Jeremiah 50:1 - Bible Ni Thothup

¹ Irera’ e thin ni yog’ SOMOL ngog u murung’agen fare binaw nu Babylon nge girdi’ riy:

Jeremiah 50:1 Σταυροειδείς Αναφορές

Genesis 10:10

Mu’un yu Babylon ko gin ni i gagiyegnag ni som’on nge yu Erek ngu Akkad. Dalip yang i n’ey e bay u lan yu Babylonia.

Genesis 11:31

Me fek Terah Abram ni be’ nib mo’on ni fak, nge tongin i Lot ni be’ nib mo’on ni fak Haran, miki fek Terah Sarai ni le’engin Abram ni fak me un ngorad ngar chuwgad ko re binaw nem nu Ur ni bay u lan e nam nu Babylonia, miyad yan ni ngranod ko nam nu Kanaan. Miyad mada’ nga Haran miyad par u rom,

Genesis 11:9

Fithingan e re binaw nem nra toyed e naun ngay ni pire’ e yu Babylon, fithingan, ni fan e u rom e athkuy SOMOL e thin rok urngin e girdi’ riy, mu rom e weregrad riy nga gubin yang u fayleng.

2 Samuel 23:2

Kan nthothup rok SOMOL e be non u l’ugunag; thin rok e bay u daken dap’i l’ugunag.

2 Kings 17:24

Me fek fare pilung nu Assyria e girdi’ ko fapi binaw nu Babylon, Kuth, Ivvah, Hamath, ngu Sefarvaim, nge tayrad ngalan fapi binaw nu Samaria nga ron’ed luwan fapi girdi’ nu Israel ni kani kalbus nagrad u reb e nam. Miyad fek e pi binaw ney ngar pired u rom.

BABYOR NI JOB 1:17

Dawori mu’ ko welthin, me taw yug reb e tapigpig rok me ga’ar ngak, “Dalip ulung e girdi’ ni kanog e pi Kaldean ngorad e karbad ra oggad ngomad, ka ra feked fapi kamel ma kar li’ed urngin e tapigpig rom. Kemus ni gag e kug thay ku gub ni nggu weliy ngom.”

Isaiah 14:4

Ma nap’an nra rin’ ni aray rogon, ma yad ra moningnag e pilung nu Babylon ni yad ra ga’ar: “Fare pilung nib buchan’ e ke thay! Ni dabki gafgownag be’ bayay!

Isaiah 23:13

(Gathi piyu Assyria, ya piyu Babylon e ra paged e gamanman ni malboch nge wagay u daken yu Tyre. Piyu Babylon e ra suweged e tawo’en e thum’ ngalan binaw, ma yad e ka ra buthged e pi yoror u Tyre ni fan ko mael, kar paged fare binaw nike mogoth.)

Jeremiah 25:12

Tomuren e bay gu gechignag yu Babylon nge pilung riy ni bochan e denen rorad. Bay gu buthug e re nam nem nggu pag ni dakriy e wulgo’ riy bi’id.

Jeremiah 27:7

Urngin e nam ni bay ra pigpiggad ngak, ma bay ku ra pigpiggad ngak be’ nib mo’on ni fak nge be’ nib pagel ni fak e re mo’on ni fak nem nge taw ko ngiyal’ nike waer fare nam rok. Ma aram e nam rok e bay i pigpig ko pi nam nib gel gelngin nge pi pilung nib ga’ lungun.

Daniel 1:1

Re duw ni gaman e dalip e duw ngay nike pilung Jehoyakim u Judah, me yib Nebukadnezzar ni Pilung nu Babylon i m’ag e mael nga Jerusalem nge yin’ e re binaw nem nga longob.

Acts 7:4

Ma aram me chuw ko nam nu Kaldea nge yan i par ngalan yu Haran. Ma fa’ani yim’ e chitamngin Abraham, me pow’iy Got Abraham nge yib ko re nam ney, ni ir e gimed be par riy e chiney.

2 Peter 1:21

Ya dariy bbugithin ni yog e profet ni sum u laniyan’ be’, ya fare Kan Nthothup rok Got e yib i ying ngak e girdi’ ngar weliyed e thin nike yib rok Got ngorad.

Revelation 14:8

Me lek e bin migid e engel tomuren fa bin som’on ni be ga’ar, “Ke waer! Fare binaw nu Babylon nib gilbuguwan e ke waer! Ke pi’ e wayin rok ngak girdi’en e pi nam ni urngin, ke pi’ ngorad kar unumed, ni fare wayin rok nib gel, ni wayin ko darngal rok!”