Jeremiah 51:10 - Bible Ni Thothup

¹⁰ Be ga’ar SOMOL, “Girdi’ rog mu tolulgad ni nge lungmed, ‘I SOMOL e ke gagyelnag ni gadad bmat’aw. Darod nga doged ko girdi’ nu lan yu Jerusalem e n’en nike rin’ SOMOL ni Got rodad.’”

Jeremiah 51:10 Σταυροειδείς Αναφορές

Psalms 118:17

Dab gum’, ya bay gu par ni gubfos nggu weliy murung’agen e tin ke rin’ SOMOL.

Psalms 37:6

me gagiyegnag pangim nib mat’aw nge gal ni bod ram’en e yal’ ni misiw’.

Psalms 64:9

Ma aram e bay rrusgad ni yad gubin; bay ra leam niged murung’agen e n’en ke rin’ Got ngar welyed murung’agen e gafarig rok.

Psalms 66:16

Mired ngam motoyilgad, gimed urngin e pi’in gimed ma liyor ngak Got, ma bay gog ngomed e tin ke rin’ ni fan ngog.

Psalms 9:14

ya nge yag ni gu sak’iy nga p’eowchen e girdi’ nu Jerusalem nggu weliy ngorad urngin ban’en ni gu be pining e sorok riy. Bay gu felfelan’ ni bochan e kam mat’aw nigeg.

Isaiah 24:14

Pi’in rfosgad e bay ra tang niged e felfelan’. Ma pi’in bay ko ngal e bay ra weliyed feni sorok SOMOL,

Isaiah 40:2

Mu pi’ed e athamgil nga laniyan’ e girdi’ nu Jerusalem. Mogned ngorad nike gaman n’umngin nap’an ni kar gafgowgad, ma chiney e ken’ag Got fan e denen rorad. Kug gechig nagrad ke yan i mus nga rogon ni bochan urngin e denen rorad.”

Isaiah 51:11

Pi’in mu lagrad ko gafgow e bay ra tawgad nga Jerusalem u fithik’ e felfelan’, yad be tang ma yad be garusnag e felfelan’. Bay ra pired ni yad ba felfelan’ ndariy n’umngin nap’an, ni ka ra pufgad ni urun ko kirban’ nge gafgowan’.

Jeremiah 50:28

Girdi’ ni kar milgad u Babylon karbad nga Jerusalem, yad be weliy rogon SOMOL ni Got rodad e ke falbiyen e tin ke rin’ yu Babylon ko Tempel rok.)

Jeremiah 50:45

Are motoyilgad ko n’en ni kug tanomnag nib togopluw ko fare binaw nu Babylon nge n’en ni kug duwgiliy ni nggu rin’ ko girdi’ riy. Ni mus nga pifakrad ma bay ni chuweg u rom, ma gubin e girdi’ ni bayi rus.