Jeremiah 5:26 - Bible Ni Thothup

²⁶ “Girdi’ nib kireb e yad be par u fithik’ e girdi’ rog; yad be pach yad be son ni bod e girdi’ nma pag e nug ni nge kol e arche’ ngay, machane wup ni yad be tay e girdi’ e ngar koled ngay.

Jeremiah 5:26 Σταυροειδείς Αναφορές

Psalms 64:5

Yad be pi’ lanin’rad ko pi makath rorad ni kireb; yad be weliy murung’agen e gin ngar ted e pi wup rorad riy. Ma yad be ga’ar, “Dariy be’ nrayag ni nge guy.”

Proverbs 1:11

Fa’an mang e yad ra ga’ar ngom, “Moy, ngdarod da guyed be’ ngad li’ed ngem’! Ngad oggad ngak e pi’in ndawor ra bucheged ban’en ni fan e ngad minmingad ngay!

Isaiah 32:7

Ir be’ nib kireb mma rin’ e kireb; ma lifith l’ugun ni aram e be ngongliy e makath ni nge gafgownag e pi’in gafgow nge dabiyag ngorad mat’wunrad.

Isaiah 58:1

Be ga’ar SOMOL, “Mu tolul nge mus ga’ngin lungum! Mu weliy ngak yu Israel ni girdi’ rog e denen rorad!

Jeremiah 18:20

Gur tin nib kireb e puluwon e tin ni bfel’? Ya ka ra kered ba low ni nggu mul nga langgin. Mu tafinaynag rogon ni gub ngom nggu welthin ngom ni gu be wenig nagrad, ni nge dab mu gechig nagrad u fithik’ e damumuw rom.

Jeremiah 18:22

Mu pi’ ba ulung i girdi’ ni kireb ngorad nga yugur gin gad ma kan giliw nagrad; mu gagiyeg nagrad ngar yorgad ni ka ra paged lamrad ngalang ni bochan e marus. Kar kered ba low ni nggu mul nga langgin, ma ka ra ngongliyed e wup ni nggu aw ngay.

Jeremiah 4:22

I SOMOL e ga’ar, “Girdi’ rog e yad ba ppinat; dar nanged gag. Yad bod e bitir nib balyang; ni de tamilang lanyan’rad. Yad ba salap i ngongliy e n’en nib kireb, machane dar nanged i ngongliy e n’en nib manigil.”

Jeremiah 9:8

Bolowothrad e bod gan e gat’ing ni yira yim’ riy; gubin ngiyal’ ni yad ma lufith l’ugunrad. Yad gubin ni yad ma non nib simnguy ko en ni yad bbuguliyoror, ma bin rriyul’ e yad be tay e wup ni ngar awgad ngay.

Mikah 6:10

U lan e pi naun rok e pi’in kireb e bay e machaf riy nra feked u fithik’ e sasalap. Yad be sasalapiy i foleg ban’en, aram ban’en ni gub fananikay.

Mikah 7:2

Dariy ta’abe’ nike magey u daken e re nam ney nder sasaliyeb, ma dariy be’ riy nib yul’yul’ ngak Got. Ya yad gubin ni karm’ad. Urngin e girdi’ nra be’ ma yugu be son ni gomanga yigi bung rogon nge thang e pogofan. Gubin e girdi’ nra be’ ma be guy rogon nge aw be’ ko wup rok, ni be’ ko nam rok.

Luke 5:10

Ma ku aram rogon fa gali cha’ ni yad Simon ni aram James nge John, ni fa gali cha’ ni fak Zebede. Me ga’ar Jesus ngak Simon, “Dab mu tamdag; ya chiney i yan ngaram e bay um yagnag e girdi’.”