Jeremiah 51:16 - Bible Ni Thothup

¹⁶ Ir e non me chub lingan e ran u daken lanelang; me girengiy e manilang u tungun e fayleng. I gagiyegnag e uluch nge mat u fithik’ e n’uw me l’oeg e nifeng u tagil’ e cha’ar rok.

Jeremiah 51:16 Σταυροειδείς Αναφορές

Genesis 8:1

Machane depag Got tilin Noah nge urngin e gamanman ni malboch nge gamanman nib mongmor ni bay rok Noah u lan fare barkow; ma aram me pi’ e nifeng nge thow u daken e fayleng, me sul fare ran i yan nga but’.

BABYOR NI JOB 37:13

I Got e ma pi’ e n’uw ni nge tarannag e fayleng; ma pi’ ni nge gechignag e girdi’, fa nge dag ngorad nib gol.

BABYOR NI JOB 38:22

Ka’a mu’un ko pi singgil ni ku gu cha’riy e ayis nib munguy nge ayis nike el ngay nma mul u lanelang nga but’?

BABYOR NI JOB 40:9

Mog, ta’reb rogon gelngim ngog? Rayag ni nge dirra’ lungum ni bod gag?

Psalms 104:7

Nap’an ni mu puwan’ ngak me mil; nap’an nrung’aged ni ka mu tolulnag e tin ngan rin’, me chuw nge yan nib machreg.

Psalms 135:7

Ir e ma fek yungi manileng ko yoko’ u tungun e fayleng i yib; mma mateg e uluch u fithik’ e yoko’, ma ir e ma l’oeg e nifeng u lan e chibgil rok nge yib.

Psalms 147:18

Ma nap’an nra non, me ranran e ayis; me loeg e nifeng, me yan e ran ni lul’.

Psalms 18:13

Ma aram me chob SOMOL ni dirra’ u lanelang; ma laman fa en Th’abi Tolang e nni rung’ag.

Psalms 46:6

Ke m’age marus e pi nam, ma gil’ilungun e pi pilung e ke morur; me non Got ni be chob ndirra’, me ranran e fayleng.

Psalms 68:33

ko en nma yan u lanelang, fare lanelang ni kakrom. Mmotoyilgad ngak ni be tolul nrib ga’ laman.

Psalms 78:26

Miki gagiyegnag e nifeng nge thow ko ngek, ma gelngin e k’aring e nifeng ko yimuch;

Exodus 10:13

Ma aram me pug Moses e sog rok ngalang, me pug SOMOL nifngin e ngek nge yib nga daken fare nam ni polo’ e rran nge nep’. Ma fa’ani kadbul ma ke fek fare nifeng e asmen’ing i yib.

Exodus 10:19

Me thilyeg SOMOL gil’ e nifeng nge thow u lan e ngal nike gel, me kunuy e re nifeng nem fapi asmen’ing nge therebegrad ngalan fa gi day ni Red Sea fithingan. Dariy ta’reb e asmen’ing ni magey u lan yu Egypt.

Exodus 14:21

Me fael Moses pa’ nga daken e day me pi’ SOMOL e nifeng nib gel u lan e ngek nge thow ni reb e nep’ nge chuweg e day me m’ug e but’ nike mlik’. Me yib e mathil u lan fa gi day nge par nike ruw raba’,

Ezekiel 10:5

Lingan pon fa pin’em nib fos e mus nga wuru’ e yoror min rung’ag lingan ngay. Ni lingan e bod lungun Got ni Gubin ma Rayag Rok.

Amos 9:7

I SOMOL e be ga’ar, “Gimed piyu Israel e ta’reb rogomed piyu Ethiopia u wun’ug. I gag e gu fek e piyu Filistia u Crete ngaray, ma piyu Syria e gu fekrad u Kir ngaray, ni bod rogon ni gu fekmed u Egypt ngaray.

Jonah 1:4

Machane me pi’ SOMOL bangi nifeng nib gel nge yan nga regur; me cham e lang ngorad nib gel nge yan i par ni be chugur ni nge pil fare barkow.

Jonah 4:8

Ma fa’ani tolang e yal’ i yan, me l’oeg Got e nifeng nib gowel nge yib ko ngek, me chugur ni nge aw Jonah nga but’ ni bochan gowelngin e yal’ ni be aw ngak. Me finey ni manga yim’. Me ga’ar, “Kabfel’ ni gu ra yim’ ko bin ni nggu par ni gub fos.”