Jeremiah 50:16 - Bible Ni Thothup

¹⁶ Dab mu yunged e awoch u lan e re nam nem ku dab mu kunyed wom’ngin e woldug riy. Gubin e milekag nma par u rom e bay rrusgad ko salthaw ni be cham miyad sul nga taferad.”

Jeremiah 50:16 Σταυροειδείς Αναφορές

Isaiah 13:14

“Ma pi’in yad ma par u Babylon ni gathi yad girdi’en e bay ra milgad ngranod ko pi nam nrabad riy, yad ra wear ni bod e gamanman ni deer ni yad be mil ko pi takol gamanman, ni bod rogon e pi saf ni dariy be’ ni be gafaliyrad.

Jeremiah 25:38

I SOMOL e ke pag e girdi’ rok ni bod ba layon ni chuw ko low rok. Angin e mael nge gelngin e damumuw rok SOMOL nib gel e ke pingeg fare nam ke par ni gowa bang i daken e ted ndear tugul ban’en riy.

Jeremiah 46:16

Pi salthaw romed e ke tun ayrad ka ra awgad nga but’; ra bagyad me be ga’ar ngak bagyad, ‘Mu gur nagem! Darod nga tabnaw ngak e girdi’ rodad ma gadad mil ko saydon ko pi to’ogor rodad!’

Jeremiah 51:23

gu thang owchen e pi tagafal saf nge yu ran’ i gamanman rorad, nge pi girdi’en e milay’ nge pi os rorad nma gi’ e but’, gu pirdi’iy e pi tagagiyeg nge pi tolang ko salthaw.”

Jeremiah 51:9

Milekag nma par u rom e ra ga’argad, ‘Gamad e gguyed rogon ni nggu ayweged yu Babylon, machane ke sag’al. Are ngad chuwgad e chiney ngad sulod nga tafedad. Ya Got e ke gechignag yu Babylon u polo’ i gelngin ke thirif u but’.’”

Joel 1:11

Nge kireban’med e pi’in gimed ma woldug; mu yorgad e pi’in gimed ma ayuweg e woldug ni grape, ya wheat nge barley, nge urngin e woldug e ke kireb.

Amos 5:16

SOMOL ni Th’abi Tolang ma Gubin ma Rayag Rok e be ga’ar, “Bay i dololoy’ e girdi’ ma yad be yor ko amith u lan e yu pa’ i kanawo’ u lan binaw. Girdi’ ni be woldug e bay ni piningrad ni ngarbad ngar dololoy’ niged e yam’ ni ngar cheggad ngak e pi’in ni yima pi’ puluwrad ngar dololoy’ niged e yam’.”