Jeremiah 49:32 - Bible Ni Thothup

³² “Ngan fek e kamel rorad nge gubin e yu ran’ i gamanman rorad! Bay gu wereg fapi girdi’ ni kar th’abed piyan lolugenrad ke ngoch u gubin yang, ma bay gu fek e riya’ nga dakenrad u gubin yang.

Jeremiah 49:32 Σταυροειδείς Αναφορές

Jeremiah 49:36

Bay gu gagiyegnag e nifeng nib gel u gubin yang nge gad nga Elam, ma bay gu wereg e girdi’ riy u gubin yang, nge yan i par ni dakriy reb e nam ni dawri mil e girdi’ riy ngay.

Jeremiah 9:25

I SOMOL e be ga’ar, “Bayi taw nga bangiyal’ ni bay gu gechignag e girdi’ nu Egypt, Judah, Edom, Ammon, Moab, nge girdi’ nu daken e ted, ni kar th’abed piyen lelugenrad ke ngoch. Gubin e pi girdi’ ney ni ka ni maad’ad nagrad ni bod ni yog e motochiyel rok Moses, machane darir ayweged fare m’ag ni pow riy e ram. Dariy reb e pi girdi’ ney fa reb e girdi’ nu Israel nma tay fare m’ag u gil’.”

Ezekiel 5:10

Ma wenegan nra yib riy e pi galibthir nu Jerusalem e bay ur longyed pifakrad, ma bitir e bay ur longyed e galibthir rorad. Bay gu werwereg u gubin yang e pi’in ni magach ni kub fos.

Ezekiel 5:12

Ba guruy u dalip guruy ko girdi’ rom e bay i yim’ ko m’ar nge bilig u lan binaw; ma ba guruy u dalip guruy e bay ni th’abrad nga but’ ko saydon u wuru’ fare binaw; ma bay gu wereg e guruy ni wuriyel nga fithik’ e nifeng mu gu tulufrad ko saydon.

Deuteronomy 28:64

“Bayi weregmed SOMOL ko pi nam u baley e fayleng nge mada’ nga baley. Mu rom e bay um pigpiggad riy ngak e pi got nni ngongliy ko gek’iy nge malang, pi got ndawor mu meybilgad ngorad bi’id ma ku eritay e pi chitamangimed kakrom.