Jeremiah 48:7 - Bible Ni Thothup

⁷ “Gur yu Moab, e ke pagan’um nga gelngim nge fel’ rogon rom, ma mus ngom e chiney ma bay ni kolem; fare got rom i Kemosh e bay ni fek ngabang, nib chagil e pi tolang rok ngak nge pi prist.

Jeremiah 48:7 Σταυροειδείς Αναφορές

2 Samuel 5:21

Pi Filistine e ra n’aged e pi liyos rorad u rom, me fek David nge salthaw rok fapi liyos ngranod.

1 Kings 11:33

Nggu rin’ e ren’ey ni bochan e ke n’igeg Solomon be tay fan Astarte ni got rok yu Sidon; nge Kemosh ni got rok yu Moab; nge Molek ni fare got rok yu Ammon. Solomon e dakir fol rog; ke rin’ e kireb ma dakir tay e motochiyel rog nge thin rog u gil’, ni gathi aram rogon ni i rin’ e chitamngin i David.

1 Kings 11:7

Mu daken e burey ko ngek u Jerusalem e ubung bangi ban’en riy ni ngu’un tayfan Kemosh riy, ni fare got ni sonogor nu Moab, nge bang ni ngu’un tayfan Molek riy, ni fare got ni sonogor nu Ammon.

Psalms 40:4

Ba felfelan’ e en ni SOMOL e be toer ngak, ma dar cheal nge toer ngak e pi liyos, ara un ko meybil rok e pi’in yad ma tayfan e pi got ni go’ bogi ban’en.

Psalms 52:7

“Muguyew, ba’aray facha’ nda i naf ngak Got ni nge ayuweg, ya i pagan’ nga feni yo’or bogi ban’en rok, ma fel’ rogon rok e ke mang yoror rok.”

Jeremiah 13:25

I yog ni irera’ e n’en ni nge buch romed. Irera’ e n’en ke leamnag ni nge rin’ ngomed, ni bochan e ka mu paged talin ke l’agan’med nga yug boch e got ni go’ bogi ban’en.

Jeremiah 43:12

Bay gup’ e nifiy ko tempel rok fapi got nu Egypt, ma fare pilung nu Babylon e reb e ra urfiy fapi got fa reb e ra chuweg fapi got. Bod ba tagafal saf nra feked e mad rorad nike chuw e yanuk riy, e aram rogon fare pilung nu Babylon nra pug fare but’ nu Egypt ngalang nike be’ech ma aram me yan nike gel.

Jeremiah 48:13

Ma aram e piyu Moab e bay ra tamra’gad ko fare got rorad i Kemosh, ni ri bod piyu Israel nra tamra’gad ngak Bethel, ni fare got ni i pagan’rad ngak.

Jeremiah 48:46

Ke gafgow e girdi’ nu Moab! Ni girdi’ ni yad ma tay fan Kemosh e kan thang owcharad, ma pumo’on ni pifakrad nge ppin e kan fekrad ni kalbus.

Jeremiah 49:3

Girdi’ nu Heshbon, mu yorgad ngalang! Ai e kan buthug! Pi’in ni ppin nu Rabbah, mu mowawgad! Moned e mad ni tutuw ko mowaw ni ngam ted. Mmilgad i yan nike wagagey lanin’med. Fare got romed i Molek e bay ni fek nib kalbus nga wuru’ e nam, nib chagil e pi prist rok ngak nge fapi pumo’on ni fak e pilung.

Jeremiah 49:4

Gimed e girdi’ ni dam yul’yul’gad mang ni gimed be ufan sorok? Ya gelingmed e dakriy. Mangfan ni gimed be pagan’ nga gelingmed gimed be yog ni dariy be’ nrayag ni cham ngomed?

Jeremiah 9:23

Be ga’ar SOMOL, “En nib gonop e dabi uf ko gonop rok, ma en nib yargel e dabi uf nga gelngin, ma en nib pire’ ban’en rok e dabi uf ko fel’ rogon rok.

Hosea 10:13

Ma dam rin’ed, ya kireb e mu yunged ni ngam t’ared wom’ngin. Kam ked wom’ngin e malulfith l’ugun romed. “Ya i pagan’med ko pi chariot romed nge feni yo’or e salthaw romed,

Numbers 21:29

Gafgow gimed e girdi’ nu Moab; gimed e pi’in gimed be tayfan Kemosh e kam awgad nga fithik’ e kireb! Fare got romed e ke pag e pumo’on kar malethaygad, ma pi’in ni ppin e kar manged kalbus ko pilung nu Amor.

1 Timothy 6:17

Mog ngak e pi’in bo’or ban’en rorad ko biney e tamilang ndab ra ufanthin gad, ma dabi l’agan’rad ko pin’em nde muduwgil, ni aram e pin’en nma fel’ rogoy riy ko biney e tamilang, machane nge l’agan’rad ngak Got ni ir e ba gol ni be pi’ urngin ban’en ngodad ni be fel’ rogorad riy.

Revelation 18:7

Mu gafgow niged mi gimed kirebnag laniyan’ ni bod gelngin buguwan nge fel’ rogon nike pag rogon ni i tay. Ya yugu be ga’ar u laniyan’, ‘Kug par ni kug pilung!, ni gathi gag be’ nike yim’ figirngig, dariy e chirofen nra kireban’ug!’

Judges 11:24

Ere gimed be guy rogon ni ngam fulwegned? Mu ted romed urngin e tin ke pi’ Kemosh ni got romed ngomed. Machane gamad e nge par romad gubin e tin ke pi’ SOMOL, ni Got romad ngomad.