ni bay u daken e os e dabiyag ni ngar milgad.

Obadiah 1:15

“Ke chugur ko rofen ni Gag SOMOL e nggu pufthinnag e pi nam. Edom, n’en ni kam rin’ e bay ni rin’ ngom. Ngonglem e bayi sul ngom.

Habakkuk 2:8

Pire’ e nam ni kam giliw niged e girdi’ riy, ma chiney e pi’in kar mageygad e bay ra giliw niged gimed, ni bochan e pogofan ni um thanged nge gafgow nrib gel ni ka’um ted ngak e girdi’ nu fayleng nge pi binaw riy.

Deuteronomy 32:35

I SOMOL e bayi fulweg taban ngorad nge gechig nagrad; bayi taw ko ngiyal’ ni ngar mulgad, rofen ni ngan thirifrad u but’ e be chugur.

2 Thessalonika 1:6

Ya Got e bay rin’ e tin nib mat’aw: ni bayi fek e gafgow nga daken e pi’in yad be gafgow nagmed,

Revelation 17:16

Ma fa ragag i gagey ni kam guy nge fare gamanman e bay ra fanenikayed fare pin nma chuway’ ngak; bay ra feked urngin ban’en rok miyad pag ndakuriy e mad u daken; ma bay ra longuyed e ufin u downgin miyad li’ ko nifiy ngem’.

Revelation 18:20

Tharmiy, mu felfelan’, ya kan kirebnag! Mu felfelan’gad e girdi’ rok Got, nge gimed e pi apostel nge pi profet! Ya ke pi’ Got e gechig rok ni bochan e n’en ni rin’ ngomed!

Revelation 19:2

Ba riyul’ ma bmat’aw e gechig nma turguy! Ya ke gechignag fare pin nib gilbuguwan nma pi’ ir ni chuway’ ni i kirebnag e fayleng nga ngongolen e darngal ni i rin’. I Got e ke gechignag ni bochan e li’ e pi tapigpig rok ngarm’ad.”

1 Samuel 2:4

Gat’ing rok e pi salthaw ni yargel e go’ ke m’ing, machane pi me’waer e yad be gel i yan.