Jeremiah 51:43 - Bible Ni Thothup

⁴³ Pi yochi binaw u charen i yan e pig ya’an nga bang ke bod lan e ted ni dariy e ran riy, ni dakriy be’ nma par riy fa milekag riy.

Jeremiah 51:43 Σταυροειδείς Αναφορές

Psalms 46:8

Mired, ngam guyed e n’en ke rin’ SOMOL! Mu guyed e pin’en ni yira ngat ngay nike ngongliy u daken e fayleng!

Isaiah 13:20

Dariy be’ nrayag ni ngki par u rom. Dakriy reb e Arab i yug be yan ni ku ra n’uf e tent rok u rom, ma aram rogon e pi tagafaliy e gamanman ni dakriy bagyad nra gafaliy e gamanman rok u rom.

Isaiah 34:13

Rachangal e bayi tugul u gubin tafen e pilung nge fa yochi binaw ni kan ngongliy e rungrung riy, ma bayi tafnay e jackal nge owl.

Isaiah 47:11

Riya’ e bayib nga dakenam, ma dariy reb e pig rom nrayag ni nge taleg. Ba tomgin nra machade’ nigem e gafgow — ni gafgow ni da i bit ngan’um!

Jeremiah 18:16

Ka ra ted e re nam ney nike tamdag ya’an, ni nge chuwan’iy riy ndariy n’umngin nap’an. Urngin e girdi’ ni bay ranod u to’oben e bay ra gin gad ko n’en ni yad nra guy, bay ur chichingeged lolugenrad nike balyangan’rad.

Jeremiah 2:6

I m’ay fag u wun’rad, ni yugu aram rogon ni gu chuwegrad u tan pa’ yu Egypt nggu pow’iyrad i yan u daken e ted, u lan ba nam nib sug yungi desert riy nge bogi low, nib fengfeng ma ba sug ko maad’ad ndariy be’ nma par riy, ma der milekag be’ riy.

Jeremiah 50:12

machane fare binaw romed nib sorok e bay ni sobut’nag nge m’ay fan. Babylon e ra par ni ir u fithik’ gubin e nam e th’abi sobut’; ra fengfeng nge par nike daken e ted ni dariy e ran riy.

Jeremiah 51:29

Be duru’ e but’ ma be rur ni bochan SOMOL e ke rin’ e n’en nike tanomnag ni nge tay yu Babylon ni bang i daken e ted ni desert, ni dakriy be’ nra par riy.

Jeremiah 51:37

Re binaw nem e bayi par ni dakriy woton u but’ ni go’ gamanman ni malboch e ma par riy. Nike tamdag ya’an ni dakriy be’ nra par u rom, gubin e pi’in yad raguy miyad ra dugow.

Jeremiah 51:62

Ma aram ma ga meybil ni nge lungum, ‘SOMOL, kamog ni ga ra kirebnag e re gin’ey, nge par ni dakriy e yafos riy, ni girdi’ nge gamanman, me bod bang i daken e ted ni desert ni dariy n’umngin nap’an.’