Jeremiah 49:5 - Bible Ni Thothup

⁵ Bay gu kar marus ngomed u gubin yang. Gimed gubin ni bay mmilgad. Ra bigmed ma be milnag e pogofan rok, ni dakriy be’ ni ku ra kunuy e yu ulung i salthaw romed nga ta’bang bayay.

Jeremiah 49:5 Σταυροειδείς Αναφορές

2 Kings 19:7

I SOMOL e bayi gagiyegnag e pilung nu Assyria nge rung’ag bbugithin ni be weliy e girdi’, ma aram e re bugithin ni bayi gagiyegnag nge sul ko nam rok, mi SOMOL e bayi gagiyegnag ngan thang e pogofan rok u rom.’”

BABYOR NI JOB 15:21

Bayi rung’ag lungun e morus ni be gogo’ ngalan tel, me og e moro’ro’ ngak ko ngiyal’ ni be leamnag ndariy ban’en nra buch rok.

Proverbs 28:1

Pi’in kireb e yad ma mil ko ngiyal’ ndariy be’ ni be lol’oegrad, ma be’ nib mat’aw e bod feni m’uthan ba layon.

Isaiah 16:3

Miyad ga’ar ngak e girdi’ nu Judah, “Moged ngomad ko mang e nggu rin’ed. Mu yororgad romad ni bod ba ke gek’iy ni aw fon nib tagarbeb u gowalngin e misiw, mpaged gamad nggu toffangad nga fomed. Ya gamad bogni’ ndariy tafenmad, mmithaged gamad ko gin ndariy be’ nra pat ngomad riy.

Jeremiah 15:8

Ku gu yo’ornag e ppin nike yim’ e pumo’on rorad nike yo’or ko yan’ ni bay u dap’el’ay. Pi’in ni pagel ni pifakmed nike taw nga fel’ngirad e ku gu thang e pogofan rorad, ku gu gagiyegnag pi chitiningirad ka ra gafgowgad. Gugad paag ngorad nib tomgin ke yib e gafgow nib gel ngorad ma kar pired nga fithik’ e marus.

Jeremiah 16:16

SOMOL e ga’ar, “Ku gu mol’og ni nge yib e pi tafita’ ni yad ba yo’or ni ngar koled e pi girdi’ ney. Ma bay gu l’oeg girdi’en e mun gamanman ni yad ba yo’or ngar gawegedyad ngan kolrad u daken gubin e pi burey nge yochi burey nge lan e yiy ngu fithik’ e war.

Jeremiah 20:4

I SOMOL e ke ga’ar, ‘Bay gu gagiyeg nigem ngam mang tapgin e marus ni nge yib ngom nge ngak e pi tafager rom, ma bay mu guyrad ni yad gubin ni karm’ad ko pi saydon rok e pi to’ogor rorad. Bay gu tay urngin e girdi’ nu Judah nga tan gelngin e pilung nu Babylon; bayi fek boch i yad nga Babylon ngar kalbusgad, ma boch i yad e bayi thang e pogofan rorad.

Jeremiah 46:5

SOMOL e fithrad ni ga’ar, “Mang e gu be guy? Miyad sul nga tomur u fithik’ e marus. Pi salthaw rorad e yibe pi’ i yan nga tomur; nike li’rad e marus, yad be mil ni kari mus macharnginrad ni darir sapgad nga tomur.

Jeremiah 49:29

Ngan fek e tent rorad u pa’rad nge yu ran’ i gamanman rorad, nge pi kateng ko tent rorad nge gubin e chugom u lan e tent rorad. Min fek e kamel rorad min ga’ar ko girdi, ‘Marus e keyin’med nga longob!’

Jeremiah 6:25

Dabi math’ madgun romad ni nggu warod nga wuru’ e binaw, ara ug warod u lan e yu pa’ i kanawo’; ya pi to’ogor romad e ka ra feked talin e cham kar pired, ma ke th’abmad e marus.”

Lamentations 4:15

Me tolul e girdi’ nra ga’ar gad, “Mmuchuwgad riy! Gimed ba ta’ay! Dab mmath gad ngomad!” Ma aram miyad milethay u reb e nam nga reb, ni dariy be’ ni m’agan’ ngorad.

Amos 4:3

Bay ni girngiymed ko gin nib chugur ni kan kuruf ko yoror ko binaw nga nin’med riy nga wuru’.”

Joshua 2:9

me ga’ar ngorow, “Gu manang ni SOMOL e ke pi’ ngomed e re nam ney, ma nggog ngomew ni gamad gubin e re nam ney ni kug rusgad ngomed.