Jeremiah 50:9 - Bible Ni Thothup

⁹ Arme nggu sak’iynag bogi nam nib gel gelngin u lan e lel’och nggu gagiyeg nagrad ngar chamgad nga Babylon. Bay ra k’afgad ngar maelgad ko fare nam ngar koled. Yad bogi salap i yip’ e gamanman, nge mun gat’ing ni dariy e n’en ni nge rin’ me chalaf pa’rad.

Jeremiah 50:9 Σταυροειδείς Αναφορές

2 Samuel 1:22

Gat’ing rok Jonathan e ma li’ e girdi’, saydon rok Saul e der runguy e girdi’, ma aw ngak e pi’in nib gel ngar awgad nga but’, mma li’ e pi to’ogor ngarm’ad.

Tang Ko Pitang 3:8

Yad gubin ni yad ba salap ko saydon; ni riyad ba cheag ko mael. Ra bagyad ma bay e saydon rok, ni ka ra fal’eged rograd ko cham nma yib nnep’.

Isaiah 21:2

Ke pilyeg e changar rog ku gguy ba gafgow nib ga’ nra be’ ma be yagnag be’ nge mathang pogofan ni yibe tay. Salthaw nu Elam, mu chamgad! Salthaw nu Media, mu thabey niged fapi binaw! Got e bayi museg e gafgow ni k’aring yu Babylon.

Isaiah 41:25

“Kug turguy be’ nib mo’on nma par ko ngek; bay gu gagiyegnag nge yib u lel’och i cham ngomed. Bay i yot’yot’ e pi’in yad ma gagiyeg ni gowa yad e rungdu’, ni bod be’ nma ma’ th’ib ni be yot’yot’ e but’.

Jeremiah 15:14

Bay gu gagiyeg nagrad ngu’ur pired ni yad be pigpig ngak e pi to’ogor rorad u lan reb e nam ndar nanged murung’agen, ya damumuw rog e bod e nifiy, ma bay i daramram ndariy n’umngin nap’an.”

Jeremiah 25:14

Bay gu fulweg ngak yu Babylon puluwon e tin ka ra ngongliyed, bo’or e nam nge pilung nib gel lungun ni bay ra fekedrad ngu’ur manged sib.’”

Jeremiah 50:14

“Girdi’en e mun gat’ing, mu k’afgad ngam maelgad nga Babylon ngam koled. Mu paged gubin gan e gat’ing romed nga Babylon, ni bochan e ke denen nib togopluw ngog, I Gag SOMOL.

Jeremiah 50:21

I SOMOL e ga’ar, “Ngan cham ngak e girdi’ nu Merathaim ngu Pekod. Ngan li’rad ngan thang owcharad. Ngan rin’ urngin e tin kugog. I Gag SOMOL e kugog e pi thin ney.

Jeremiah 50:26

Ngan cham ngay u gubin raba’ nge chabal e yungin ni yima cha’riy e grain riy! Ngan ulunguy e tin kan fek u tan e mael ni bod yu ulung i grain! Ngan gathay fare binaw, ma dab mu digeyed ban’en riy.

Jeremiah 50:29

“Mogned ngak e pi’in yad ma mun gat’ing ngar chamgad nga Babylon. Mu l’oeged gubin e pi’in manang rogon e mun gat’ing. Mu thabey niged fare binaw ni dab mu paged be’ nge mil. Mu fulweged taban urngin e tin i rin’, mi gimed rin’ ngak e tin ki i rin ngak boch e girdi’, ni bochan e i ngongol u fithik’ e ufanthin nib togopluw ngog, I Gag fare Thothup nu Israel.

Jeremiah 50:3

“Ba nam ko lel’och e ke yib ni nge cham nga Babylon nge par nike bang i ted ni desert. Girdi’ nge gamanman e bay ra milgad riy, nge par ni dakriy be’ nma par u rom.”

Jeremiah 51:11

I SOMOL e sak’iynag e pi pilung nu Media, ni bochan e ke leamnag ni ngan kirebnag yu Babylon. Aram rogon nra sulweg puluwon e kireb ni kan tay ko Tempel rok. Pi tolang ko salthaw ni yad e yad be cham e rogned nra ga’argad, “Mu uthumed e pi gan e gat’ing romed! Migmed falfal’eg rogon e shield romed!