Jeremiah 51:41 - Bible Ni Thothup

⁴¹ I ga’ar SOMOL u murung’agen yu Babylon: “Fare binaw ni i yog e fayleng e sorok ngay e kan kol! Kari aw yu Babylon nga bang u mit e pi nam!

Jeremiah 51:41 Σταυροειδείς Αναφορές

2 Kronicles 7:21

“Fare Tempel e yibe tayfan e chiney, machane ngiyal’nem e gubin e girdi’ nra yib nge yan u to’oben e ra balyangan’rad ngay miyad fith ni lungurad, ‘Mangfan nike rin’ SOMOL e ren’ey ko re nam ney nge re Tempel ney?’

Isaiah 13:19

U Babylonia e th’abi fel’usun u fithik’ e pi gagiyeg ni bay ufan u daken e pi girdi’ rok. Machane, I Gag SOMOL, e gu ra gathay yu Babylon ni bod ni gu rin’ nga Sodom ngu Gomorrah!

Isaiah 14:4

Ma nap’an nra rin’ ni aray rogon, ma yad ra moningnag e pilung nu Babylon ni yad ra ga’ar: “Fare pilung nib buchan’ e ke thay! Ni dabki gafgownag be’ bayay!

Jeremiah 49:25

Fare binaw nib gilbugwan ni i par nib felfelan’ e kan’ag.

Jeremiah 50:23

Piyu Babylon e kar ama niged ga’ngin e fayleng ke yochiyang, ma chiney e fare ama e ke wearwear! Gubin e nam e kar gin gad ko n’en ke buch ko re nam nem.

Jeremiah 50:46

Nap’an nra thay pa’ yu Babylon, ma bay ba lingan riy nra rurug e fayleng, ma lungun e meyor e yira rung’ag ko tin ba’aram e nam.”

Jeremiah 51:37

Re binaw nem e bayi par ni dakriy woton u but’ ni go’ gamanman ni malboch e ma par riy. Nike tamdag ya’an ni dakriy be’ nra par u rom, gubin e pi’in yad raguy miyad ra dugow.

Ezekiel 27:35

“Urngin e pi’in yad ma par u dep’eday e ra gin gad ko tin ke buch rom. Mus ko pilung rorad ma ke digow, nike gagyel e marus u owcharad.

Daniel 2:38

I tem ni gur e ngu’um gagiyegnag urngin e yungi n’en ni bay e girdi’ riy u fayleng nge urngin e pi gamanman nge arche’. I gur fare llug nni ngongliy ko gol.

Daniel 4:22

“Pilung rog, i gur e re ke gek’iy nem nib n’uw ma ba gel. Ke ga’ buguwam ke yan i tun nga lanelang, ma gagiyeg ni ga be tay e ke taw nga urngin yang u fayleng.

Daniel 4:30

me ga’ar, “Kari gilbuguwan yu Babylon! I gag e gu muruwliy ni nge par ni ir e ba ga’ u fithik’ e pi binaw rog ni ngi i dag gelngin nge rogon e gagiyeg ni gu be tay, nge feni sorog nge fanag pilung.”

Deuteronomy 28:37

U lan e pi nam ni bayi weregmed SOMOL ngay, e girdi’ riy e bay ra dada’gad ko n’en ke buch romed; bay ur minmingad ngomed ma yad be moning nagmed.