Jeremiah 48:8 - Bible Ni Thothup

⁸ Dariy reb e yochi binaw nra thay ko fare riya’; loway nge daken e tafelfel’ e go’ bayi mogothgoth. I Gag SOMOL e kugog e pi thin ney.

Jeremiah 48:8 Σταυροειδείς Αναφορές

Jeremiah 15:8

Ku gu yo’ornag e ppin nike yim’ e pumo’on rorad nike yo’or ko yan’ ni bay u dap’el’ay. Pi’in ni pagel ni pifakmed nike taw nga fel’ngirad e ku gu thang e pogofan rorad, ku gu gagiyegnag pi chitiningirad ka ra gafgowgad. Gugad paag ngorad nib tomgin ke yib e gafgow nib gel ngorad ma kar pired nga fithik’ e marus.

Jeremiah 25:9

‘Chiney e bay gu l’oeg urngin e girdi’ ko lel’och nge tapigpig rog i Nebukadnezzar ni Pilung nu Babylon. Bay gu pagrad ngarbad ko cham nga Judah ngak gubin e girdi’ riy nge ngak gubin e binaw u to’oben i yan. Bay gu thirif e re nam ney u but’ nge pi binaw ni bay u to’oben i yan nggu pag ndariy tulwen ni manemus, ni ka ri kireb ni nge gin owchey ngay. I Gag SOMOL e gu be non.

Jeremiah 48:18

Gimed e pi’in ni gimed ma par u Dibon, e ngambad nga but’ u gil’med nib gilbugwan ngam pired nga but’ nga fithik’ e ab; ke taw e girdi’ ni nge gothothay yu Moab kar ted yung i tagil’ e ayuw ni dakriy e wulgo’ riy.

Jeremiah 51:56

Karbad ni ngar kireb niged yu Babylon; kan kol e pi salthaw riy, ma pi gan e gat’ing rorad e ke m’ingm’ing. I Gag ba Got ni gu ma gechignag e kireb, ma bay gu rin’ nga Babylon e tin nib merag ni ngan rin’ ngay.

Jeremiah 6:26

I SOMOL e be ga’ar, “Gimed e girdi’ rog, e ngam mon’ed e mad ni tutuw, mi gimed pig u fithik’ e awat. Mu dololoy’gad ni bod be’ ni be yornag be’ nib mo’on ni fak ni ka ri ma’agirag rok, ya en nike yib ni nge kireb nagmed e bayi cham ngomed nib tomgin.

Ezekiel 25:9

ere aram fan ni bay gu pag fapi binaw ni yad ma yoror ko mathil nu Moab ngeb e cham ngorad, nib mu’un fapi binaw ngay ni fafalel’ — yu Beth Jeshimoth, Baal Meon, ngu Kiriathaim.

Joshua 13:17

Ma kub mu’un yu Heshbon nge gubin e pi binaw nu daken e flang ngay Dibon, Bamoth Baal, Beth Baalmeon,

Joshua 13:21

Kub mu’un gubin e binaw ni bay u daken e flang ngay nge ga’ngin fa gin’en nma gagiyegnag Sihon ni Pilung ko Amorite niki i gagiyeg u Heshbon. Me gel Moses ngak, ma ku errogon e pi tagagiyeg nu Midian: Evi, Rekem, Zur, Hur, nge Reba. Yad gubin ni ur gagiyeg niged fare nam rok Sihon ni Pilung.

Joshua 13:9

Re gin’em ni taferad e tabab u Aroer (ni bay u thathren fare Loway ni Arnon) ni kub mu’un fare binaw ni bay u lukngun e re loway nem ngay ma ku arita’ gubin fa yungi flang nu Medeba nge mada’ nga Dibon.