Jeremiah 5:13 - Bible Ni Thothup

^13-14 Yad be yog ni pi profet e dariy rograd ni yad bogi nifeng ni der pi’ SOMOL e thin rok ngorad. I SOMOL ni Got ni Gubin ma Rayag Rok e ke ga’ar ngog, “Jeremiah, bochan e pi thin nike yog e pi girdi’ ney, ma bay gu tay e thin rog nga langam ni bod ba nifiy. Girdi’ e bay ra boded e l’ud, ma nifiy e bayi urfiyrad ngar m’ay gad.”

Jeremiah 5:13 Σταυροειδείς Αναφορές

2 Kronicles 36:16

Machane ur moning niged e pi tamol’og rok Got, ngu’ur feked yathin e pi thin rok ma yad be minmin ko pi profet rok, me munmun ma kari gel e damumuw rok SOMOL ko girdi’ rok ni dakiyag nrathaygad ko damumuw rok.

BABYOR NI JOB 6:26

Gimed be leamnag ni tin gu be yog e dariyfan kemus nnifeng; me ere mangfan ni gimed be fulweg lungug nike mulan’ug?

Proverbs 25:14

Girdi’ ni micheg bogi ban’en ni bay ra pi’ed me taw ngay ma dab ra pi’ed e yad bod yungi manileng nge nifeng nder pi’ e n’uw.

Isaiah 41:29

Urngin e pi got nem e dariy farad; dariy ban’en nrayag ni ngar rin’ed, pi liyos rorad e yad bme’waer ma dariy gelngirad!”

Jeremiah 14:13

Ma aram me lungug, “SOMOL ni Th’abi Tolang, ga manang ni be weliy e pi profet ngak e girdi’ ni dabki yib e mael ara uyongol, ya ke lungurad kamog ni kemus ni gapas e bayi par u daken e nam romad.”

Jeremiah 14:15

I Gag SOMOL e gu be yog ngom e n’en ni bay gu rin’ ngak e pi profet nem ni gathi gag e kug l’oegrad, ma yad be welthin u fithingag ni be lungurad, mael nge uyongol e dabi yib nga daken e re nam ney. Ere bay gu thang e pogofan rorad u fithik’ e mael nge uyongol.

Jeremiah 18:18

Ma aram me ga’ar e girdi’, “Marod ngad rin’ed ban’en ngak Jeremiah! Ya gubin ngiyal’ ni bay e pi prist ni yad ra fonow niged gadad, nge girdi’ nib gonop ni yad ra pow’iydad, nge pi profet ni yad ra weliy e thin rok Got ngodad. Ngad olobochgad ngak ma dab ku da motoyilgad ko tin be yog.”

Jeremiah 22:22

Pi tayugang’ rom e bayi changag nagrad e nifeng, mi ni fek e pi’in gimed ngabang ngar manged kalbus ko mael, binaw rom e ke m’ayfan ma bay ni tamra’nag ni bochan e gubin e kireb ni ka mu rin’.

Jeremiah 28:3

U lan l’agruw e duw e bay gu fulweg ngaray urngin e machaf ko Tempel ni fek Nebukadnezzar ni Pilung nga Babylon.

Jeremiah 43:2

Ma aram e Azariah nib mo’on ni fak Hoshayah nge Johanan nib mo’on ni fak Kareah nge gubin e girdi’ nib tolangan’rad e ra ga’argad ngog, “Ga be ban. I SOMOL ni Got romad e de l’oegem ni ngamog ngomad ni dab gu warod gu pired nga Egypt.

Hosea 9:7

Ngilan’ e gechig e ke anog ngay, ni aram e ngiyal’ ni nge sul taban ngorad e tin ni ur rin’ed’. Nap’an nra yodrom, ma bay i nang yu Israel! Are gimed be ga’ar, “Re profet ney e bbalyang. Re mo’on ney ni be yog e thin e ba aliliy.” Gimed e kam dubyedgag ni bochan e ke pag rogon e denen romed.