Jeremiah 50:13 - Bible Ni Thothup

¹³ Bochan e damumuw rog me par yu Babylon ni dakriy be’ riy; ra par ni dakriy woton u but’, ma gubin e pi’in bay u ranod u rom e bay ra dada’gad ngay nike gin lanin’rad.

Jeremiah 50:13 Σταυροειδείς Αναφορές

BABYOR NI JOB 27:23

Be non ngulan e nifeng nga dakenrad ni yad be mil, be karmarus ngorad nga feni gelmarin ni be cham.

Jeremiah 18:16

Ka ra ted e re nam ney nike tamdag ya’an, ni nge chuwan’iy riy ndariy n’umngin nap’an. Urngin e girdi’ ni bay ranod u to’oben e bay ra gin gad ko n’en ni yad nra guy, bay ur chichingeged lolugenrad nike balyangan’rad.

Jeremiah 19:8

Bay gu girngiy ba riya’ nib ga’ nga daken e re binaw ney ni urngin e girdi’ ni yad ra yan u to’oben ma yad ra da’da’ miyad gin ko n’en ke rin’.

Jeremiah 25:12

Tomuren e bay gu gechignag yu Babylon nge pilung riy ni bochan e denen rorad. Bay gu buthug e re nam nem nggu pag ni dakriy e wulgo’ riy bi’id.

Jeremiah 34:22

Bay gu pi’ e thin, ma bay ra sulod ko re binaw ney. Bay rachamgad ngay ngar koled miyad urfiy nga but’. Bay gu tay e yochi binaw nu Judah ni bod bang i ted ni dariy be’ nma par riy. I Gag SOMOL e kugog e pi thin ney.”

Jeremiah 49:17

I SOMOL e ke ga’ar, “Riya’ ni nge yib nga daken yu Edom e ba gal e marus riy ni gubin e pi’in yad ra yan u charen e yad ra dada’ ngay miyad rus.

Jeremiah 50:3

“Ba nam ko lel’och e ke yib ni nge cham nga Babylon nge par nike bang i ted ni desert. Girdi’ nge gamanman e bay ra milgad riy, nge par ni dakriy be’ nma par u rom.”

Jeremiah 51:26

Dariy reb e malang ko tin ke puth romed ni kuyra fanay bayay ko naun. Bay mu boded bang i daken e ted ni desert ni dariy n’umngin nap’an. I Gag SOMOL e kugog e pi thin ney.

Jeremiah 51:29

Be duru’ e but’ ma be rur ni bochan SOMOL e ke rin’ e n’en nike tanomnag ni nge tay yu Babylon ni bang i daken e ted ni desert, ni dakriy be’ nra par riy.

Jeremiah 51:37

Re binaw nem e bayi par ni dakriy woton u but’ ni go’ gamanman ni malboch e ma par riy. Nike tamdag ya’an ni dakriy be’ nra par u rom, gubin e pi’in yad raguy miyad ra dugow.

Jeremiah 51:62

Ma aram ma ga meybil ni nge lungum, ‘SOMOL, kamog ni ga ra kirebnag e re gin’ey, nge par ni dakriy e yafos riy, ni girdi’ nge gamanman, me bod bang i daken e ted ni desert ni dariy n’umngin nap’an.’

Ezekiel 27:36

Kam malog ni dabkum sul bi’id, ma pi tasiyobay u ga’ngin e fayleng e kar digowgad, ma kar rusgad nrichey me buch rorad e tin ke buch ngom.”

Zefaniah 2:15

Irera’ e n’en ni bayi buch ko fare binaw nrib tolngan’ ma rib taf nga gelngin nib gel, ma be leamnag ni dakriy ban’en nra buch rok. Girdi’ riy e yad be leamnag nre binaw rorad nem e ir e th’abi cheag u fayleng. Ere ayugumguyew ko gin bayi yan i aw ngay, ni bayi par ndakuriy be’ riy me mang tagil’ e toffan ko gamanman. Gubin e girdi’ nra yib u charen me m’ing ban’en u yinrad ko morus.

Zekariah 1:15

ma kar gu damumuw ngak e pi nam ni kar felan’gad u fithik’ e mocha’ nge gapas. De n’uw nap’an nug kadan’ug ko girdi’ rog, ma fapi nam e ra gel niged e gafgow ngak e girdi’ rog nge pag rogon.

Deuteronomy 29:22

“Tin bay i yib e mfen ni pi’in owchemed nge pi girdi’ nu boch e nam nib palog e bay ra guyed e pi riya’ nge gafgow ni bayi pag SOMOL nge yib nga daken e nam romed.