Jeremiah 5:23 - Bible Ni Thothup

²³ Machane gimed e pi girdi’ nir! Gimed bogi gelan’ ni tatogopluw; ka mu chealgad nga bang ka mu paged gag.

Jeremiah 5:23 Σταυροειδείς Αναφορές

Psalms 78:8

Dab ra boded e pi chitamangirad kakrom, ni bogi girdi’ ni yad ba tatogopluw ma darir folgad, ni de muyluy e pagan’ rorad ngak Got, ma darir pired ni yad ba yul’yul’ ngak.

Psalms 95:10

Aningeg i ragag e duw nri gu dabuy e ngongol rok e pi girdi’ nem; i lungug, ‘Ri darir yul’yul’gad! Ya ra siyegged ni ngar rin’ed e tin ni kugog ngorad ni ngar rin’ed.’

Isaiah 1:5

Mangfan ni kayugu mpired ni gimed be togopluw? Mogned, gimed ba’adag ni ngan gelnag e gechig ngomed? Israel, lolugmed e ke polo’ i maad’ad, ma lan gum’ircha’med nge lanin’med e ke m’ar.

Isaiah 31:6

Got e ke ga’ar, “Gimed e girdi’ nu Israel, ka mu denengad ma ka mu togopluwgad ngog. Mired e chiney ngam sulod ngog!

Jeremiah 17:9

“Mini’ e rayag ni nge nangfan lanyan’ e girdi’? Dakriy yug reb e ban’en ni aram feni sasaliyab; ke pag rogon feni m’ar ni dabki gol.

Jeremiah 4:17

ma bay rabad ra longbiyed yu Jerusalem ni bod e pi pumo’on ni yad ma matanagiy bang i flang, ni bochan e girdi’ riy e kar togopluwgad ngak SOMOL. I SOMOL e be non.

Jeremiah 5:5

Ere bay gu waen ngak e pi’in yad ma gagiyeg nggu weliy ngorad. Bmich ni yad manang ko mang e be yog Got, fa mang e ba’adag SOMOL ni ngar rin’ed.” Machane yad gubin nra siyegned mat’wun SOMOL miyad siyeg ni ngar folgad rok.

Jeremiah 6:28

Yad gubin ni yad bogi gel laniyan’ ma yad be togopluw; yad ma yan ni yad ma dugdug thin. Ba gel lanin’rad ni bod e wasey ni bronze nge iron; yad gubin ni ka ra kirebgad.

Hosea 11:7

Ri yad be guy rogon ni ngar pi’ed keru’rad ngog. Bay ra yorgad ngalang ni bochan fare mat’ ni bay u porad, ma dariy be’ nra chibiy nge chuweg rorad.

Hosea 4:8

Ke yo’or ban’en romed ni bochan e denen ko girdi’ rog, are gimed e gimed ba’adag ni ngu’ur pirednag e denen.

Zefaniah 3:1

Gafgow e nge tay yu Jerusalem, nib binaw nike sug ko kireb nge togopluw ni be gafgownag e girdi’ riy.

Deuteronomy 21:18

“Fa’anra bay be’ ni pumo’on ni bay ba pagel ni fak nib gelan’ ma ba tatogopluw, ma der ma fol ko gal labthir rok, ni dariy fan ni yow ma gechignag.

Deuteronomy 31:27

Gu manang rogon farad gelan’ nge gelngin e togopluw ni yad ma tay. Fa’anra kar togopluwgad ngak SOMOL ni ku gub fos, ma kab gel e togopluw ni bay ur ted ngak u tomuren ni kugum’.

Hebrews 3:12

Pi walageg ni girdi’en Kristus: mu ayuwgad nge par ndariy be’ u fithik’med nib kireb e leam rok ma der michan’, ya ri pi’ keru’ ngak Got ni be par nib fos.