Jeremiah 51:31 - Bible Ni Thothup

³¹ Ke malay reb e mal’og nga daken reb yad be mil i yan ko fare pilung nu Babylon yad be yog ngak nike puth e yoror ko binaw rok u gubin raba’.

Jeremiah 51:31 Σταυροειδείς Αναφορές

2 Kronicles 30:6

Me yan e pi tamol’og ya keyog fare pilung nge pi tolang ko salthaw rok ni ngranod u daken yu Judah ngu Israel ni ga’ngin ngar pininged e girdi’ ni be lungurad: “Girdi’ nu Israel da m’ad ko ngiyal’ ni kol yu Assyria e re nam ney. Ere chiney e ngam sulod ngak SOMOL, ni fare Got rok Abraham, Isak, nge Jakob, ma aram e ra sul SOMOL ngomed.

Ester 8:10

Yog Mordekai ni ngan sayinnag fithingan Xerxes ni Pilung ngay, mi ni pag e hung rok ngay. Mini milnag u os ngan wereg nib machreg.

Ester 8:14

Me yog fare pilung ngak e pi tayan u os ni ngar afgad nga daken e pi os rok ngranod ni kari mus machranginrad. Ngar wereged fare thin u lan yu Susa ni fare binaw ntochuch.

BABYOR NI JOB 9:25

Be yan e rran u dakenag nib machrag, ma dariy reb e rran riy ni bfel’.

Jeremiah 4:20

Ke malay reb e riya’ nga daken reb; ke mogothgoth fare nam ni polo’. Yugun dada’ ma kan buthug e pi tent romad; kateng riy e kan gochothuy ke yochyang.

Jeremiah 50:2

“Mu weliy fapi thin ngak e pi nam! Ngam weliy i yan! Mu dag e pow riy ma ga be weliy fapi thin! Dab mu tay nib mith! Ke thay pa’ yu Babylon! Fare got rok ni Marduk e ke wearwear! Pi liyos rok yu Babylon e ka ni tamra’nag; ma fapi ya’an bogi n’en ni kan toy nib sonogor e kan bilbilig!

Jeremiah 50:24

Gimed yu Babylon e kam chamgad ngog, ma kam awgad ko fare wup ni kug tay ni ngam awgad ngay, ni yug aram rogon ni dam nanged.

Jeremiah 50:43

I rung’ag fare pilung nu Babylon murung’agrad, me m’ay yilen pa’ ko marus. Me k’ad e amith, ni bod be’ ni bpin ni nge gargel.

Jeremiah 51:32

Pi to’ogor e kar koled e gin yima th’ab e lul’ riy nga barba’ ma kar yip’ed e nifiy ko yungi tagil’ e ayuw. Salthaw nu Babylon e kar dugowgad.

Daniel 5:30

Ka re nep’ i n’em min thang e pogofan rok Belshazzar ni Pilung nu Babylon,